جلسة رعب لاصحاب القلوب القويه
هذي مجموعه من الاحداث صارت لي و انا صغيره و كلها حقيقه ... ترددت اكتب لكم الموضوع بس شوفو كيف تصرفت ...
واذا صارلكم شيء اكتبوه بس لحد يألف من عقله :lookaroun
(اللهم انا نجعلك فى نحورهم ونعوذ بك من شرورهم )
اول حدث كنت في الصف الاول او الثاني الابتدائي ... دائماا و انا نايمه بالغرفه مع خواتي اصحى نفس الوقت تقريبا الساعه 3 صباحا ... و دائما احس احد موجود معنا بالغرفه انا و اخواتي " مع اني ما كنت اعرف ان فيه عالم ثاني غير الانس " ... لما اصحى اطالع شباك غرفتنا و الشباك طويل اشوف هيئه شخص طويييل .. و كانها زي الشرشف او البطانيه ورا الشباك معلقه .. تعرفون حركات الافلام اذا جا واحد يسوي نفسه شبح يحط ع راسه شرشف ابيض ... زي كذا
كنت اطالع فيه ساااعه ابغا اشوف ايش الشكل هذا .. و دايما ارتعب اذا دققت و طالعته زين و اروح على ابوي و امي في غرفتهم واقولهم ... و دايما حاطه في راسي انه حرامي
و دائما تتكرر و من كثر ما اروح لابوي ... صرت استحي اقولهم اطالع فيه و انام ... " اطنش :pbsmile: " الين في يوم ... هيئته صارت اوضح و صار يخوف اكثر :freak6: ... صرت اشوف زي العيون تطالعني :icon810: ... طبعا ما قعدت .. اركض و انا منبطحه سيده على غرفة ابوي .
فعلمني ابوي اذا شفتيه مره ثانيه قولي بسم الله و عطول يخاف و يروح ... و من ذا اليوم الى يومكم هذا و انا محافظة ع صلاتي حتى الفجر اهاوش الخدامه يوم كنت صغيره اذا ما صحتني اصلي .. :angry2:
الحدث الثاني كان عمري 10 سنين ...
طبعا اموت ع يوم الخميس يوم كنت صغيره " تعرفون عطله " فدايما نطلع و كنت العب الين ما اطيح من التعب و يوم رجعت نمت عطول ما دخلت الحمام و لا فرشت اسناني :biggrinlo و لا غيرت ملابسي ... صحيت الفجر و كنت ابغا الحمام :ohplease: "و انتو بالكرامه " غرفتنا كانت جنب غرفة اخواني الصغار... و غرفة اخواني مقابله الحمام ... و يوم جيت ادخلة لفت نظري شيء ع سرير اخوي و اطالعه :blink: الاقي الاخ متربع وحاط البطانيه فوقه "كان لون البطانيه برتقالي يلفت النظر عشان كذا انتبهت" و اضحك في نفسي و اقول " الحمدلله و الشكر" حتى النوم ما ينامون عدل ... بعدين قبل لا ادخل الحمام .. افكر اقول ( :ohplease: ليه اخوي صاير كبير و هو نتفه ) و اطالعه مره ثانيه و استوعب اللي عالسرير مو هو :humm: ... راسه فوق و متربع و ركبته من طرف السرير الى الطرف الثاني و يتحرك بطريقه غريبه كانه مو متوازن .. حجمه حجم رجال :icon28: :icon36: ... كان اقرب شيء لي الحمام ادخل و اقفل علي و اقرأ كل اللي حفظته من القران في قلبي و قعدت حوالي ربع ساعه مرعووووبه من المنظر و يوم طلعت ... لقيت كل شيء عادي و بطانية اخوي " البرتقاليه " طايحه بالارض و اخوي نايم ... :unsure:
كنت صغيره و لا نطالع التلفزيون ابداا فماكان فيه مجال للخيال ... و لا كنت اعرف شيء عن الاشياء اللي شفتها
وهذي حدثين بسيطه صارتلي :happy:
اتفضلو حطو قصص صارت لكم و اذا تبون تعرفون احداث اكثر بكتبها بعد الردود ...
جلسة رعب لاصحاب القلوب القويه
هذي مجموعه من الاحداث صارت لي و انا صغيره و كلها حقيقه ... ترددت...
الله يكون بعون كل مسلم