مواقف ترفع الضغط ...

تصير وايد لكن ارضى لانه الاقرب لهم خاااصه لامه وما احب ابعده عنها مهما كان خاصه انها طيبه معاي وتحبني فاذا طلبته هي والا عمي او حتى اخوانه مستحيل اردهم حتى لو ما كنت طالعه من زمان
واكيد بيعوضني بطلعه غيرها يوم ثاني

لا تتضايقين عشان ما يقول انج ما تحبين اهلي وحاولي تقولين له يطلعج باجر او اي يوم تحبين واكيد ما بيردج
الله يحفظج ويوفقج الغاليه امين

مشكورين غاليات على الردود ويكفيني احساكن بالموقف...

أختي والله في بعض المواقف تهون
يعني في يعضها أهون من البعض...

صح إني مو متزوجة لكن والله مريت بمواقف خلتني أكره حتى نفسي....
وصرت والله أقول في نفسي: ليه أنا حظي كذا؟؟؟؟؟وليه وليه وليه.....أستغفر الله العظيم....



والله إن مرة صديقتي تتصل عليا وتقول لي عن أختها:
شوفي أختها شو سوت....

كانت عند أختها في دوامها...
وشافها واحد من اللي يشتغلون هناك...
وقال لأختها:
أنا أريد أتقدم لأختك إذالا ما كانت مرتبطة...

عاد صديقتي فرحت مرة...

وشافت الموضوع مر عليه وقت طويل
وللحين ما صار شيء...

تدرين أختها شو قالت لهذا اللي كان يبغي يتقدم لها:


اتوقعي:





انزلي بعد اشوي:
















































































































أختي ما تنفع لك...

شفتي عاد..
أي أخت ما تتمنى لأختها الخير...

مب موقف يرفع الضغط...

والله المواقف الي ترفع الضغط كثير ممممرررررررررررررررره

مو بس للمتزوجات اشياء كثيره تنرفز

مثلا على سبيل المثال لا الحصر: لما تجيك وحده قايلتلك سالفه ومحلفتكي ايمان مغلظه انك ماتقولين لاحد وهي عارفه انك ماراح تقولين من غير حلفان بس عشان تعلمك تراني مابي احد يعرف
وتكتشفين انها ماخلت احد ولابقت الا وقالتله؟؟؟!!!!!!!!!!!!!!!!!!!!!!!!!!!!!!!
طيب ليش الزحمه من الاول


موقف ثاني:اذا كنتي مشغوله وحالتك حاله والي حواليك كلهم شايفين يقعدون يطلبون سويلنا وحطيلنا واسئله لا وساعات ينادون بس عشان سالفه

موقف ثالث: كاشخه ومتزينه ومستانسه بعمرك وواثقه من نفسك ودخلتي العزومه مثلا واول ماتقابلكي وحده تقولك بسوط عالي ووووووع وش ذا ورا شكلك كذا ورا مكياجك كذا وباسلوب يفشل>>>>>>>>>>>>>طيب سلمي اول يالله فيه ناس ماعندها اسلوب

موقف رابع هذا ينرفزني موت واحس اعصابي تصير صفر لا صار معي>>>>>>>>>التفتيش لاجاك احد طبيعته يفتش يفتح الادراج يفتح شنطتك يفتح جوالك وعاااااااااااااااادي ماكانه سوا شي>>>>>>>>>>اكره الناس الي زي كذا


موقف الخامس :شله بزران يحوسون ويخربون في بيتكم وامهاتهم قاعدات سوالف وضحك ولاقلتي شي قالت ياولد اقعد وهي بمكانها ؟؟؟؟؟؟؟!!!!!!!!!!!!!!!!!!!!!

يووووووووووووووووووووووووه مواقف كثير تنرفز عادي دامنا عايشين ياما حنشوف

انا حصل لي قبل فترة بسيطة موقف رفع ضغطي مرررره

زوجي عازم مديره بالعمل وعدد كبير من الموظفين
وطلب إني اسوي له بوفيه بس بشرط يكون كله( عمل بيت)

قلت له وحاولت معه اني اخلي البوفيه من مطعم يجهز لنا كل شيء
لكنه رفض وقال ابغى شغل بيت

فقعدت أيام وانا اطبخ واستعد واجهز واخزن بالفريز مثل سمبوسا وورق العنب والكبه وكروكيت البطاطس وغيره وغيره
وطلبت من خواتي يساعدوني وكل وحده ترسل طبخة

أما بنفس يوم العزيمة فقمت من الساعة ثمان الصبح وجبت شغالة اختي
وانا وإياها إلى الليل ماغير نحوس بالمطبخ

وزوجي كل شوي يناديني ويقول: سويتي وحطيتي ؟؟

وبعد صلاة العشاء جهزت القهوة والشاهي والحلا والمعجنات الخفيفة
وباقي بس ننتظر الضيوف

صارت الساعة تسع مااحد جاء
قال زوجي: بدري اكيد مايجي الا الساعة عشر

جت الساعة عشر ماجاء .. وانا على اعصابي
ولاواحد من الموظفين جاء

وصارت عشرة ونصف .. فقلت لزوجي: خلاص اتصل عليه استعجله
فاتصل عليه ومايرد على الجوال

اتصل على موظف زميله وسأله.. فقال: ماادري
وراح واتصل على سواق المدير وأخيرا .. رد السواق

قال زوجي: وينكم؟؟
قال: المدير يعتذر منك .. حنا هالحين في الطريق للرياض.. خيرها بغيرها

زوجي انعقد لسانه وماعرف يتكلم ..
وبعدها قال لي: المدير اعتذر.. فشهقت وقلت: وشو؟؟؟؟؟؟؟

طيب والبوفيه والاكل ؟؟
قال: هالحين يجون الموظفين ويتعشون..
فبدأ يتصل على كل واحد .. وكل واحد منهم يعتذر.. ويقول: خلها مرة ثانية مع المدير.. وزوجي يلزم
ولكن بقدرة قادر الكل اعتذر

صراحة انا ماقدرت اتحمل ولااستوعب الموقف.. فمن القهر رحت لغرفتي وقعدت اصيح
هالحين لي أيام وانا مالي هم الا عزيمة( المدير) ومافيه طبخة اعرفها الا حطيتها ..
وخواتي كلهن ارسلن لي صياني وحلى ..

وآخرتها ايش أسوي بهذا الاكل؟؟؟
والوقت متأخر مااقدر اعزم احد أو اقول لأحد يجي

زوجي عرف ان المسألة بتنقلب هوش فانسحب على طول وطلع من البيت
وخلاني لحالي مع ( البوفيه)