ام حمد7 @am_hmd7

عضوة فعالة

مواقفك في الانكشاف على اخوان زوجك............

اهلين صبايا (عاد لاتصدقون)
سمعتو ياصبايا .............اليوم ماسكه معى صبايا ههههه خخخ هوهو(اضحك على كيفى)نبغى فرفشة
يالله نبداء
.............................
اجتمعنا اليوم أنا واخواتي وسوالف وفرفشة قولوا ماشاء الله وتذكرنا مواقف صارت لنا في بيت الحمولة وطبعا جميعنا كنا عند حمولة يعني ساكنين معهم وتعرفون في بيت الحمايل تصير مواقف لا نحسد عليها اقصد الانكشاف على اخوان الزوج وما يصير بعدها من احراج،يصير قلبك يرقع كنه طبول من الخوف والاحراج :icon28:

الموقف الاول
جعلكم ماتمرون فيه قممممه فى الأحرااااج .
مرة من المرات كنت محتاجة دورة المياه حالة حرجة:blink:. طبعا عند حمولتي ودورة المياة مشتركة وانا توني داخلة الاشوي ويجي واحد من اخوان زوجي وينادي اخوة الثاني:mad: عشان يشيل خالي يبغون يدخلونه الحمام تكرمون وانا في الحمام مثل ماقلت لكم ويطق في الباب مادري وش يبغى الحين الباب مصكوك والي فيه مايرد يعني مفهوم ان فيه احد :44:المشكلة ماعاد ابي الحمام ابعدوا ابطلعععععععععععععع بس ما ابغاهم يدرون من فيه ياربي وش السوات وشوي وطقة خالتي الباب يعني قمة الاحراج ماراحت لين رديت واطلع بسرعة
واضف وجهي واروح لغرفتي .

الموقف الثاني
طالعين للحوش (السور ) انا وحمواتي (سلفاتي) توضيح للي مايعرفون وجلسة وسوالف ونقزت من اللقافة الله يكافي شرها ابدخل لغرفتي اضبط مكياجي على بالي وجلالي ثقيل ما اشوف زين وتعرفون برى في الحوش نور اكثر من داخل البيت صار اخوى زوجي بعد الغداء:f226: انسدح عند الدرج اللي في الصالة ضاق البيت بكبره ما كلف على نفسه يقوم من مكانه واجي مدرعمة (مسرعة ) :hahaha:بغيت اطيح عليه هو من الروعة على نفسه نقز مسكين تحدر غداه وانا من الروعة تقولين محنطة :07:

الموقف الثالث :
كان علي الدور في طبخ الغداء والحرمة تدهر يعني حرمة سنعة مدح في نفسي لايفوتكم والطبخ كله لاهله وابو ا لشباب معزوم على الغداء ياخسارة النفخ والكرف بس لاهله يالله ما علينا وانا في هالخبصة والنفخ والطبخ:3_13_12: يصوت اخو زوجي واحسبه زوجي رجع ما يبغى يفوت غداءي وركضة له يافلان جيت بدري على بالي رومنسية ابستقبله الاه اخوه :mad: ودي ذيك اللحظة الارض منشقة وبالعتني لا تصدقون يعني الظاهر اخوان زوجي حفظوني اكثر منه الجلال مادري وش له بس .

وهاذي المواقف صارت ذكريات يوم كنا في بيت الحموله سوى اذا ذكرناها نجلس نضحك :hahaha:
والمواقف كثيرة ياليت نشوف تفاعلكم
يعني اتحفونا بمواقفكم اللي صارت معكم يوم كنتم في بيت الحموله طبعا

29K

يلزم عليك تسجيل الدخول أولًا لكتابة تعليق.

تسجيل دخول

be your self • 15 سنة

هههههههههههههههه ضحكتيني يا شيخه الله يسعد ويسعد مواقفك واسلوبك لحاله يضحك

الطعم الاصيل • 15 سنة

ههههههههههههههههههه ما صارت لي لاني بعيدة عنهم

امي اغلى ماعندي • 15 سنة

ههههههههههههههههههههههههه ضحكتيني الله يسعدك مت من الفشيله على موقفك الاول ومت من الضحك على الموقف الثاني يحول تخيلت درج اهلي واخوي دايم ينسدح عنده

تنهيدة & حزن • 15 سنة

هههههههههههههههههههههههههههههههههههههههههههههههههههههههههههه حلوه مرررررررررررررررررررررررررررررررررره

ليـــنا • 15 سنة

امممممم ذكريات :D

حتى انتم عندكم مشكله الصوت حسبته بس عندنا
ياهم اصواتهم يتشابهن يااذانيننا الله بالخير
اول اذا نادى احد منهم عاد هم ماشاء الله 4 واصواتهم طقم
كنا نقترح على خالتي نقول قولي لعيالك الي يجي يتنحنح يقول انا فلان عشان نميز
كم مره اتغطى عن رجلي واكشف لاخوه :22:

امااا المواقف عد واغلط

* مره دوري الغداء وطبعا كلهم بالمدارس مافيه احد البيت لقيت الزيت مخلص
واطلع للمستودع فوق بدون جلال لاني واثقه انه مافيه احد
وانا طاله مع الدرج فكيت شعري بربطه زين استعداد للحرب :3_13_12:وادخل بالصاله مدرعمه واحس وراي احد والتفت لقيته اخو زوجي الصغير بالثانوي
وانا بالنص الحين وين اروح اكمل للمستودع والا ارجع لمطبخي
قسم ياشكلي غبي :09:
وهالدلخ غايب عشان النت هو ووجهه :mad:

*الموقف الي من جد يبكي
بنت خالي ببيت حموله بعد المهم جايه من بيت اهلها دخلت على حمولتها وهم جالسين المغرب
خالها وعياله وامهم ماشاء الله كلهم مجتمعين
النكته جت بتسلم على خالها وخالتها قبل تطلع لغرفته
وتجي مدرعمه وتحب راس اخو زوجها تحسبه خاله :22: وكلهم مصدومين اولهم زوجها :confused-
تقول طلعت لغرفتي مادريت الا يوم قالها زوجها من الفشيله قعدت تصيح :icon33: وعيت تسكت وراحت لاهله
ومارجعت الا ببيت بروحه
يالله رب ضرة نافعه :biggrin:

عاد الحين تقول خالي اول ماادخل عندهم يقولي يافلانه تراني هنا عاد هو عيار ويحب المزح :biggrin:

الله يوفقهم
هذا الي طرا على بالي الحين

ثاكسسس ع الموضوع ذكريات تبكي