مواقف الطفوله ادخلو وتفاعلوخلونا نكركر

ههههههههههههه فضيعه هههههههههه

وش دعوه مافيه تفاعل:06:
وش تخافون تخافون نستانس ونضحك:o
تفاعلو شوي
هذا موقف ثاني لأختي اللي اصغر مني
يوم كانت صغيره كان ولد جيرانا الصغير يجي عندنا كل يوم يجي يلعب مع اخواني بكمبيوتر سيجا اذا تذكرونه
اهم شي هو قاعد على الكرسي ومتحمس يلعب هو واخوي
تجي لختي وتاخذ القلم وتدخله بالكرسي من تحت
عشان تبطه:p تقول هو ساكت وتقول وادخل القلم كله ابي العب معه تبي تستانس وهو قام يتحرك يمين ويسار:hahaha:
اوجعته اختي ومستحي يقول لخوي شف اختك تبطني بالقلم من تحت:)
والولد الحين متزوج الله يوفقه بس اختي مااعترفت بالموقف الا يوم تزوج متفشله مرررره تقول ودي اشوف هو يذكر الموقف والالا:32::32:

هههههههههههههههههههههه

هههههههههههههههههه

موقفك ظريف

من المواقف الطريفه اللي حصلت لي
وهي مره وانا أول مره البس العباءه وكان عمري تقريبا 10 سنين
ركبت باص المدرسه وجلست بالكرسي الأول مع خالتي واشوف السواق يناظر بالمرايه ويضحك واقول وش فيه
يوم طالعت شكلي بالمرايه اثاريني لابسه الشيله بالغلط وطالعه قذلتي من فوق الشيله والله اني انحرجت وبغيت ابكي

وبعد اذكر اني كنت جايه مسرعه باركب الباص واقوم اتزحلق من بوابة بيتنا واوصل الين تحت باب الباص وجسمي نصه دخل تحت الباص وسواق الباص يسمي علي والبنات ضحكو علي وبنت جيرانا غفلت من الضحك
وكل ما شفت بنت جيرنا انحرجت

الموقف الطريف الثالث اني تعلقت بسيارة ابوي من ورى وابوي يمشي بالسياره طبعا رجولي تحككت بالزفلت وانا اصيح ابووووي وقف وقف وطبعا ما سمعني ابوي بسبب ضجة الشارع ويجي واحد يركض يصارخ على ابوي ويلحق لحد ماوقف

وبعد ما تزوجت جا الرجال هذا وصار يعرف زوجي وقال السالفه لزوجي

ودخل زوجي علي وهو يضحك ويقول يا القشرا جالسه تزحلقين بالشوارع

هههههههههههههههههههههههه ماوقفكم تحفه
كانو بنات خالتي معي في نفس المدرسه والسواق ياخذنا سوا
كنا نتطااق ع الي تجلس عند الباب واحنا 5 والي تكون الاولى اهي الي تجلس
المهم جاء موعد طلعتنا وانا اسبقهم واشوف بنت خالتي طالعه قبلي يعني باقي مكان واحد وانا اسسسسسسسسسررررررررررع واشووف السواق واقف بجنب البااب وكان حولينه سيااراات طبعا ما اشووف الا سيارتنا
من الحمااس
ويأشر لي السواق هدي كأنه حاس بيحصلي كاارثه
تخيلوو وانا مسرعه انفتح باب سياره تخيلووو فجاءه طلعلي بااب واصقع فيه والله العظيم احس اني طرررررررررت وانسدحت ع الزفلت ومااتحركت اصيح خشمي وفمي يعووورووني ويصب دم وكنت مررره منحرجه ههههههههههههههه
وشاالووني بنات خالتي رحموني وخلووني عند الباب اسبوع كامل