طيب بسدح لكم مجموعه من المواقف
الاول كانت اختي وزوجها عندنا وانا ماتعشيت هذاك اليوم عشان موصيه اخوي يجيب لي عشاء من برى .وانا كنت ميته جوووووووع بس انتظر اخوي يجي .وبس انتظره عند الدرج والساعه تقريبا 12 بالليل وطبعا موصيته بدون اهلي لايدرون عشان مايهاوشوني ارسل اخوي بالليل وهو قالي انتظريني بالدرج اول ما اوصل افتحي لي عشان اهلي مايحسون وبعد طوووووووووووول انتظار اسمع رجوووووول بالدرج وانقز مع الدرج طيران .وافتح الباب بقووووووووووووة ومن غير ما اشووف هيئه الرجال اسحب الكيس من يده واذا بشخص طووووووويل القامه ونظارات وحسيت بصدمه لاني توقعت اشوووف شخص قريب من طولي واعرفه خخخخخخخ طلع زوج اختي راح يجيب علاج من الصيدليه .
سكرت الباب بوجهه وقعدت ابكي لاني ما ابغى اختي تعرف لانها غيورة .المشكله تسالني ليش تبكين ؟؟؟
خخخخخخخخخخخخخخخخخ

استانست على مواقفكم
واضحك بصوت عالي واحنا على وشك الفجر
وكل شوي اطالع يم الباب اقول الحين زوجي يصحى على ضحكي يدق على الصحة النفسية يقول انهبلت..

اتمنى تكملون ولا يوقف ..
تعبنا من مشاكل الحياة الإجتماعية ..

نبغى نتونس شوووي ...

الله يجزاها خير صاحبة الموضوع ..

عندي موقف من عدة مواقف طواها النسيان .

سكنا ببيتنا الجديد وكالعادة نحتاج عامل يسوي كذا او يركب كذاك
امي الله يطول بعمرها كانت عندي وكنا بالمقلط جالسين وكان الشغل بالمجلس وهو مفتوح على المقلط المهم

العامل مابعد دخل قال لي زوجي ترا بيجي عامل قلت الحين قال اييي
جيت اشوف امي مالقيتها ادور بالبيت الارض انشقت وابلعتها انادي امي امي اميييي مافي رد

ارجع اطل على المقلط القاها جالسة بالزاوية وململمة نفسها ..

يوم شفتها صحت امي انتي هناا وهي تضحك وتاشر لي اسكتي المهم اجي يمها والتفت على المجلس الاقي العامل ملصق وجهه بالجدار وعنده اخو زوجي معطي المقلط ضهرة
انط إلا وانا بحضن ميمتي ...
هذا الي ينقاال كنت بحذرها من العامل انتبهت له وانا طحت فيه
وماكانت تقدر ترد علي وانا انادي لانهم موجودين
وزوجي نزل طلع العامل وطلع اخوة معاه معتمد انه حذرني
مااااادرى خخخخ

انا زوجي وعمي يتشابهون من وراي يعني الراس والظهر بس عمي شعره مشيب وزوجي شعره اسود ومره كنت نازله تحت ولا اشوف الي قاعد ومعطي ظهره ولابس نفس بجامه ريلي مخططه ونفس اللون والمه من ورا حياتي ابي الجمعيه تخيلو المنظر مكتفه ادينه ولامته من الظهر @@ وانا زين ما اغمي علي من الفشله واحس شعر جسمي وقف عمي ما تحرك من مكانه بس انا طرت فوق وما شاف وجهي اسبوع ولحد الحين كل ما تذكرت الموقف اموت مع انه صار له اسنين

طيب الموقف الثاني لاختي الصغيره كنا منقسمين بسيارتين مع اثنين من اخواني .المهم ورايحين نزور اختي بالمستشفى ولدت وبعد ماخلص موعد الزياره ابوي يصيح علينا يلا عشان نرجع بد ري رغم انه مستشفى خاص بس ابوي يبغى يصرفنا وانا واختي نبغى نجلس
عند النونو وامي مرافقه معها المهم واحد من اخواني بيجلس ونبغى نقعد معه بس ابوي رافض وكل وحده فينا تدور شغله عشان ابوي ينسى منها وتقعد مع اخوي الثاني وبحكم اني الكبيره شلت قشي القهوة والشاي ورحت مع ابوي .وكانت معنا وحده من خواتي متزوجه وزوجها موقف مع اخوي بالمواقف ويسولفون وانا بالسياره وابوي معصب من اختي الصغيره تحسب نفسها بتجلس رجع عليها وعطاها محاضره ههههه وهي عندها ضعف نظر وماتشوف بالليل زين .وابوي يبغى يسلم على زوج اختي واشر لها تدخل السياره وهي سياره تشبه سيارة اخوي تقول دخلت وحست انها مو مرتاحه بالجلسه تزلق عبايتها وتقول تدور على ماحصلتني بالسياره والجوووو غريب عليها وتطالع بالمرايه حقت السواق وتلاقي رجال غريب يطالعها بغت تموت من الخوووووووووف طلعت وهي ترتجف ودخلت سيارتنا تبكي .هههههههههههههههههههههههههههههه

ههههههههههههههههههههههه
ولله مواقفكم تووووووحفه ...،
لي بالك يالغاليـــآ‘ت
وبسدح موـآقفي فيذـآ...،
: