مواقف تفـــشــــــــل

السلام عليكم ورحمه الله وبركاتة

اكيد يابنات كل وحدة فيكم مرت بموقف يفشل او محرج بمعنى اصح وتمنت في ذيك اللحظة

ان الارض تنشق وتبلعها من شدة الفشيلة بس في نفس الوقت في مواقف تنبلع وفي مواقف

ماتنبلع ( زي موقف حضرتي ) ولهذا السبب كرهت نفسي وكرهت اشوف ذا الشخص وكل

الاشخاص الي تفشلت منهم ( قسم بالله يابنات جاتني عقدة كلة احط نفسي في مواقف ماتستاهل في النهاية انا الي اطيح فيها وانحرج منها )

وبذكر لكم موقف من مئات المواقف الي مرت علي ( وياليت كل وحدة فيكم تذكر موقف احرجها)

مرة من المرات امي دقت على اخوي قالت لة جيب اختك وبنت خالتك لبيتنا هم طبعا في بيت خالتي
طبعا انا ماصدقت خبر سمعت ان في وسيلة مواصلات متوفرة عشان اطلع ’ قلت في خاطري

دامني جالسة زهقانة خل اروح ارفه عن نفسي واجتمع مع بنات عمي في بيت عمي وانبسط وافلها
واروح لكم اسحب عباتي وانتظر عند فتحة الباب ( كني طرارة )<<< وحدة اول مرة تطلع

عاد في ذيك اللحظة( وهاذي المصيبة الي مادري عنها )

اخوي اتفق مع ولد خالتي ( الموظف ) يعني كبير مو صغير :( انة ياخذ سيارة اخوي ويوصل اختة

واختي لبيتنا عشان حضرت اخوي تعبان مالة خلق وانا طبعا مادري شالسالفة

وايش جالس يصير من وراي طبعا وصلوا الحسناوات الصغيرات وانا هجوم على فتحتة الباب

كني ماشفت خير ,, الا وافتح باب السيارة الامامي ( يعني يم الي يسوق ) واسكر الباب واسلم
لا وكل هذا وقولة ودني بيت عمي ( لاحظوا كل هذا ولا لاحظت مين يمي )

وانا طبعا مافكر التفت مدري ايش جاني في ذيك اللحظة كل هذا شبة وحماس على الروحة ولا ايش

والله يابنات مدري شلون جاتني غشاوة على عيني يمكن لاني لابسة غطا على عيوني
:35:
طبعا انا حسيت ان الشخص الي يمي مو مستوعب الي اقولة رحت عدت علية الكلام

بعدين هو قالي وبعد صمت طويل ( نعم ) قلتلة شفيك ماتفهم ابي اروح بيت عمي

قالي بكل خضوع : انشاء اللة ( لانة توهق معي ) طبعا هو حرك السيارة ومشى

وانا جالسة يمة :07: وطول ذيك الفترة ماحسيت يابنات

وبعدين قلت لة شفيك ساكت >>>> لي وجة اسئلة

طبعا هو مارد علي ( مستحي مني ):29:

ويوم قطعنا نص الطريق فكرت التفت علية وبعد قز طويل وقز وتمحص :rolleyes: حسيت انة مو اخوي :07:

طبعا انا وجهي صار كذا:07: وصار نتفة زي حبة السمسمة , طبعا بدون مقدمات صرخت ذيك الصرخة حتى السيارات الي يمنا اسمعوها ( ارتعت روعة يابنات )

هو قالي هدي هدي شفيك مو انتي الي قلتي لي وصلني انا وش ذنبي تصارخين علي

قلت لة نزلني هنا ( وانا اقص على عمري يوقف في خط سريع :dry: )

قلت ماعلي نزلني , عاد انا حسيت انة في ذيك اللحظة ودة يذبحني ويرميني من النافذة بس خايف من خالتة

عاد هو ماسمع كلامي قفل الابواب خاف اني ارمي نفسي زي الافلام ومشا بسرعة لما وصلت :o

ومن عقبها يابنات ماعاد احب اسمع طارية حتى السيارة كرهت اركبها ( وهذا جزء بسيط من مواقفي )

ياللة يابنات انتظر ردودكم وانتظر مواقفكم الحلوة :)