بنت جدتى :

هذا ياطويلات العمر مره كنت رايحه انا وزوجي للعطار المهم انه راح يحاسب وانا مجلس ماغير اموزق المهم اني طفشت ورحت بقوله اعطني المفتاح بروح السيار ويوم وصلت عنده بخبطه من كتفه عشان بعطيني المفتاح الا مدري كيف التفت الا اشوف زوجي ماهو عند المحاسب والحمدلله اني ماخبطت الرجال انقذني ربي ومره برضه كنت انا واياه بالسوق يوم جاء يحاسب قال روحي السياره قلت طيب وبنت جدتي جايه مدرعمه وافتح السياره واصك الباب واتساوى الا مدري ايش اللي خلاني اتامل بالسياره واطالع ماني مصدقه الا اصحى من الفهاوه اللي فيه وانتبه ان السياره ماهي سيارتنا يمه وانقز وافتح الباب بسرعه قبل لايجي صاحبها الحمدلله واقول لزوجي ويضحك عليه والعام كنت بالاختبار وجايين زوجي وعيالي جايبهم من المدرسه وقف بعيد قام ارسل ولدي مدري بنتي ينديني المهم انه شفتها ومشيت وراها واسبقتني وكان زحمه يوم شفت سيارتنا الا مدرعمه بدخلها جايه طايره الا بفتح الباب الا اسمع البواري بيييييييب بيييييييب واطالع اثاريني مدرعمه على سياره ماهي سيارتنا وشافني زوجي وعرف اني مضيعه ماشوف قام هاوش ولدي ليه مااستنيتها تعرفها ماتشوف تقمش فشله والله

هذا ياطويلات العمر مره كنت رايحه انا وزوجي للعطار المهم انه راح يحاسب وانا مجلس ماغير اموزق...

منالmn :

مرة كنت اقول لزوجي ودي اسوي مشروع مابي اعتمد بس ع الراتب الي دخل ثاني قلت بفتح شركة ليموزين في ديرتنا ماشوف الا الرجال شرق بالشاهي وضحك ضحك بغى يموت وانا اناظره مستغربه ويضحك ماقدر يتكلم وانا اضحك من شحكه مدري وش السالفة بعدين قال مالقيتي الا في الديرة لو تركب وحده معه قصوا اهلها رجلها كيف تركب مع تكسي من جدك انت وقعد يعايرني فترة ياراعية الليموزين السالفة من ست سنوات بس لين الحين كل ماذكرها مات ضحك

مرة كنت اقول لزوجي ودي اسوي مشروع مابي اعتمد بس ع الراتب الي دخل ثاني قلت بفتح شركة ليموزين في...

عبيه :

اذكر مره في شهر العسل طلعنا السوق انا وزوجي وفجاه الا مجموعة بنات يضحكون بصوت علي واطالع فيهم انا وزوجي ونمشي ورحنا محل ثاني ونلقاهم يتكلمون بصوت عالي الا زوجي يجلس يطالعهم وانا عصبت بس مابينت يعنني وامشي مافيه مطبه صغيره على الرصيف نشبت فيها نعالي وبغيت اطيح وانقطعت وهو يجلس يضحك علي واجلس اسحب رجلي لين وصلت السياره ويوم ركبت السياره احط حرتي فيه انقطعت نعالي بسبتك عاجبينك البنات تطالعهم الا هو مسكين جلس يهدي فيني قال قليلات ادب مايستحون اطالعهم وانتي معي بس استغربت من تصرفاتهم الله يهديهم وذاك الساع ارتحت وردت لي روحي😎

اذكر مره في شهر العسل طلعنا السوق انا وزوجي وفجاه الا مجموعة بنات يضحكون بصوت علي واطالع فيهم انا...