ياربي ياسندويشة الفلافل هذه بطلة المواقف حقت بنات المتنفس😂😂 وزوجك ماشاء الله حبكت يسلم ع صاحبه وانت حالتك حاله مره ثانيه طيب 😅😅 اللي يهمني في الموضوع انك اكلتي الفلافل اخر شي يعني طلعتي بنتيجه😂😂ياربي ياسندويشة الفلافل هذه بطلة المواقف حقت بنات المتنفس😂😂 وزوجك ماشاء الله حبكت يسلم ع صاحبه...
صراحه مواقفكم تحفه بس موقفي انا غييير😋 اول زواجنا بشهر العسل زوجي جايب عصير المهم انا كاااشخه ومسويه برستيج وقال صبي لنا طبعاً بالعاده قبل نصب العصير نرجه المهم رجيته بكل قوتي وغطا العصير كان مفتوح شوي الا ويروشني العصير انا وقتها كان ودي ابكي اصيح اضحك شعور مختلط صراحه من المواقف اللي مانسيناها لان وقتها كنا باقي نستحي من بعض😂😂صراحه مواقفكم تحفه بس موقفي انا غييير😋 اول زواجنا بشهر العسل زوجي جايب عصير المهم انا كاااشخه ...
ههههههههههههههه احراجههههههههههههههه احراج
مرة بداية زواجي رحنا الملاهي وكنت وقتها أول وآخر مرة أطلعها
قال ابو الشباب اطلعي اللعبة ذي لوحدك بما ان اللي فيها كلهم بنات وبعد محاولات إقناع طلعت 💔 وهو جلس ينتظرني والناس تصرخ وتتفاعل وأنا مسمرة مكاني وأتشهد
بعد م نزلت كنت دااااايخة مررة وأدور عليه لقيته واقف وفيه واحد جنبه م جا ف بالي إنه يعرفه ع بالي واحد ينتظر زوجته وأجي مدرعمة والمشية الله لا يوريك وهو يأشر وماسك ضحكته عارف اني بجيب العيد وأنا م انتبهت مكملة مشي لحد م وقفت قدامه والرجال معاه ويطالع مستغرب قلت الله لا يسامحك أحس المووت أنا الغلطانة اللي سمعت كلامك وركبت كل هذا والرجال واقف وأنا مو مركزة وماتوا ضحك قال أخليك مع زوجتك واضح اللعبة مأثرة عليها .. قال ي بنت رجال طول وعرض م شفتيه م شفتيني وأنا أشر لك قلت لا م حسيت ب الإحراج والفشيلة إلا بعد م فكتني الدوخة 😂
الموقف الثاني أنا اذا رحت مشوار طويل ف السيارة وجاني النوم أفك النقاب وذاك اليوم فكيته وحطيته ب كل قواة عين ع طبلون السيارة ونسيته من البكرة أخوه أخذ السيارة وبعد م جا بنطلع مشوار فتحت الباب لقيت نقابي معلق ع الباب من برا 😁
ومرة نفس الشي فكيت النقاب وركب معاه صاحبه وقعد يقلب فيه يقول حق مين ذا ( زوجي يقول جبتي لي الشبهة ) بعدها سار يحّرص علي أحطه ف شنطتي يقول الله يستر المرة ذي نقاب بعدها مدري ايش ب تنسين 😂
وهو صادق وحدة من صاحباتي م تحب ( السوتيان ) يطول عليها وتقول كنت مسافرة بر وضايقني وفكيته ونسيته .. تقول زوجي راح يغسل سيارته ويوم جا يستلمها لقيه ف كيس ومعلق ف المرايا يعني اللي م يشوف يشوف غصب 😂
يسعد قلبك حلوتنا ع الموضوع الحلو 😘