
Om abdalmalk 9999 @om_abdalmalk_9999
عضوة جديدة
مواقف الواتس.....
السلام عليكم ورحمة الله .... بنات كل وحده تكتب موقف صار لها بالواتس ....باقولكم انا موقف صار معي جاتني رساله مكتوب فيها كيد النساء وبعدين رابط انا مافتحة الرابط وسويت لها نسخ وأرسلتها لقروب أهلي المكون من العائلة الكريمة كلها حتى أبوي معنا بعدها فتحت الرابط ..... وش شفت بالرابط قرسون أجنبي ( دوله اجنبيه) كانه يقدم الطلب ورجال حقه واضح ( فهمتو ) الحريم ..... وبعده الله لايورأيكم اختفت عن الأنظار ..... يالله بنات نبي مواقف صارت لكم بالواتس
61
18K
يلزم عليك تسجيل الدخول أولًا لكتابة تعليق.

انا مره ارسلت مقطع قبل اسمعه ..تحمست من التعليق اللي ع المقطع وكانت عندي الشبكه ضعيفه ماتشتغل مقاطع ..المهم ارسلته لقروب العايله عاادي ولا احد علق :D:Dوبعدها جلست كم يوم وسمعته ....يالله لو ينفع البكاء بكيت يابنات اخواني كبار واستحي منهم ويشوفوني البنت المؤدبه ..في المقطع طبعا واحد سني يرد ع شيعي طبعا كنت عارفه توقعت انها مناظره او زي كذا بس ماتوقعت ان فيه كلااام وسسسخ بقوووه شيء فوق الوصف ..اسمع المقطع وعيوني شوي وتطلع ..بعدها ارسلت لأخواني المعذره وكذا قالوا حصل خير ..مستحيل الموقف اللي مريت فيه ينوصف..لا وكمان ارسلتها لبنات اعرفهم ولأستاذتي كلهم قمه في الرقي والاخلاق وكلهم شكلهم انجلطوا ولاعلقوا وارسلت لهم اعتذر وكذا ..ادري بتقولون خبله اشلون ترسلين قبل ماتسمعين ...ترى اول مره اسويهاا ...صدق ترى. هههههه..وتوبه بعد اسويها...ونسيت اقول لكم بعضهم ردوا ترى باقي ماسمعناه يعني البنت تبي تجيب العيد غصب مع كل العرب...

فروحتهa
•
مره بنت عمي كانت عندي وتوريني شنطتها الجديده وشنطتها تفشل وهي ندمانه انها شرتها وقعدت اضحك عليها قلت لها بصورها وبرسلها لقروب اخواتي وغلطت رسلتها لقروب صحباتي وقاعدين يسلكون لي وش هالشنطه الحلوه
ومشيتها عليهم قلت هذي شنطة شغالتنا تقول وش رايكم فيها ههههههه
ومشيتها عليهم قلت هذي شنطة شغالتنا تقول وش رايكم فيها ههههههه
زائرة
•
ههههههههه فروحته موقفك تحفه

منااال$
•
من كم شهر كذا برسل رسالة جماعيه وبديت احددهم كلهم قال زوجي انت داعيتني لقروب قلت هااه 😂 الله يا بنات لو تشوفون وجهي راح احمرر وحررانه كل جهات الاتصال جمعتها اخواني على زوجي لا خالاتي وصاحباتي وجاراتي .. قسم تمنيت الارض تبلعني من الفشيلة واحذف نفسي واخليهم 😭😭😭 وارسلهم رسالة لو سمحتوا احذفوا القروب جاء بالغلط >> تقطع وجهي يوم بدوا يكلموني خاص واحذف الواتس واحمله بعد يومين 😭😭😭 كرهته
الصفحة الأخيرة
رسلتها لبنت عمي وبعدها هاااا يالتعليقات طحت طيحه ماقمت منها
واتعدر اقول ايوه اشتقت لك انتي انا ماغلطت لكن لامجيب ازعجتني بالتعليقات
بصراحه موقف احرجني مرررره 😅