iiiiهههههخخخخ موا قفكم جد مضحكة

مرة خلص عندنا ملمع الزجاج قامت الشغالة وش سوت؟؟؟؟
حطت نيلة الملابس في موية وترش وتمسح علي بالها كله ازرق ههههههه

أول ماجت شغالتنا ولأول مره تشتغل حطت

طبق البيض بالفريزر

وتدخل الحمام وأنتم بالكرامه بالليل من غير اللمبه

لدرجة كنت أتوقع أنها ساحره ولا شيء

بصراحة مواقفكم رهييبة وهالشغالات والله مساكين لازم تطلع منهم مواقف حتى لو مشتغلين سنين
انا في يوم من الايام قمت من النوم وكان في ذاك الوقت عندي شغالة تحفة طلعت من غرفة النوم والقى ريحة البيت كلها بف باف ( مبيد الحشرات) ولا الاخت قاعدة تمسح طاولة الطعام وكل الطاولات بالبف باف قلت لها وش تسوين هذا مو بخاخ الخشب ! قامت الحرمة قالت خلص مدام بس هذا بخاخ كويس يسوي لمعة !!!! ( المشكلة انها مصرة ) واخذته منها وفهمتها انه بخاخ حشرات وبس وكل هذا وهي مشتغلة على قولتها في قطر وفي الشرقية كذا سنة !!

ومرة كنا رايحين بيت خالتي وكانوا شارين سيكل جديد لواحد من العيال وراحت شغالتي على طول اول ما شالت عبايتها ركبت السيكل وقامت تاخذ كم جولة في الحوش بصراحة كل من يمر يضحك على شكلها وهي تقول " في اندونيسيا كلو حرمة يركب سيكل ويلعب كورة !! " ما ادري وش دخل الكورة بالموضوع بس يمكن قصدها ان الحريم عادي يسوون الاشياء اللي ما يسوونها حريمنا !!!

ذكرتوني بموقف لشغالتنا عند اهلي ..

كانت اختي وبنت خالي يتكلمون بشويش ويتحاكون في اذان بعض (يهني ماحد يسمعهم)وبعدها يضحكووون بصووت عااااالي وكذا جلسوا يسوون والشغاله كانت موجودة ...

وشوي ما درينا الا هي فاتحة باب العمارة وجالسة على جدار الشارع زعلانه ...احنا اعتقدنا انها هربت ...وامي تسألها وش فيك ...وتأشر على اختي وبنت خالي وتقول يضحكون انا ...

وامي تخاصم فيهم ...وهما يحلفن اننا ما نضحك عليها ...

وما رضت الشغالة الا حتى وجوا عندها واعتذروا ..وباسوا راسها بعد ...حتى وتدخل البيت..

والله الدنيا دوارة