مواقفكم مع السفر ،، شاركونا ..

السلام عليكم .. 
أهلاً بكم حبايبي ، كيفكم ان شاءالله بخير  
 اليوم جايتكم بموضوع غير ، ومع المجلس العام يحلوا التصفح والتجول في المواضيع ..
 نبي الله يسلمكم في هذا الموضوع كل واحد يكتب لنا قصص ومواقف حصلت له في السفر
سواء كانت محزنه ، مفرحه ، محرجة ، مرعبة ... الخ 
قبل ابدأ بموقفي ( لا أحلل نقل الموضوع إلا بعد كتابة أسمي + المصدر ) 
موقف صار لي : 
 موقف مضحك صار لنا في أيام سفرتنا للإمارات .. 
طبعاً المكالمات هناك الدوليه لازم نحط رقم خاص ثم  نحط رقم الي بندق عليه ،، المهم في الشقه أمي دقت ع جوال جدي ونست تحط الرقم الخاص عاد دق طبعاً على رقم داخلي يعني داخل الإمارات ورد عليها واحد هندي ،، أمي ماانتبهت للصوت وحسبته خالي  وقالت : الووو انت فلان ؟
قال: لا أنا سولتان هههه يعني سلطان خخخ أمي سكرت الخط على طول ،،، رحنا المنتزه وجلسنا وتقهوينا وكل شيء ثم أنا قلت يمه دقي ع جوال ابوي ولاتحطين الرقم الخاص خلينا نشوف من يرد .. وحطت أمي سبيكر وإخواني يسمعون عاد رد واحد هندي .. قالت أمي: هذا جوال فلان ؟ خخخخ قال: مين فلان ؟ أمي سكرت وقمنا نضحححك ،، شوي الا أمي عجبها الوضع وقالت خليني أدق ع جوال أبوي خلينا نضحك ع سلطان خخخ ،، عاد أمي دقت وهو يرن. ... الا اخوي قال: تخيلو جدي يرد وقمنا نضحك شوي الا رد واحد وقالت أمي: الووو .. قال ألووو  شوي أمي انقلب وجهها احمرر خخخ طلع جدي صدق والسبب انها دخلت الرقم الخاص عاد أمي انحرررررجت صكت في وجهه من الروعه ولا عاد دقت على احد خذتها تووووبه هههههههه...
 
مواقف عجبتني ونقلتها لكم : 
1
**

هذي الله يسلمكم حرمة هي وبنته أو ولدة الصغير حاجزين ok على جدة وكان يبي يستقبلهم في جدة زوجها ، المهم

راحت الحرمة هذي للمطار وعطت الموظف التذكرة والحجز قام عطاها البوردنق وقالها تفضلي البوابة رقم كذا المهم 

راحت الحرمة وهي بلشة بولدها وتسمع المذيع ينادي بس مهب لمه ركبت الطيارة وركبوا العالم واقلعت الرحلة وهي 

لاهية مع ولدها المهم يوم وصلت الطيارة وتفتح جوالها ودق زوجها على طول قال هالحين مقفلتن جوالتس إلى هالحزة 

ليه ؟ قالت تونا نوصل الأرض قال تعقبين مكتوب باللوحة انها وصلت يعني له شوي واصلة قالت طيب طيب وهي مهب 

لمه لم البزر اللي مشغله المهم نزلت مع الطيارة ودخلت الصالة مير يدق زوجها ويقول وينتس كل الركاب وصلوا إلا انتي

 قالت قبل كل شي هالحين يوم انك تقول جده حر موت ليه تلعب علي ؟ تدري اني ما جبت لبس للولد  قال 

وش برده يا مهبوله علشانتس جاية من الرياض تبي تسوين فيها يعنني ترانا متحملين الحر بسرعة انا عند بوابة رقم كذا 

قالت الحرمة دورت البوابة اللي انت تقول ما لقيت قال اقول لتس انا واقف عنده الحين لا تصيرين انتي عند الصالة الدولية 

وانا ما ادري ؟ قالت اصبر ابسأل الموظف ومير تروح وتسأل الموظف قالت له هذي الصالة الدولية او الداخلية ؟ 

قال الموظف وش دولية وش داخليته !! ما فيه إلا صالة داخلية !! قالت شلون طيب وين بوابة رقم كذا ؟

قال الموظف ما فيه رقم عندنا بالرقم هذا !! قالت اسمع خذ زوجي سلمك الله ووصف له مكاني انا منب متحركة من هنا !!

اخذ الموظف الجوال وقال وينك يا شيخ قال انا عند البوابة الفلانية , قال الموظف مافيه بوابة بالرقم هذا !! 

ياخي انا شغال في مطار ابها لي عشر سنين ما عمري شفت هالرقم !! قال الزوج وش ابها ؟ انا الحين في جدة ! 

قال الموظف الأخت هذي موجودة في ابها الان !! المهم مير تخترش الزوجة ولا تدري وين هوبه وتخذ زوجة عاد هنا

ما ادري هي انهبلت او قعدت تضحك 

عاد المطار كلموا مطار الرياض واستفسروا طلع الخطأ من الموظف ورجعوا الزوجة للرياض في نفس الطائرة

همن قطعوا له تذكرة إلى جدة ووصلت إلى جدة على ما اظن في حوالي 13 ساعة إن ما خانتني الذاكرة 

طبعا هذي القصة صدقية وحصلت في الصيف هذا على ما اضن
 
2 

كنا مسافرين مع الأهل لـ جدة .. 
بالطيارة طبعا .. 

وكان معنا شناط وااااجد .. أكثرهن حطيناهن مع العفش اللي بالأرقام ذاك.. ياخذونهن ويشحنونهن بالطيارة .. 
عطونا أرقام الشناط ، عشان مانغلط هناك ..  

وصلنا الحمدلله لجدة .. وعلطول رحنا لمكان شناطنا .. طبعا كنا محرمين وكنا مستعجلين شوي .. 
أخذنا كل الشناط عدا وحدة .. شوي وتجينا مع السير ذاك .. من بعيدة .. يوم جت وألقطه بسررررعة وأروح لم أهلي .. 

أخذنا عمرتنا .. وأحلينا إحراماتنا وجاء وقت فتح الشناط ..  
فتحت الشنطة إلي أخذته أنا آخر وحدة .. ويوم أفتحة .. ومير تطلع شنطة ثانية مب لنا !!  
 

 

أنا إستغربت لقيت فاصوليا وماني عارف ايه بالشنطة ..  
وخذ يا هواش ..  

بالأخير ودينا الشنطة لمطار جدة وتم آخذ شنطتنا ذيك بسلام ..  

3
مرة من المرات مسكت انا وواحد من العيال اننا ناخذ عمرة .....


المهم اتفقنا على المشيه ........جاء يوم المشيه ....ومشينى ......

وصلنا للميقات الحمد لله بسلام ....جا وقت ربط حزام الحرام والله واتك لك الحزام تك 

ومشينا .........الحقيقه ميقات المدينه بعيييييييييييد .....تبتل وانت بدون سروال 


المهم...وصلنا لمكه واستاجرنا لنا شقة بالشامية .......زورحنا للحرم وطفنا 

ورحنا لصفا والمروة وبدينا بالسعي ......

الشوط الاول مظبوط ...والثاني مظبوط 

يوم جا الشوط الثالث بزع خويي وقال خنتسابق عند النور الاخضر ...وانا مايبله البزعه 
قلت يالله المهم جن الانوار الخضر ونبدا بالركض ............قدر الله علي ووطيت احرامي ......
ما دريت الا وانا سابق الاحرام الحزام الحاله بخصري
والله واجيك اتغطا بالحرام اللي فوق 

وآخذ الحرام اوبعد والبسه .........واقعد لي نص ساعه علشان يقظون من عمرتهم اللي شافون ...


واكمل عمرتي ......
/////////
 
خلصت المواقف 
جاء دوركم ياااحلويييييين 




يالله عاد نبي سواليفكم وقصصكم سواء مع الخطوط أو على السيارة اهم شي نبي طرائف السفر 

 انتظركم :)