يلا مع ان خواتي راح يعرفوني ع طول بس انكشف لعيونكم عشان تضحكون اولا لاحظو عمري ماطلعت كاشخه ابد يكون شكلي مررررررره حوسه الموقف الاول هذا تخيلوه بتموتون ضحك كنا في بيت جدي وكان جدي يفتح مدخل الفله الصبح ويجلس هو ويا الرجال يتقهون ويفطرون فاهمين يعني المدخل مفتوح كله والرجال ع الارض المهم حنا مواصلين انا وبنت عمي وفيه سيكل ولد جدي الصغير ركبته وركبتها وراي وحنا في الباب اللي وراء من الفله (ودي الحين اوريكم بيت جدي) وابي اخذ فيها دوره كامله ويلا انطلقنا وهي ورى وانا ياله اسوقه ورافعه عن فخوذيولما وصلنا لمدخل الفله اتفجأ بالرجال واوقف لاني اللي اقدر اريوس ولا انزل كملت الطريق من عندهم وتخيلو اسوق وانا ظرهم من فيه وهم منزلين روسهم هههههههههههههههههه ولما تعديتهم بشوي نزلنا وركض
والموقف الثاني انا عندي طبيعه لما اغسل يدي ولا اجي اخذ شيء من الحمام لازم اسوي حركه عند المرايه وهذي في من كنت صغيره واغلب حركه اسويه اكشر عن اسناني اكيد فهمتو نجي للموقف خالتي توها عروس وعازمه امي وعازمتنا وادخل اغسل بالمغسله طبعا وانا اغسل يدي كشرت عن اسناني ولا اشوف واحد متنح يناظر عن يميني زوج خالتي بيده اغراض انصدم هههههههه لا وش سويت سكرت الحمام وكملت الحركه ههههههههههه دايم الرجال اللي يشوفوني صدفه يشوفوني باسواء حالاتي ومواقف كثيرهه بس هذي ابرزها واقرب موقف عازمه عمتي وبنتها وانا شعري كان طويل لين تحت الظهر حسبي الله ع الكوافيره قلت درجيه وقصته الين كتفي وهم ماشافوه رحت فكيته ولما دق الباب اجي طايره وافتح وارجع على وراء يشوفوني وطلع راعي الفطاير انهيل وانصدم وارتاع وكل شيء يوم علمت امي قعدت تسب وتهاوش قلت امزح مصدقه وش بعد ولد عمتي اصغر مني بعشر سنين دايم يقعد معنا ولما كبر تغطيت عنه رحنا مع بعض للشرقيه وحنا قاعدين ع البحر رحت اتمشى ورجعت للبسطه حقتنا قلت يوه فيه قهوه وارفع نقابي واقعد اتقهوى ماتوا امي وعماتي من الضحك وانا وش فيه وش فيه قالو شوفي فلان وهو اههههههههه بصوت العيال الغبي طبعا الله يخليه لها وسلامتكم

الله يسعدكم مثل ماونستوني في هاالصباح

أنا بقولكم موقفين الأول مره أخويه رش عليه باالبخاخ وكان فيه مطهر ماأدري شو أنا جن جنوني وأرتفعت قروني
الموهيم يوم شافني عصبت حط رجله وأنا وراه وأثناء الجري هو كمل طريقه إلى الحوش وأنا كانت فيه طاوله
قزاز قدامي ماشفتها وعينك ماتشوف النور ماأاشوف إلا وأنا متقربعه أنا والطاوله بس برضه أبد حالفه غير ألحقه
وأكمل طريقي ماكأن حصل شئ وأمي ماتت ضحك عليه وأنا معصصصصبه ودي بس أمسكه قعد نص يوم مايدخل
البيت وأول مادخل حطيت حرررتي فيه من البخه والطيحه هههههههههههههههه


الموقف الثاني مره كان زوجي جالس في أمان الله على الابتوب الموهم قلت يابت خليك رومانسيه شويه
وروحي همزي لزوجك لآنه وقتها كان جاي من المستشفى الموهم أدخل عليه وبكل حنيه ودلع وأقوله
حبيبي تعشيت قالي الحمدالله وأجيك داعسه ميتين وستين أعطيه ذاك المقفى على كتفه يقالك تهميز
الرجال طاح قلبه ويديه صلبت ع الكيبورد مايدري وش السالفه وأنا أبد حالفه أكمل تهميز
وأكمل وأشتغله أسئله تقولون المحقق كونان وهو صاااامد أبد ولا كلمه شويه إلآ طلع الرجال
من البيت كله من أثار الفجعه المبرررحه


ولا يوووووووووووقف















أستغفرالله العظيم وأتوب إليه ,
اللهم صل على النبي ,

من أسوا المواقف اللي مرت علي أنا وبنت عمتي خلصنا من الطواف وقالت ايش رايك نصلي جنب الكعبه اتحمست ودخلنا نصلي ركعتين ووووو خلصت قبلها وجالسه أتأمل كسوه الكعبه وان ادعي .....شويه وقفنا مع بعض عشان نخرج لان الأمن يستعجلونا زحمه واحنا حريم ممنوع الموهم لما وقفت بنت عمتي فجاه لقيت المصري يتأسف منها ومكسوف وهي شويه وتبكي بعدين تحكيني ان الرجال رفع يده يصلح الإحرام رفع صدرها معاه بقووووووووه بصراحه كان موقف فضيييييع بس نرتجف الله لايعيده خخخخخ

رفع

هههههههههههههههههههههههه


ربي يسعدكم اتحفتونا بمواقفكم


وانا اتذكر مره رحت عند صديقتي وهما جيرانا واول مادخلت الصاله وانا متغطييه

الا واخوها الكبير قال لي اهااااااااااا على غيري تتغطيين عشان لا احوشك ويقول اخيرا كشفتك وووين بتروحيين مني

وانا خلااااااااص مجمده تحت الغطا مادريت وش السالفه

وجت صديقتي على اخر كلمه وحنا واقفين قالت تعاي هناء ادخلي غرفتي انقذتني من الموقف وتضحك لما سمعت سوالف اخوها

وسحبتني لين الغرفه وقعدت على الكرسي الا والاخ قااااااااادم وانا خلااااااااااااااص نشفت عروقي

وهي خلاص ميته ضحك واخوها يقول لها وين موديتها والله لاحط حرتي فييها

قالت له اخته ياخوي هاذي صديقتي بنت الجيران وتحلف له اني صديقتها وتضحك في نفس الوقت لانه ماهو مصدق


وتبغا تفهمه بس ماعطاها فرصه وهو قام بدوره الاخ قام يضربني على راسي ضربات متتاليه وبقوه يقول على غيري متغطييه وتسوين نفسك بنت الجيران


اثريه الاخ يقول اني اخته الثانييه كانوا متهاوشين قبل ادخل عندهم ويوم شافني يقول اني اخته واني اتغطيت عشان لايشوفني


وانا خلاااااااص تخيلوا شكلي تحت الغطاء قعدت ابكي من الضرب والاحراج

واخته تمسكه وتقول هدها هاذي بنت الجيران والاخ مواصل مو مصدق


وفي الاخيرررررررررررررر يبغا يفتح على وجهي يشوف هونا اخته وانا متمسسسسسسسكه بحجابي واصيح


وفي الاخير دخلت علينا اخته الي يبغا يصيدها وانقذت الموقف

واتاكد ان لي تحت الغطاء ماهي اخته


تعالوا دوروا لوجهه من الفشيله والاحراج






ههههههههههههه الله لايعيده من موقف