تذكرت موقف قلت خل اقووله لخواتي هنا وابي مواقفكم بعد
قبل زواجي اذكر سويت عمليه بيدي كان فيها كيس دهني وطلبتهم بنج كـــاااامل كنت خاايفه من الالم
الدكتور قالي لا يابنتي مش مستاهل العمليه بنج كاااامل بنحط موضعي
طبعاً رفضضضت رفض قااااطع واهلي يقنعوون فيني ويقولون ياخبله ممكن البنج الكااااامل يأثر فيك ومايتحمله جسمك وانا ماعندي الا قووة صراخ عليهم عمليتي ولا عمليتكم ؟؟
والتفت يم الدكتور واقول اعتقد انا جايين بفلوسنا يعني بكيف المريضه
لا تحاااولون تقنعووني مابي يعني مااااابي:icon33:
والله شكلكم ماعليكم مني وتبووني اموووت...!
امي : ياجعلك اللي مانيب قايله اعقلي وخليه يحط موضعي ليه بنج كاامل خطر ياتنكه خطر
انا : خطر انا اتحمــــــــــل مالكم دخل ولا اقووولكم رجعووني البيت ماني مسويه هالعمليه
يحاااولون يقنعوني وانا ابد لاتحاااااولون بنج كاامل يعني كامل
بالاخير رضوا بالامر الوواقع بعدين جاااء يوم العمليه
من الصبااااح وانا قلبي طربق طربق وكل ماشفت دكتوره داخله علينا حضنت امي
حتى عااااملات النظافه لادخلوا طمرت وحضنت امي احسبهم بياخذوني لغرفه العمليات
وجااااء الموعد والدكتوور يالله مستعده بنطلع لغرفة العمليات؟
وانا : تكفوووون خلووه بكره :icon33:
المهم قالوا يالله اركبي بالعربيه عشان نطلع فوق
خير سلامااات ترى الالم بيدي مو برجلي اذا ماتدرون يعني اقدر امشي
المهم ركبت العربيه اريح شوووي يمكن انه شعوور نفسي مقدر امشي لغرفة العمليات ركبوني فيها ومغطيني بشرشف ابيض عشااان يطلعوني فوق بسم الله تقل جنااازه يسحبون فيها
واللي تدفني بنت اللذينا هنديه اااخ بس لو امسكها ماخلت باب ماصقعته وتفحط بي يمين ويساااار واذا شافت خويتها وقفت تسولف عليها وتضحححك معها ..! ضحكتي من سرك بلى
بلاك والله ماتحسين بشعووري وكل هذا ونووشه مغطينها بالابيض تقل جنااازه
بغيت ارفع هالغطاااء واعطيها نظره بس ياقلبي يانا مالي خلق مجااااااااااااادل
المهم وصلت غرفة العمليات قالي الدكتووور يالله فسخي لبسك كلــــــــــــــــه والبسي ذا
وشووو وشوووو ...!
ليه ياقلب امك جايه اتولد ولا اتولد ليه افسخ لبسي كله :mad:
يدي اللي بتسويه فيهااا العمليه ليه اتفسخ ان شااااء الله
ونادوا امي تقنعني كانت برى وامي على راااسي وتقول يابنت ترى قلقتي راس راسي لك يومين جبتيلي المرض معك سوي نفس ماقالك الدكتوور
والتفت يم امي واقوول حتى انتي يمه
عادي تبين بنتك تفسخ بدوون داااعي وربكم مانزل لبسي وش دخل بعرف وش دخل يدي في اني افسخ لبسي كله ؟؟ هي قله حيا ولا ايش اقنعوووني
مدري وش يسوون فيني مبنجه ومفسخه وربي مانززززززله
امي كنها اقتنعت بكلامي ههههههه
والدكتوووور عصصصصب وقال بسررررعه لين متى بستنى هووون :mad:
شوفوا ابن الذينا ينااافخ بعد..!
بالاخير قالت امي خذي شوفيه والله سااااتر وانا امك البسيه ربي يرضى عليك
مسكته لين اللي ورى كله مقشووووع ..!
وش الغرض من ان يكون اللي ورى مفتووح جعلكم المااااحي
واحذفه واحلف مالبسه وابكي والدكتوووور رفض مايسوي العمليه الا بهالبس بالاخير لبسته وانا ابكككككي واقول وربي ماسامحكم.. ياقلبي ياانا ههههههههههههههههههههههه
ويوم انسددددحت عالسرير قاااالي الدكتووور يالله مستعده ا 2 3 4 5
تصبحي على خيـــــــــــــــــر
وانا شوي شووي احس ان جسمي يبرررد فجـــــــآه انا بعااااالم ثااااني
ياربي كأني مت من جد كيف هالحاااله كم ساااعه غبت فيها عن الدنيا كلهااا
بعد ساعتين مدري ثلاث صحيت وابكككككي اقول متى تبدوون ...!
قالت الفلبينيه كلاس من زماااااااااااان
والتفت اي والله صاااادقه رجعت لغرفه التنويم وشلووون كذا :huh:
لقيت امي جنبي واخوي عاد اخوي يقولي اخيراً صحيتي كنك محششه قبل شوي تهرجين بكلام مو مفهوووم
سبحااان الله ابي اعرف كيف
جلست اتذكر احس اني قبل شووي كنت مبسووطه سعيده فرحااانه ليش هالاحسااااس الغريب اللي جاني ووش كنت افكر فيه وانا مبنجه بالكــــــــامل سبحااان الله وربي شعوور غريب
بناات اللي عندهاا تجااارب مع البنج الكاااامل تسدحها هوون وكيف حسيتي بهالشعور الغريب
او موقف طريف صااار لك بغرفه العمليات وهل كنتي خووافه وجننتي اهلك وهسترتي بالدكااتره اطرحوا مواقفكم هناااا
((والله يبعد عنا الشر ويدووم علينا نعمه الصحه والعاااافيه يااااااارب))
هههههههههههههه
الله يسعدك يانوشه ويسترك دنيا واخره
وانا الحمد لله ما عندي تجارب