مواقف الولاده سوى حزن أو فرح

بثـينة :

بسم الله ... طبعا أنا أول وحده ترد ...<<< مستانسه على عمري ...خخخخ مواقف الولاده كلها بصراحه لا تنسى ... أول موقف اني شلت ولدي وطبعا مت من الفرح لانه أول طفل أشله في حياتي كلها ... كنت أخاف أشيل الاطفال تحت عمر الست شهور ابدااااااا ما أشيلهم والكل كان يخاف من ردة فعلي بعد الولاده ... بس طبعا ولدي غيـــــــــر .. والموقف المحزن اللي صار لي بصراحه اني حسيت زوجي يغار بدرجه فظيعه من ولدي وعنايتي فيه ... لكن الحمدالله على كل حال ... صج هالشي وايد زعلني بعد الولاده ... بس صار لي موقف حلو .. بالاخص لزوجي .. بيوم ولاده ولدي نزل في راتبه زياده مع انه الراتب كان نازل قبلها بأسبوع تقريبا بس بعد نزلت له زياده ويوم استفسر من البنك قالوله هاي علاوه نازله حقك على خدمتك وتفانيك في الشغل .؟؟ سبحان الله يبعث مع كل مولود رزقه ... و بعد كان زوجي يداوم دوام متعب شفتات يومين صبح واليومين اللي بعدهم مساء واللي بعدهم يومين ليل وكان يحاول وياهم يحطونه دوام رسمي ورافضين وبعد ما ولدت بشهر حطوه دوام رسمي الحمدالله وارتاح وريحنا وياه ..

بسم الله ... طبعا أنا أول وحده ترد ...<<< مستانسه على عمري ...خخخخ مواقف الولاده...