مواقفكم مضحكه كانت او محزنه بغرفة الولاده

وراح اقولكم موقف حصل معي لما جبت المولوده الثالثه اسمعوا ياطويلات العمار رحت للمستشفى وكانت معي امي الله يرحمها ويغفر لها يارب
المهم جالسه اوصيها يامي بالله عليك لا تشوفيني وهي الله يرحمها جات عند راسي وماسكه في يدها شرشف عشان ما تشوفني لما تجي الولاده
عاد الممرضات هذي تدخل وثانيه تخرج وتجي وحده وتحطني على جنبي وتضربني ابره وخلتني على جنبي وانا حاسه اني كبيره ووثقييييييله من الاسطوانه الاكسجين ذي اللي تخليك تهلوسيين ولا تدرين وين الله حاطك
واذا حسيت بالم هات يشفط في ذا الاكسجين وشوي اضحك وشوي ابكي تقولي شاربه شي حسبي الله ونعم الوكيل
المشكله جيت ابي انقلب على ظهري ماقدرت احس اني ثقيله بالمره
وامي الله يرحمها تسالني تحسين بشي قلت ايييييييه قالت طيب انقلبي على ظهرك قلت ماقدر انا ثقيييييييله
كلها لحظات مسكتني امي مع عضدي وصرت على ظهري
لا وتلتفت الممرضه وتشوف جزء من راس البيبي طالع وتجي تفزع وانا ادف عشان البيبي يخرج حسبي الله عليها وهي ترجعه بيدها فاهمين على تسد مخرج البيبي بيدها
عاد انا حسيت بالموت وان البيبي بخطر
فصيح بامي الله يرحمها ويغفر لها
الحقي علي البنت راح تموت وتجي جعلها في الجنه (تدف) وتدفع الممرضه بعيد مني
وتستقبل المولوده اللي كان الحبل السري ملتف على رقبتها وكتوفها
عاد زعلوا الممرضات وقالوا الامي انت مافي كويس الله حسبي عليهم
لما اتذكر موقف امي الله يرحمها ادعيلها ان الله ويفرج عليها كربه من كرب يوم القيامه
وخليتها تسمي البنت لان اسمها قديم ولا تبي احد يسمي عليها
الله يعوضها الجنه يارب



يالله ابي مواقفكم