حنا كنا في مطعم في التخصصي
وتعشينا وقاعدين نسولف
فجأه الدنيا ظلااااااام
الحمدلله بنتي كانت تلعب في الالعاب وبعد مارجعت طفى الكهرب
ولا كانت بتروح فيها من الخرعه
طلعنا من المطعم الدنيا كلها ظلمه ..
تدرون وين راح تفكيري ؟؟!!




انه المسيح الدجال خرج :eek:

ههههههههههههههههه الله يسعدكم

استغفر الله واتوب اليه

حنا طفت علينا الكهرب من شوي كنت قاعده اكوي وعندي 2 من بناتي وقامو يصارخون وتعلقو فيني وقامت اذاني تطن من صراخهم المشكله كبار
وبنتين ثانيات نايمات فوق وبنت طالعه مع ابوها والعيال طالعين انا خفت على البنات النايمات
والقط جوالي واروح اقومهم لقيت وحده قايمه وقاعده تطقطق بمفتاح النور تبيه يشتغل
قمت سميت عليها وقلتلها الكهرب طافي وصحينا الثانيه ونزلتهم تحت
المشكله جوالي بيطفي خلص شحنه وقاعده اقول لبنتي جيبيلي الشاحن خل اشحن الجوال
شوي جا ابونا ومعه البنت الثانيه
وجايب معه شموع وقعدنا كلنا حول الشموع ثم جا ولدي من الجنادريه وجايب معه حلوى بحرينيه
ولبنيه وكليجا ومعمول ولا قهوتنا والمه ومير نجيبها ونتقهوى على ضوء الشمووووع ونطب باللبنيه والمعمول لايفوتكم يابنات يهببببل من بيت القصيم بالجنادريه .. بس صدق القهوه لها طعم آخر في الظلام تااكلين ماتدرين عن نفسك مشكله خخخخخخخخخ

لا إله إلا الله الملك الحق المبين، لا إله إلا الله العدل اليقين، لا إله إلا الله ربنا ورب آبائنا الأولين، ، لا إله إلا الله وحده لا شريك له، له الملك وله الحمد يحي ويميت وهو على كل شيء قدير.