موضوع خطير انا اذكر موقف لصاحبتي كانت في روضة خريم مع اختها كانوا يسمعون اغاني ومندمجين عالاخير وفاتشين وجيهم المهم مرة سيارة مليانة شباب اختها بسرعة غطت وجهها اما صاحبتي من الخرعة رفعت قميصها على وجهها وطلعت البلاوي الي تحت ههههههههههههه موقف مارح انساه لها

الموقف الثاني :طلعت عند بنت الجيران اخت ولد الجيران اللي هو اللحين زوجي
المهم قالت تعالي اوريك غرفة اخوي شاري ديوان شعر لخالد عبدالرحمن ويمكن بعضكم يعرف هالديوان اول ديوان له واحنا مسوين دلع ورمنسية ونبي نقرا الديوان
وندخل الغرفة ..الا ويش غرفة موباين لها ملامح من الكركبه اللي فيها
مافي شئ في مكانه
المهم انا جلست اقرا في الديوان وهي قالت بتروح تجيب عصير ونروق
غرفته في جهة الرجال بعد المجلس وله باب منفصل وهي في جهة الحريم وانا في الغرفة وجالسة اقرأ ومندمجة بس مقهورة من الغرفه المهم اسمع صوت احد جاي احسبها هي
طبعا هي مأكدة اخوها يلعب كورة وابوها مستلم مافي اي خوف من اي نوع من الطبات
المهم يوم حسيتها دخلت الا اقولها ايش رايك نظف غرفة الخمة اخوك ترى تقرف وخليه اذا جاء يشوف الفرق




الا اللي يرد يقولي انا عاجبتني كذا
يمه مره ثانية عاد وين اشرد واغطي وجهي بالكتاب واقوله اطلع واصيح على اخته وهو يقول ياسلام غرفتي انتي اطلعي
على فكرة هو كان بالثانوية يعني مو ذاك الكبر وانا ثانيه متوسط يعني مهبل
عاد جات اخته وصاحت عليه وطلعنا من الغرفة واحنا نضحك وهو يهدد لو لقى شي ناقص يذبح اخته ما ادري خايف على سراويله والا فنايلة ..ودايم نضحك على الموقف



عاد ويحصلنا موقف بس المرة ذي مع بعض بعد الزواج وصار عندنا وقتها ولدين وبنت في حديقة الحيوانات انا وياه مسوين رومنسين يدي في يده وحركات مال امها داعي
ونجي عند اللامه والحديقة زحمه ومليانه عرسان وسرى على الحيوانات ماادري ويش يبون فيها وهم ماعندهم عيال
المهم عيالي مع عماتهم يتفرجون واحنا نبي ننافس العرسان وواقفين عند الست لامه وندلع فيها ويازينها وياحلاتها
وتجيك تقرب منا وفمها مليان اكل وهي تقرب وتقرب اللين صار وجهها في وجهي انا وزوجي
ثمن





تعطس... وكل اللي في فمها في وجهي انا وزوجي
الغطوة انعدمت ووجه زوجي انعدم والعرسان الي حولنا فصسوا ضحك وانا وهو
نضحك ونمسح ..ونلقط وجيهنا وندور الحمام نبي نتروش مو نمسح بس
بس بعدين بطلنا رومنسية في حديقة الحيوان
والحيوانات نشوفها من بعيد



لايوقف بنات من جد وناسة انا عاد لي فترة ماضحكت من هموم هالدنيا ومشاكلها ..

انا باختصار موقفي مع اخوي العود لا مو العود الي اصغر بسنة
كنت اصفط الغسيل الايرن جرس الشقة واترك الغسيل واروح افتح الباب
الابنتي كان عمرها ثلث سنين جايه بتسلم على خالها


ولابسة السنتيانه حقتي فوق ملابسها
وانا اشوفها ويجيني ضحك هستيري ماعاد عرفت اتكلم

وهو يضحك بس يبي يغير السالفة
وانا الي ماقدرت
رحت المطبخ اجيب شي يشربه

انا صار لي موقف من نوع ثاني ..هو مايضحك طبعاً هو يخرع.
مره طالعين انا وبنت خالي بنشتري من الكافيتريا اللي جنبنا (كنا ساكنين بشقق مفروشه في ابراج سكنيه )3ابراج والبرج اللي قدام الكافيتريا سكن عزابيه ( علشان الجامعه )
المهم يومها فيه هواء شديد وغريب احسه يطير الشي من تحت لفوق عاد انا لابسه يومها نقاب ومغطيه عيوني والله بالطرحه المهم رحنا اليقاله وجينا راجعين للكافيتريا ونتقابل مع واحد من العزابيه نازل من شققهم بالشارع ..المهم والله ماوصلت بوجهه إلا والطرحه تطير من الهواء .وتبان ذيك العيون وانا اشهق بوجهه من فداحة الموقف واقول لقريبتي بصوت واطي ياويلي هالحين يحسبني قاصده وهي تقول لا لا لا يتهيء لكِ .وندخل الكافيتريا وهي تشتري الا واخينا داخل ورانا ويجلس عالطاوله عاد انا دوروني من الخرعه خلاص ذبت ولمن جينا طالعات طلعت بنت خالي قبلي وكنت لازقه في ظهرها بس واللي ينط بوجهي ويمسك الباب وماد الرقم بيده ..صار هذيك برا وانا داخل الكافيتريا وانا اصرخ لو سمحت لو سمحت واتوعد باصبعي من الخوف ودموعي تنزل ..بعدها قال خلاص خلاص انا اسف فهمتك غلط الله يستر عليك ويوخر يده عن الباب .وارجع البيت وانا اصيح. ما انسى هالموقف ابد مع مر عليه سنيييين (والله لو مكان الشاب يوم طارت الطرحه لااقول قاصده هالبنت) والله كنت متستره بس الهواءكان مرره قوي .

........................................................................................................................
ومره من العجله بالحق اخوي طالع بالسياره لايشرد عني (يقول ماني اخذك السوق)والبس عبايتي بسرعه واخرج الشارع وانا كاشفه وجهي ماغطيته نسيت من العجله. كان فيه شباب بس اشوى بعيد وما انتبهت غير اخي يصارخ بوجهي ياهووووه .
..........................................................
اما دخلتي عالرجاجيل بالمجلس صارت معي مرتين .....

يآحبي لكم

كملوو فديتكم