اكتبو مواقفكم وخلونا نشارككم الافراح وغيرها وننبسط
بالنسبه لي كثثثثثثثثثثثثثثثثثثثثر كل ما اتذكر***** الله اكتب ,منها :
جيراننا الجدد سوو عزيمه كبيييره بمناسبة البيت الجديد طبعا احنا من اوائل المعزومين واحدمن اخواني الصغار كان عمره 4سنوات _ المسكين واحنا رايحيين وقت المغرب دوبه صاحي وتعرفون الاطفال اذاقامومن النوم مايحبون ياكلون قلنا بلاش شويه ويتعشى ***** غلطنا المفروض ناخذله شي معنا لكن الحمدلله على كل حال _ اول ما وصلنا البيت مليااااااااااااااااان ناس مانعرفهم
شويه بدا الاخ الكريم .انا جايع..انا جايع ..اناجايع واحنانسكت فيه نقول شويه العشا يجي....اذن العشاء وهو صابريترقب فجأه انفجرفي المجلس بقوه..بتجيبون العشا ولا نروح بيتنا نتعشى؟؟؟؟؟؟؟؟؟الضيفات قعدو يضحكون واحنا ارتفعت درجة الحراروصارالمكيف ماينفع
وياليت الموقف انتهى على كذا .._المطعم تاخرماجاب العشا _ واحنا قلنا الحمدلله الولدراح يلعب ونسي فجأه دخل المجلس يبكي بصوت عالي يقول ..يلا بسرعه نروح البيت رحت المطبخ لقيت الشغالات يتكلمون ويضحكون ما يسوون عشا..بدا الضحك واصحاب البيت بدويكلمون ازواجهم ويقولون بسرررعه جيبوالعشا...واحنا صدق قعدنا نترجاهم نبغا نروح بيتنا علشان المسكين واحنا في قمة الاحراج
وهم يقولون لالالالالالا ذلحين ذلحين...... المهم جاء العشا
وبس شافه قال ...أخييييييييييييراًالله يحفظه هذي السنه عمره 17
....................................
موقف ثاني مستحيل انساه كنت اول ثانوي طبعا قبل سنييييييين كنت للاسف اغش في الاختبار _ اللهم اقبل توبتي واغفرزلتي ولاتفضحني على رؤس الاشهاد _ وكان في فصلي طالبه مثاليه ملتزمه الله يذكرها بالخير كانت دائما تذكرنا بالله وكنت اتأثر من نصايحها واعزم التوبه لكن في الاختبارمااكون فتحت الكتاب واقول خلاص اليوم بس !!!!!!!!!!!!!!!
في يوم من الايام بداء الاختبار والكتاب باقي جديد وكان مجرد سؤاااااال واحدعليه كل الدرجه في مادة التاريخ وبدأت وسط الاختبار ادور هيئة الاغاثه العالميه هههههههه ....... وجت الاغاثه بسرررررررعه _ ياليت اغاثة الصومال كانت بنفس السرعه _
وقبل ما توصل سبحان الله العظيم في علاه تذكرت الحديث "من ترك شيئا لله عوضه الله خيرا منه" وبداصراع الخيروالشرفي نفسي
الشيطان من مكان يقول مجنونه انتي ؟؟؟؟؟هذاوقت توبه؟؟؟؟؟ والله لو ما تنجحين يذبحونك اهلك!!!!!!! وبعدين يازين شهادتك الشهريه مليييانه دوايرحمر...... وخلالالالالالاص الغش وصل قلي لزميلتك ترميه على الطاوله بس وتاخذين الدرجه كامله .....فكري بعقل المفروض تبتي قبل اليوم علشان يمديك تجتهدين......
والفطره السليمه تقول لالالالالالالالالالالا وين إيمانك بالله ؟؟؟؟وين تصديق الرسول بان العوض جاي؟؟؟؟؟؟ وترى اذا ماتبتي في هذي الحظه مستحيل تتوبين ......اصدقي مع الله وتعوذي من الشيطان والله العظيم ما بتتوسدين شهادتك في القبر....
وفجأه البنت تقول تبغين الغش ولا بلاش؟؟؟؟؟؟؟ ولله الحمد والمنه انتصرت الفطره السليمه وقلت في نفسي بنتظر العوض وربي ما يخليني....دق الجرس وجمعت الابله الاوراق .. قمت وفي قلبي حزن لان ورقتي فاااااااضيه اعطيتها ........اقسم بالله العظيم ماطلعت الابله من الباب إلا والعوض جاء تدروووون كيف ؟؟؟ ....قامت الابله قطعت الاوراق قدامنا ورمتها في السله بدون ماتشوف ورقه واحده بصوره غريبه وقالت كنت ابغى اشوف انتم مذاكرين بكره الاختبار
واتذكر مواقف كثييييييره بإذن الله اكتبها بعدين اذا سمحت الظروف ..انتظر ردودكم ومواقفكم واي تعليق عااااااادي
سبحان الله والحمدلله ولااله الا الله وصلى الله على نبينا محمد وسلم تسليما كثيرا
والله أخوك فله بطني تعورني من الضحك
وبالنسبة للمواقف اللحين ما اذكر ولا تذكرت لي عودة
وموضوعك يجنن