شمريه خيالية :

يا حياتي ذكرتيني بعمليتي انكسرت يدي ولبسوني لبس العمليات وانا داخله الغرفة وانا اصرخ باعلى صوتي ابي امي تدخل معي فجاة نمت طبعا ما حسيت بنفسي الا واحد يصحيني اناظر فيه الا رجال اصلع وانا اصرخ مرة ثانيه عاد هو يقول لي تخافين انا الدكتور المهم جت امي وبعد مدة فكوا الجبيرة طلعت العمليه غلط قالوا لابوي لازم نكسر يدها ونسويلها العمليه من جديد بس الوالد رفض

يا حياتي ذكرتيني بعمليتي انكسرت يدي ولبسوني لبس العمليات وانا داخله الغرفة وانا اصرخ باعلى صوتي...

قطوة ضائعة :

مراااحب يالدلوعه.. اجل بنج كامل للكيس دهني:mad: ياصبر امك عليك.. سالفتي فضيحه .. احسهم للحين يسولفون فيها.. يافضحي بس.. اسمعي .. مدري اقري كنت حامل بكريه دجاجة صقعا..قدرالله مات جنيني بيسون لي عملية تنظيف ذيك الليله اللي قبل العمليه منومه بالمستشفى عيا يجيني النوم اهوجس بالعمليه.. المهم رحت اجلس مع الحريم الكبار كانت وحده تسولف عن عمليتها مدري وش كانت .. تقول دخلوها غرفة العمليات وخلوها تنام على بطنها وتحكي بسالفتها.. وكنت مركزه معها عشان يوم ادخل غرفة العمليات اكون فاااهمه ويقولون عني ذكيه ويمدحوني:35: ويجي وقت العمليه ويشلوني طايرين بالسرير >> شكل السرير سرعته 180..وانا متمسكه فيه.. اخاف تاقف فجاه واطير:hahaha: دخلت غرفة العمليات كانوا 2رجاال والباقي حريم واااحد من الرجال سعودي >> هذا اللي تفشلت منه شكله نقل من المستشفى بسببي :hahaha: قالوا اطلعي على السرير واتذكر كلام الحرمه يوم تقول نمت على بطني قلت بفاجأهم.. اني اعرف:p قالوا اطلعي .. واطلع بطبق كلام الحرمه بنام على بطني وأخذ وضعية السجود تخبرون قميص العمليه مفتوح من ورى ..تخيلتي الوضع.. كل القش طلع .... ومغاااارة علي بابا انفتحت.. ياتسبدي على فشيله بس:35: مدري وش احس فيه ذاك الوقت.. خبله ورب الكعبه انهم انخلعوا.. قال السعودي لا ياااختي نامي على ظهرك .فيه ضحك الدنيا كله .. والمصري منزل راسه يعنني اقراء بالملف وهومنصرع من الضحك.. احس انهم يوم بنجوني تسدحوا من الضحك .. الله لايبلانا .. كل مامريت من ذاك المستشفى اتذكر ذاك الموقف.. واحس لو اروح لهم بيعرفوني:35: ياااااتسبدي ورب الكعبه للحين متفشله منه ..

مراااحب يالدلوعه.. اجل بنج كامل للكيس دهني:mad: ياصبر امك عليك.. سالفتي فضيحه .. احسهم للحين...