مواقف الطفولة والبراءة

يحليله مسكييين .. حرام كيف يحطه ورى ؟؟

اممم أما هذا الموقف صدق ما بنساه .. انا كنت بصف ثالث واختي برابع كل وحدة بمدرسة غير عن الثانية .. والمدرستين عدال بعض ..

المهم ذاك اليوم ونحن نتريا الباص .. خذيت شنطت اختي بدال شنطتي < الشنط تتشابه بس الرسمات مختلفة ..

المهم ... وانا في الباص ابى اروي ربيعتي الواجب < زلمة من وانا صغير ههههههههه .:27:. وافتح الشنطة وانصدمممم انها مب شنطتي ...:eek:

والله اذكر انه خنقتني العبرة وتميت طول الطريق ساكتة وفيني الصيحة ..

ويوم وصلت رحت عند الاخصائية واول ما بغيت اقولها عن السالفة انفجرت صياااااح ..:35: هههههه
والحمد لله ان مدرسة اختي قريبة .. طرشوا الفراشة اتروح وترجع الشنطة واتييب شنطتي ..

طبعا بعد ما رجعنا البيت استلمتني اختي ..:024:

بصراحة الموقف بوقتها رعب وخوف :icon36:.. بس يوم اتذكره الحين استانس واضحك على عمري ..

هيه صح اتذكرت موقف بعد .. ^^

يوم كنت بصف سادس وكان وقتها يوم الاتحاد .. ومسوين حفلة بالمدرسة .. ويوم بنسير الباصات إلا اتقولي ربيعتي تعالي عندي البيت .. يعني اركب معاها في الباص واروح بيتها .. < اول شي قلتلها لاااا .. اممم بعدين تحمست ورحت وانا بايعتها ..

< عارفة شو يترياني في البيت .. لان ما شاء الله امي كانت ووااايد حنونة وما تضربنا ابدا:35:.. < يعني صدقني ..

والله ورحت وانا ميتة رعب من العقاب اللي يترياني :07:.. وبنفس الوقت مستانسة ..

المهم رحتوسلمت على امها وخواتها واتغديت عندهم :time: .. عقب تسألني اختها الكبيرة ( انتي خبرتي امج قبل لا اتيين )؟؟ ... :a_smil08: .. طبعا محد يدري وكان قرار مفاجئ .. المهم دقيت على امي وانا ميتة خوف وخبرتها بالسالفة ..

بالاخير رجعني اخوها لان اهلي ما ايدلون البيت والمنطقة وايد بعييد عنا ..

تدرون شو الحلو بالموضوع .. إني رديت البيت وانا متوقعة اليوم اندفن .. بس سبحان الله ما صار شي .. ولا حتى هزأتني امي ..

:heart:... وعدت سالمة غانمة .. بس صدق كانت مغامرة لا تتكرر ..

موضوعك حلو

صراحه انا موقفي بطولي شوي ههههه
مره كنت مجمعه ورد في صحن من الحوش
و فرحانه فيه الا يجي ولد جيرانا ويكبه في الارض كانت هاذاي اول مرره اشتكي لابوي منه على انه كان مجنني ههههه
و علمت ابوي عليه و بوي هاوشه ولاول مرره احس باحساس النصر


اتذكر مرره بالعيد متشخصه باحيل ههههه
و قتها كنا خلاص بنرجع لبيتنا المهم كنت امشي مسرعه على الدرج وكان مكبوب مويه واطيح على وجهي وجتني عمتي مسرعه تقول (بسم الله عليك) و كان في بنات وري جالسات يضحكون واستحيت حيل

و اتذكر يوم كنت صغيره كنت اخاف اني انام بغرفتي وكنت غالبا انام عند امي وكانت ترحمني وتنومني عندها
الين خلاص طفشت مني ههههههه
مره من المرات جلست عندي و نمت ثم راحت لغرفتها وقمت من النوم وانتبهت انها مو فيه
وكانت الدنيا ظــلام دامس والناس كلهم نايمين وانا جلست اصيح من الخــــوف
واطق بابها واطق وهي ماتفتح الا واشوف شي يمشي في الظلام واصيح بصووووت اعلى من الخوف
وطلع في الاخير بابا ههههههههه

ههههههههههههههههههه مواقفكم حلووووووووووووه

ااااااااااااه على اايام الطفوله والبراءه قلبتو المواجع فيني ياليتها ترجع موالحين هموم 000استغفرالله

اذكر عمري ثمان سنين وتهاوشنا مع عيال جيراننا بيتهم بعيد عن حارتنا وانا امسك حصاة وارميها الاتجي بخشم ولدهم الصغير ويجي ابوهم يشتكي يقول بروح للاميرسلمان وانا اخااااااااف موووت وتعذرة منه جدتي الله يرحمها ويحللها استغفرالله يوم راح وهي تمسكني وتطقني طق 000ههههههههههه

اما انا مووووووووقفيي اجراااااااااااااامي خخخخخخ
ياطويلات العمر انا اموت بشي اسمه ابوي واغار عليه بشكل جنوني وانا صغيره جاء رجال ماحبه عند ابوي وطول وهو جالس عند ابوي عاد انا تضايقت وجتني ذيك الفكررررررره الجهنميه اني احرق سياره الرجال المهم اخذت الولاعه او كبريت وبديت اولع عند الكفر غير والرجال يطلع ن البيت هو وابوي بس الحمد لله كنت توي باديه ابي اولع وهووووووووووووشه من ابوي هي وانا صادقه ليش يجلس عند ابوي بس ترررى انا فتاة دلوووعه وهاديه مره بس مدري كيف جتني الفكره