مواقفنا المضحكه مع الريجيم

السلام عليكم ورحمة الله وبركاته

اخواتي ترا هلكت وانا كل شويه اسوي ريجيم ولا ينفع معايا غير شوية ولا الاقي شي يعوضني عن الجوع اللي انا شايفته .... ياربي نفسي انحف هي كلها 15 كيلو ...
بصراحه تعبت وانا اقلب في صفحات الريجيمات وكل يوم اشوف ريجيم جديد وبصراحه من كتر التجارب اللي سويتها في نفسي تعبت وياما صارت لي مواقف تضحك ...
اولها : كنت كل مره ابدأ ريجيم ابدأ من يوم السبت ... ماضبطت معايا
قررت بعد كده اي ريجيم اسويه ابدأ فيه من يوم الأحد لعل وعسى ... خخخخخخخخخخخخخخخ ماضبطت برضك ...
في مره من المراررررررررررريت رحت للدانوب اشتري رز اسمر وحظي الحلو طبعا لقيت الرز بس ماعليه سعر وجابو لي المسئول عند الكاشيييييييييييييير عشان يطلع لي السعر ووقفت ربع ساعه بس عشان يطلعو لي سعر الرز وانا تنحت وواقفه انتظر ولا كان مفروض ابطل واحاسب وامشي ...
بالنهاية الولد حق الكاشير طفش قال لي اختي هو مره غالي ( الكيس مره صغير من أبازير) ليش تحتاجيه ؟؟؟.....فشييييييييييييييله بصراحه طلعت ذكيه قلت له هذا عشان ستي (جدتي) عندها سكر خخخخخخخخخخخخخخخخخخخخخخخخخخخخخخخخ تصريفه بس حلوه
مره ولد خالي هو دب مشاء الله عليه اعطته خالتي ورقة ريجيم عشان يسويه والريجيم مقسم كل يوم تلات وجبات وفيه اختيارات ...
كان من الصبح يجي للشغاله يقليها سوي لي بيضتين مسلوقه وحطي جبنة قريش + 2 توست + مربي + زبدة فول سوداني ( هو المفروض يختار واحد منهم ) + حليب قليل الدسم وشاهي ...
والشغاله كانت تقول له هذا كتير هذا مو ريجيم يقلها اسكتي كله مكتوب في الورقه إنتي ايش عرفك !!!:42::42::42: وطبعا الغذاء والعشاء نفس الشي ..............
لأ وزعلان ليش مانحف ...
يلا خواتي شاركوني مواقفكم ترالي مواقف بالهبل بس حمسوني شوي عشان احكي لكم