مره طلعنا لمطعم نتغدا وطلبنا ميرندا وسفن اب وعصير تفاح لبنتي .لما جا العصير تذوقته بنتي ماعجبها وابوها ماكان موجود جيت قلت لها خلاص بشرب العصير وابحط الميرندا بشنطتي.شوي يدخل ابوها قالت بابا بابا ماما بتحط الميرندا بشنطتها ..
:angry:
وموقف ثاني مره اختي استعارت مني (حلق) ولبستها ورحنا لعزيمه وحنا جالسين انتبهت للحلق حقاتي قالت وهي تبكي حقات ماما هاتيها <<<<<تدورونها ماتلقونها من الفشيله خخخخخخخخخخ:35:

وموقف اخر مره كان عندنا ضيوف وكنت قبل يجون بلحظات توي جايه من السوق ومشتريه لاخواني وعيال اخوي سيارات لعبه جو قالو عطينا عطينا قلت لا عيب لمين يروحون الضيوف .. وبعد ماتعشوا الضيوف بفتره جا ولد اخوي يسال وحده من الضيوف متى تروحون ؟؟ قالت ماحنب راحين تونا <<<<المسكينه تحسب انه مايبغاهم يروحون علشان يلعب مع عيالها.. قال يله روحو نبغى عمتي تعطينا السيارات :mad:>>لوتشوفوني بهذيك اللحظه انفشلللللللللت

وموقف اخر مره كنا طالعين البر وجلسنا نتقهوا وكان زوجي جايب شوكولاتات جالكسي كتكات....الخ اعجبني الجالكسي بالكراميل جيت اكلته وهو كان يكلم ويدور يوم جاء جلس يتقهوا (شكله يبغى الجالكسي له) جا سال وين الجالكسي بالكراميل جت بنتي قالت ماما اكلته<<<<دايم تفشلني:icon33:

بنتي دنيتي


هههههههههههه



موقفك تهببببببببل

مره انا كنت رايحه عند وحده من قرابتي نفساء وتعلقت بنتي تبي تروح معي المهم راحت معي
وجلست عند الحريم وشوي دخلت علي بنتي وكان عمرها سنتين ومنزله كل ملابسها متت من الفشيله

بقولكم عن ولد اختي..
دايم يقول كلام موزين وتهاوشه أمه
مره من المرات كان ابوي يلعب معه فقال له الله يقطع بليسك..وأبوي يقوله وش تقول نعم وهو يكررها الله ياخذ بليسك..مايقدر يقوله شي لانها دعوه زينه..


ولا مره كان يتهاوش مع أخته علمته أمه انه يقول الله يصلحك اذا زعل من أحد فكان يقولها الله يصلحك الله يصلحك وهي عادي ماكأنه قايلها شي وهو معصب الله يصلحك اخر شي شاف مافيه تجاوب منها قال الله يصلحك في النار؟!

انا مماعندي اطفال بس هذه مجموعة مواقف قريتها ونقلتها لكم

××××××××××

بنت أخوي تحب المسلسل الكارتوتي فلة (قصة بياض الثلج)
وتحرص على متابعته
ذيك الليلة كانوا معانا بالبيت
فأصرت على أمها تقوم علشان تطالع المسلسل الكارتوني
وقامت تبجي وتحن إلا تقوم
فقلنا لها قومي شلغي لها التلفزيون وخليها تطالعه
شغلت لها أمها التلفزيون وخلتها بروحها
بعد فترة سمعنا صوت صراخ وبجي
احنا كلنا جمدنا خفنا صاير في بنت أخوي شيء
وكل واحد يطالع في الثاني
محد منا تحرك لأن كلنا خايفين عليها وخصوصا كان بجيها مو طبيعي
فأمها قامت ركض تشوف شنو فيها
سألتها أمها شفيج ليش تبجين
أول مرة ما ردت
وسألتها مرة ثانية
جان بنت أخوي تقول
فلة ماتت وحطوها في القبر

××××××××××××

بنت خال زوجي مرة راحت مع امها عند ضيوف ويمها الناس حاطين فاكهة والبنت نفسها
تاكل بس اكيد امها كانت موصيتها ماتاخذ شي من غير استإذان الا البنت سالت امها
ماما ايش هذا ماعندنا مثله في البيت !!!!!!!!!!!!

××××××××××××

مره قاعدين بالبر آخر الليل وخلصت السوالف قال واحد من عيال عمي يالله شرايكم نلعب
قلنا شنو قال لعبه خفيفه وحلوه نقول اسماء اي اسم تبي واللي بعدك ياخذ آخر حرف من الاسم
اللي قلته ويبدأ فيه الاسم اللي بيختاره
المهم كنا قاعدين دائره على النار ولد عمي الجبير وراه ولده على طول عمره خمس سنين
ونقول اسامي وكل ماوصل الدور على الابو قال للولد اسم آخره حرف الياء يعني محمد يسويه
محمدي ناصر يسويه ناصري .جنن الولد عاد الولد ماقصر قال يوسف ياسر الاسماء اللي حضرته
يوم توهق الولد قعد يفكر يا يا يا يا يا يا يا يا قالوا الشباب :ها ترى لي العشره بتطلع خلص قال
يا يا يا يا يا جان يطالع ابوه وهو حاقد وقال يااااااحمار خخخخخخخخخخخخخخ
متنا من الضحك وانهينا اللعبه

×××××××××××

مره كان زايرني واحد من اخوياي من زمان ما شفته ويعز علي
رحت جبت له تشكيه واسعه من الكيك والحركات
وكانت فيه كيكه ايس كريم
وكانت بنفس اخوي الصغير
يوم قلطت اخوي على الحلى
دخل اخوي الصغير يقول: امي تقول بقوا نصه ( يخاف نخلصه ولا ياكل )
طبعا دوروا وجهي
فشيييييييييييييييييييله

××××××××××××

أمي تقول..
لما كنا صغار كنا كثير نتضارب مع بعض خصوصا أخويا اللي أكبر مني ..عمر
وأختي اللي أكبر منه ..زوزا..وفي يوم من الأيام كان عمر وهو أربع سنوات وزوزا وهي
سبع سنوت يتضاربوا على ساعة حقت زوزا ووفاز بها عمر وأخذها وشرد وقامت زوزا تلحقه..
الى ما يئست فراحت تشتكيه عند امي وكانت أمي مشغووولة عنها ..فجلست زوزا جنب أمي
وهي تناديها عشان ترد..امي أمي أمي امي امي امي امي وأمي ماترد عليها وعمر يراقبها
من بعيد ولما شاف امي ما ترد عليها جاء هو عند أمي وقام يقول لها..
أمي ..أمي كلمي زوزا تبغى تشتكيني عند.

××××××××××××

مره رحت للسوق انا واختي في محل المهم كان قدامنا وحده تبي تشتري
من المحل المهم وهي تحاول تنزل من القيمه خمس ريال المهم البائع يقول لها لامافيه
مانقدر ننزل من القيمه ومن هالكلام ومازالت الاخت تكافح علشان تنزل القيمه لو شووي
يعني لو خمسه الشكوى لله
وتقوله مامعي الاخمسه عشره مافيه تبيها والا اطلع؟؟ الاخ وافق وهي تحاسبه
وهي بنشوة النصر جاءتها الطاامه الكبرى ولدها ....
يمه شفت معك عشره عطيه؟ انا ماشفت الاغبارها وحتى نست تشتري
بس أتوقع الولد المسكين توهق في البيت

××××××××