/ مدخل /
هند أم لأربعه .. بنتين وولدين .. منى عينها تشوف بكرها متزوج وعياله يمشون وراه تقل بطه
ودايم تطري له السالفه كل صبحيه وعلى الغداء وعلى العشاء .. لكن محمد ( بكرها ) يصرفها بكل مره
الين حست انه البطه طارت هي وعيالها
لين جا ذاك اليوم اللي اقتنع فيها الولد انه يعرس.. وهي طااايره من الوناسه وقامت مدت له السفره - عفوا اللسته - وقالت تخير ياوليدي هذي فلانه فيها كذا وكذا بس عيبها انها قصيره.. وذي شعرها يهبل وطويله بس ( سميرا ) شوي.. وذي بيضاء وطويله بس تراها نحيفه شوي .. المهم انها قامت تكب المعلومات وتبيه يتخيّر..
قال: يمه انتي اختاري لي صدع راسي الصراحه خخخخخخخخ
قالت: خلاص ابد ولا يهمك انا اختار لك .. بس علمني وش اهم شي ماتبيه ؟ وش اهم شي تبيه؟
وعلمها ..واختارت له وحده على مزاجها .. وتمت الخطبه والزواج .. وعاش الولد عندها في نفس البيت ..
.
.
انتهت القصه؟ لا طبعا ..وييييين تو الناس خخخخخ
لكن انا بديت بهالسيناريو اللي يتكرر تقريبا عند كل عايله عندها ولد على وجه زواج .. لكن تختلف الأمور وتتعدد السيناريوهات بعد ما الولد يتزوج ..
نكمل الحين بعض من السيناريوهات اللي صارت في الواقع ..
.
.
( موضي ) من تزوج ولدها وهي كل يوم تدق عليه وتسأله شلونك يا وليدي وش سويتوا اليوم وين رحتوا؟
يؤ!! وليه طالبين من المطعم وهي يمال الكسار ليه ما تطبخ ؟ على راسها ريشه؟ ولا تخاف على حناها لا يخرب؟ هها بس خلها تطبخ لك ماجبناها من بيت ابوها عشان تجيب لها انت من مطعم .. شهر الدلع راح .. وتقعد تقرقر على راس ولدها وتصدع راسه وتقريبا تقولون هي اللي معرسه موب ولدها من زود ما هي تتدخل في حياة الولد ..:09:
جا ذاك اليوم اللي تبي تشوف بعيونها مرت ولدها في بيتهم وش حالها .. وقومي طقي عباتها ودقي ع السواق يجهز السياره وعلى بيت الولد .. قبل ماتوصله بعشر دقايق دقت عليه قالت ترا باقي لي عشر دقايق ابتعشى معكم .. توي جايتن من السوق ..
قالت ساره ( زوجه خالد ): مافيه وقت اسوي لها شي رح للمطعم جب فطاير ولا بيتزا .. وراحت ساره تلبس .. وكانت مسويه لعشاهم صينية خضار على قدهم .. جا خالد ومعه بيتزا وهي حطت صينية الخضار .. يوم جت موضي وشافت انه جايب من المطعم قلبتها مشكله ..
لييييييييييييه تجيب من المطعم?:42: بعدين أنتي وش راتس ماتطبخين؟
ساره : ياخاله مسويه هالصينيه لنا مادريت انك بتتعشين معنا!
موضي: وشوله تخلينه يجيب من المطعم حطيلي نواشف ولا تجيبين من المطعم ..
وسوتها سالفه وش كبرها انتهت بأن الولد ماأرضى لا الأم ولا البنت .. وكلن نام ذيك الليله زعلان :angry2:
.
.
( منيره ) يوم زوجت ولدها الوحيد شرطت عليهم يسكنون عندها .. بحكم انها ماتقدر على فراق الولد .. طبعا كانت مبسووطه بزواج الولد ولا في احد بالكون مثل سعادتها ..
مر شهر على زواج ولدها سامي .. وكانت تغاااااار من زوجته بشكل لا يمكن تتخيلونه.. ليه انه يطلع معها اخر الاسبوع .. ليه يعاملها بشكل حلو وانه مهتم فيها .. لين بدت تشك انه يحب زوجته أكثر منها .. بدت المكائد والحيل تحاك( تصدقون ماعرفتني الصراحه عقب هالجمله خخخ) ضد مها الين طلقها سامي .. وبدت منيره تعيد الموال من جديد الين زوجته مره ثانيه .. وانعادت سالفة الغيره وانعادت سالفة الطلاق ..
تزوج سامي الثالثه (هدى) .. ومن أول ليله قال شوفي يابنت الناس.. سبب طلاقي المرتين اللي فاتوا امي تغار بشكل موب طبيعي .. لدرجه انها تنكد عيشتي .. لذلك قدام امي بسبتس وبلعن جدفتس وبقولها إني ندمان ع الساعه اللي اخذتس فيها.. وانتس ماعجبتيني .. بس تراي مااقصد أي كلمه اقولها .. بس صراحه مليت من هالسالفه ابي استقر بحياتي .. وبنفس الوقت مابي أخسر امي ..قالت هدى اوكي ولا يهمك ..
الصباحيه نزل سامي يسلم على امه
قالت هاه ياوليدي شلونك مع مرتك؟:eek:
قال يمه ماش مابيها ماعجبتني.. :22:
قالت هااااو :eek:.. لا ياوليدي لا تحكم من اول شي اصبر عليها .. تراها بنت اخلاق وطيبه !!!..
قال بس يمه مااقدر اعيش معها اخاف اظلمها .. شكلي بطلقها..
قالت لاااا وش تطلقها !! .. ابد ماعليك .. ولدي واعرفك منتب ظالمها ..
وتخيلوا منيره صارت جدة الحين .. وام احفادها هي هدى:icon28:
.
.
.
عارفتن الحين ان فيه من بيخطم خطمه حولا.. ويقول فيه أمهات يهبلون وراتس تعممين؟ :angry2::angry2: ولا فيه زوجات فيهم لعانه وبعذر أم الولد لو تشرهت عليهن وهاوشت وتدخلت ..ذولا بقولهم نلقاكم في موضوع آخر بإذن الله .. وأنا ماعممت .. خصيت نوعية معينة..
.
.
.
مديور وفي راوية " يو ترن "
.. نرجع لموضوعنا ..
ياما وياما سمعنا عن مشاكل الزوجين وتوصل معهم للطلاق .. وسببها تدخل الأمهات في حياة عيالهم.. تقل انهاهي الوحيده الفاهمه و تبي تصلح الكون !!ولازم الولد يعيش حياته زي ماهي تبي ولا انها بتفشل؟ سبحان الله ومزاجتس زي مزاج ولدتس؟ ونظرته زي نظرتس؟
ماودتس بعد يشاورتس قبل لا يطلع مكان؟ تراه متزوج يعني كبير يعني حاله الحين زي حال رجلتس بالضبط! مير اشوفتس لين قال رجلتس ياهيييه انكبت البياله عليتس ولا تحسين بالحراره من هيبته .. ( كل قوي عليه من الله أقوى منه ) << وراتس عصبتي؟
كم وكم سمعنا عن حريم يطلبون الطلاق بسبب ان الرجال خيخه اي شي تقوله امه يقول سمي وأبشري؟ابي افهم هالنوعيه ذي شلون يبون عيالهم لهم سلطه وهيبه على حريمهم؟
.
.
.
/ مخرج /
يا جدات المستقبل .. خلو عيالكم يعيشون حياتهم زي مايبون .. دام الولد يزورتس ويسأل عنتس .. وبارن فيتس وماقطعتس .. حبي يديتس وجه وقفى واسجدي سجود سهو اقصد شكر
انتي ربيتي وعطيتي نصايحتس لمده 25 سنه ع الأقل .. ماتحسين انه كافي؟
ان جا يبي نصيحه منتس او جاي يشاورتس لا تبخلين عليه بس دامه ماجاتس اتركيه .. تراتس منتيب دايمه له تراتس مازوجتيه عشان تبلشين به ! زوجتيه عشان ترتاحين وتقر عيونتس بشوفة احفادتس ..
.
.
.
/ نهاية /
_ اذا انتي متزوجة .. هل ام زوجك من النوع اللي يتدخل في حياتكم؟ / _ موقف حصل معكم أو مع احد تعرفونه صارت له مشكله .. وكان سببها أم الزوج أو أم الزوجه
رجاء من غير سب ومهاوشات عشان لا يغلق الموضوع خخخخخخخ
يلزم عليك تسجيل الدخول أولًا لكتابة تعليق.
اميره القلعه
•
تدخل اكييييييد مره كنت بررووح زووج هو زووج قريب لنا ووكان ولدي عمره 3شهور خليته عند اختي وراحتهي طبعا حضرت الزواج شاافتني قالت وووين فلالان قلت ماجبته وهي تقووم الدنيا وتقعدها ودق على زووجي وتسوووي سالفه وتعبي راسه ان مره تانيه ماتخليه تاخذه معها لاقافه والحين زووجي مستحيل يخلني اروح زووواج او منااااسبه واترك ولدي عند احد والله قهرررررررررررررر الى الحين السبت كنت بروووح زواج واتركه عند اختي ورافض سوووى سالفه يقول امي تقووول ماتخلينه وووووووووووووش رايك
الحمد الله ماتتدخل في حياتي
والله يخليها تتعامل مع عيالها بنفس الطريقه وعلى قولتها دامهم مبسوطين وش ابي فيهم
يارب فرحني بالحمل في رمضان
ومعك حق في كل اللي قلتيه
والله يخليها تتعامل مع عيالها بنفس الطريقه وعلى قولتها دامهم مبسوطين وش ابي فيهم
يارب فرحني بالحمل في رمضان
ومعك حق في كل اللي قلتيه
الحمد الله ماتتدخل في حياتي والله يخليها تتعامل مع عيالها بنفس الطريقه وعلى قولتها دامهم مبسوطين وش ابي فيهم يارب فرحني بالحمل في رمضان ومعك حق في كل اللي قلتيهالحمد الله ماتتدخل في حياتي والله يخليها تتعامل مع عيالها بنفس الطريقه وعلى قولتها دامهم...
يالبى قلبه بعض الاحيان تمسكه اذا بنروح نتمشى طبعا
يوم كان صغير الحين كبر وصار معنا بكل روحه
يوم كان صغير الحين كبر وصار معنا بكل روحه
موضوع حلوو ورائع منك ياصاحبة الابداع واسلوبك جدا جميل وومتع..واكيد في قصه وروايه بين ام الزوج والزوجه
في اغلب الببيوت ..لي عووده عشان اشارك بموضوعك الحلوو ياغلا ويشرفني اسجل حضووري هنااا
اميرة القلعه تووقيعك فله حيل ضحكت منه ذكرت بينتي الله يسعدهاا:hahaha:
في اغلب الببيوت ..لي عووده عشان اشارك بموضوعك الحلوو ياغلا ويشرفني اسجل حضووري هنااا
اميرة القلعه تووقيعك فله حيل ضحكت منه ذكرت بينتي الله يسعدهاا:hahaha:
موضوع حلوووووووووو ..
وبصراحه ام زوجي اللي هي اخت امي اللي هي خالتي فديتها
مافي زيها ابد كانها امي والله تحبني وانا اموت فيها ..ولاتدخل في حياتنا ابد الله يخليها لنا
ماشاء الله لاقوة الا بالله
وبصراحه ام زوجي اللي هي اخت امي اللي هي خالتي فديتها
مافي زيها ابد كانها امي والله تحبني وانا اموت فيها ..ولاتدخل في حياتنا ابد الله يخليها لنا
ماشاء الله لاقوة الا بالله
الصفحة الأخيرة