انا تقريبا من سنتين كنت بصوم يوم عرفة المهم مرة عمي كانت عندنا قبلها بيوم الي هو 8 سألت ماما قالت سديم بتصوم قالت لها اي عاد هي وقامت قالت ياحظها ولا قالت ماشاء الله الى ويجي يوم عرفة وتجيني الدورة ولاصمتة خخخ على طول

وقبل 5 شهور تقريبا كنا معزومين وفي وحده من اقاربي جالسة جنبي قامت قالت لي وجهك حلو وصافي ووو ونبهت الي جنبها وقالت لها شوفي وجه سديم وعاد باقي القوم سمعو وكلهم يناظرون على تصدقون بلحظتها طلعت لي حبوب فوق شفايفي وبعده على كل وجهي الى الان موجودة ولسه ما اخذت اثر منها :(

شوفو مع انهم مايقصدون لاكن العين حق ولازم نتحصن انا خلاص اتأدبت وكل ما اروح مكان لازم احصن نفسي

اولا احب اشكر صاحبة الموضوع لانة موضوع قيم ومفيد ( جزاها الله الف الف خيييير ) ع الاقل ننتبة ونستفيد من بعض


بجد استغرب من بعض الناس ما يذكرون الله لهدرجة الحسد ماتبي نذكر الله حتى يصاب الاخرين بالعين بعضهم كذااااا


بالنسبة لي اصبت بالعين وللاسف من ( اخوي من الابو ) بطبيعتي كنت مرحة ودمي خفيف ولا ازعل بسرعة صدري وسيع واتحمل


ودايم اخلق جو بالمكان الموهم كان هو موجود عندنا ساعتها لانة بمدينة ثانية وكنا قاعدين نسولف واستهبل واضحك التفت لامي

قال بنتك هذي تعجبني ياسعد اللي بياخذها ( طبعا هالكلام قبل لاتزوج ) تلاقين زوجها بكرة ما يحط وسائل ترفية بالبيت لا تلفزيون

ولا غيرة لانها ونيسة والوقت يمر بسرعة معاها . ولا ذكر الله وربي يابنات من بكرة انهرت وكرهت الجامعة كنت باول جامعة وصرت كئيبة

والاستاذات اللي قبل كانو يشكو مني من كثر ما اضحك واسولف لاحضو هدوئي ويطالعو فيني باستغراب ومو بس كذا كرهت

التجمعات وفصلت من الجامعة .. وصرت ماتحمل ازعل ع طول واعصب والكل لاحظ والكل عرف انة هو السبب بجد تشقلبت حياتي

وكل ماتذكر اني ما كملت بسببه اكرهة اخذت من اثرة واحس لسى ما تغير شي عييييييييييييينة والقبر( قوية )

يارب من حسدني او عيني اورايد لي شر وسوء فرد كيده الى نحره واشغله في نفسه يارب ياكريم

بجد العين ماتعرف صغير ولا كبير والله يابنات اختي لمن كان عمرها 10 سنوات جاتها وحده في زواج بنت عمي وقالت لامي ليش ماقصتي شعرها من زمان احلى عليها كذا وبعدها بيوم تتعب وماندري ايش فيها واخذت على الحال هذي ثلاث ايام وبعدين اغمى عليها صار معاها غيبوبه سكر واخذت في العنايه المركزه يوميين والله ماانسى كيف كان شكلها سبحان الله حتى الى شافوها مررررررره تاثروا السكرمررررره مرتفع جلست في المستشفي حوالي ثلاثه اشهر تحت ملاحظة الدكاتره ومرررره مرتفع مو راضي ينزل الي يومكم هذا الدكاتره مرررره مستغربين منها واذا اخذنها لشيخ يقرأ عليها مررررره تتعب ويغمى عليها وامي اخذت من اثر الحرمه هذي بس شكلها عينها قويه واختي الحين عمرها 19 سنه كل مين يشوفها يقول لها غصب تجييك العين ماشاء الله تبارك الرحمن اختي فيها جمال من يوم انها صغيره
دعواتكم لها بالشفا

حسبنا الله ونعم الوكيل