هلا والله مجاهده مشاركه رائعه عيوني

اما موقفك صراحه روعه بس بما انك رايحه للحج ليه مالبستي سروال:32:

مش كان احسن

مرحبا

حجتي انا وزوجي تنفع فلم

من كم سنة قلت انا وزوجي ليش مانحج ماحد عارف متى يجي يومة

ونزلت في نفس اليوم السوق واشتريت كاب تعرفونة مثل العباية بس مخيط

واخذت كمان قماش ابيض ومرينا على الخياط وخيطة لي

-----------
وصلنا الحرم وخلاصنا طواف وكل شئ الحمد لله تمام

ثم جينا رايحين المسعى زحمة لدرجة اني احيانا احس الناس ترفعني عن الارض

وشوي ويمرون من جنبنا مجموعه كبيرة

رجال ماسكين ايديهم في ايدي بعض والحريم في الوسط

قلت لزوجي بروح معاهم معاد اقدر قال تم

دخلت وسطهم وزوجي مع الرجال

شوي التفت مالقيت ابو عيالي وين راح!!!!!!

قلت يالله مو مشكلة بنكمل السعي بعدين انشاء الله بحصلة

خلصنا السعي مالقيتة قلت لواحد من الرجال ماشفت زوجي قال لا

سالني عن اسمة وراح ينادي علية

ثم جاء واحد ثاني وسالته قال ماشفته

وانا جالسة مع الحريم قالت لي وحدة انتي مصرية<<< ماالومها من البس اللي

لابسته ( كاب اسود+ قماش ابيض فوق راسي بدل الطرحة السوداء قلت علشان يعكس

اشاعة الشمس + غطوة )

المهم قالوا يالله اركبوا الباص وامشئ الين الباص من غير حذاء الله يكرمكم

<<<< ضيعت زوجي مابضيعي حذائي يعني

وحنا في الباص اشتغلت ابكي عليهم وهم يقولون خلاص

ووصلنا الين بيتهم وانا لوحدي مدري ايش اعمل لو كان في جوال مع زوجي

كان مافي مشكلة

وما كنت راح اقدر اتصل على اهلي اسالهم عن زوجي هو اتصل فيهم

قلت اكيد ماراح يتصل عليهم ايش بيقول ضيعت بنتكم00

شوي جاء واحد من الرجال وقال ايش تبغي تعملي (الله ينور له طريقة )


قلت برجع جدة ووقف لي تاكسي واخذ رقم الوحة بس يعني حركة

علشان السواق يخاف ولا يروح تفكيره هنا ولا هناك

لما قربنا على جدة قال السواق ندخل من جهة المينة

ولا من جهة المطار قلت المينة اتاريني خربطة ونلف الين طفشنا

قال السواق خليني اسال سواق لموزين يدلنا

ووصلت ولله الحمد الين البيت ومارضي يروح

يقول خلي واحد من اهلك يطلعلي اتاكد انك وصلتي ( الله يجزية الجنة )

ولما وصلت الشقة سمعت دوشة ابوية يقول لامي بطلع مكة ادور لها

دقيت الجرس وانا اقول ايش اقول لهم على زوجي 00 ضيعتة

ويفتح لي الباب بالله من تتوقعون

زوجي اتارية لما فقد الامل انه يلاقيني قال اكيد راح تتصرف وبترجع

وســـــــــــلامـــــتــــــــكم

والله موقفك ياام العيال لا تحسدين علية بس والله ضحكتيني .....
وطلعتي سنعه دبرتي عمرك لو وحده غيرك كان الى الحين ضايعة في مكة ..
كله كوم وزوجك كوم ثاني وش هالبرود كله ؟؟تكفين يوم شفتية وش قلتيلة؟؟

هلا شطوطة

زوجي كان واثق اني راح اعرف ادبر عمري

وماكان في يدة شئ يعملة ايش كان راح يعمل يبلغ مثلا

ومتى بيلاقوني اذا خلص الحج كخخخخخخخ

اما ايش قلت له جلست معاه هو وامي وابويا وحكيت لهم اللي صار بتفصيل


وتعالي اسمعي المديح ايه هذي بنتي ايوا هذي ام عيالي ماينخاف عليها


انا اشوف ان زوجي تصرف صح

تخيلي لو بقي في مكة يدور لي وين بيلاقيني وسط العالم هذيك كلها

ام العيال اثبتي انك :17: :17: