انا اول زواجي ماشفت عمي اللي هو ابو زوجي
بعد الزواج سافرنا ولما رجعنا هو كان مسافر
وكنت ساكنه عند اهل زوجي
وبعد فتره يمكن شهر او اكثر كنت بسوي الغداء مسويه اني مره سنعه
وكنت بالمطبخ وعندي اخت زوجي كبري تقريبا
تسولف معاي وكذا
الا باب المطبخ يطق الباب الثاني اللي من جهة الرجال
وكنت متوقعه زوجي لان مافيه احد بيدخل
كلهم بالدوامات اخوانه
فتحت الباب الشغاله الا رجال كبير وسلمت عليه اخت زوجي ورحبت فيه عاد هي شكلها مفهيه
وانا قلت اكيد هذا عمي وانا اسوي اني مره سنعه
واسلم عليه وابوس راسه ياويلي يافشلي
عاد هو يسئل انتي منو عاد اخت زوجي توها
تستوعب كان تقول هذا عمي يافضحي
وانا اركض وانخش بالمجلس ورا الباب قمة الغباء عاد هو جاء وقال والله انك كنك بنتي ومن هالكلام وانا منخشه عاد اول ماطلع وانا
ركض لغرفتي وابكي وادق ع اهلي اقولهم
اول ماجاء زوجي الا وصله الخبر دخل فاطس من الضحك علي وانا قلت له خلاص ودني لاهلي
تخيلوا مانزلت يومين من الفشله
وموقف ثاني لما كنت عروس قال بدلي فستانك
دخلت ابدل وبعدين قلت مادري اروح له بالصاله
والا اتغطى وانام فشله وانا اتشاور مع نفسي
الا صوته قريب من الباب اول مافتح الباب
وانا انخش بالدولاب ضحك علي وفتح الدولاب وطلعني منه والله احس اني هبله
اضحكو لماتقولو بس الموقف اللي ماانساه هههههه المهم ايام المتوسطه كان عندي اختبار تاريخ وانا مومذاكره زين المهم لما استلمت ورقة الاختبار وانا عالطول القي نظره ع الاسئله والمشرفه تقول يالله اكتبواسمائكم وانا من شدة الخوف مكتوب الاسم والشعبه والتاريخ الخ..... المهم وانا اكتب عندي اسمي شعبه ولا انتبهت وتجي المشرفه وتطالع انا كاتبه اسمه مادريت الا وهي مايته من الضحك استغربت اش فيها وانا اقول اش فيه قالت يافلانه انتي مضيعه اسمك شوفي اش كاتبه عند اسمك والله بعد الخوف صااااار ضحك هههههههههه
الصفحة الأخيرة
مره كانت عندنا عمتي ودقت عليها صديقتها وتكلمها وباخر المكالمه قالت لها الله لايسلمك من كل شر وشوفي الضحك عليها وتناظر بحقد علينا لما خلصت المكالمه قالت ليه تضحكن قلت لها عمه وش فيك تسبين الحرمه قال ماسبيته قلت قلتيلها الله لايسلمك من كل شر وشوفي وجه عمتي بغت تموت من الاحراج