انفاس الامل :

ههههههه صراحه عليكم مواقف تونس هع هع انا كل مواقف مع ولد عمي وبعمري اتذكر مره قبل اممم 3 سنوات كنت جالسه بغرفة البنات وباب الغرفه فاتح وجهي بالباب لانه ولد عمي ماكان في واتري كان ياخذ دش وانا اهرج الا اشوفه يمشي في الممر قدامي ولبس المنشفه من تحت بس وانا احط ايدي على وجهي واصرخ اقول لااااااااااااا بعدها طالع فيني وابتسم ومشي هههههههههه اخته كانت جالسه مقابلتني ماتدري عن شي حكيتها بعدها جلست تضحك ومره وهذا قبل شهر كنت رايحه عندهم وانا بالدرج هو خارج من الباب الا واقوله واشر بيدي ادخل البيت وراك هو عاد ع طول دخل لا شعوريا صارت الحركه وامممم عا دهو كلم اخته وامي بحكم انها خالته انا يبغاني وحجزني طيب بعدها صار موقف وااا ماانساه ابد تخيلو مره كلنابنات خالاتي وبنات خوالي في بيت جدتي عاد لبسين بجامات وقمصان وكنت لابسه بجاما وشعري كله ملفوف فوق وكنت البس اختي الصغيره صندلها(وانتم بالكرامه) لانه امي وخالتي بيروحون البيت مع ولد عمي الا وهو يسمعني اكلم اختي اقولها يالله بتروحين الملاهي <<نبي ناخذ راحتنا بدون بزارين كان بدرج وانا عند الباب والباب مفتوح الا واشوفه بوجهي ولا كان مدخل اغراض عند الباب حطها عشان مااقدر اسك الباب من الفجعه مارحت وراء الباب قلت لا يشوفني وياخذ راحته بعد وهو اصلا شافتي هههههه تناحه وابغى اسحب الكيس عشان اسكر الباب الا هو مااخذ ايدي و يبوسها دوروني ضعت هههههههه وامممم مره تخيلو بنفس غرفة البنات بس لو انفتح الباب مااحد يشوفني جلست بزاويه طيب وخالتي منسدحه بالارض وبنات خالتي كل وحده ع السرير وحده تبرد اظافرها وحده تهرج معاايا انا وخالتي الا و ولد خالتي هو نفسه ولد عمي دخل و وقف عن الباب يسال خالتي عن ثيابه انا شايفه رجله بي وهو ماايدري انه في احد وخالتي نسيت وتهرج معه وبنت خالتي تنحت مو عارفه تتكلم عاد انا خفت يدخل قلت له وراك لا تدخل انتبه في نااااس ولا بصوت عالي وماخذه راحتي خرج وسك الباب وخالتي تضحك والبنات فاطسين ضحك وجهي حمر بعدها ياكثر المواقف معه لاتذكرتها جيتها بطحتها عندكم هع هع ادعو ان ربي يتمم ملكتنا ع خير ياااااااارب

ههههههه صراحه عليكم مواقف تونس هع هع انا كل مواقف مع ولد عمي وبعمري اتذكر مره قبل اممم 3...

تاجرة من الصين :

مدري يابنات هذي السوالف عيب واحسكم تستانسون لشافكم احد وتسردون السالفه بشكل مضحك واللي تقولي شكلي كذا وكذا يعني لو انتي مرتبه وحاطه مكياج مافيه مشكله ؟؟؟؟؟ الله يهديكم يابناات مو كل شي موقف محرج ويضحك فيه مواقف ماتصلـــــــــح بسبع المذاااااهب استرووو نفسكم الوحده لاتدخل المجلس الاوهي داقه ومتاكده ان مافيه احد واصلا وش جابك لمجلس الرجال اسمه مجلس رجااااااال يعني اعتبري نفسك ضيفه مثلك مثل جارك بهالمجلس لاتدخليه الابدق الباب ثلاث مرات او تتاكدين ان مافيه احد وياحبذا لو تروحين وجلالك معاك لان ماتدرين اخوك والاابوك مدخل عليكم ضيف صح يالغاليااااات واللي عند اهل رجلها المفرووض عباتك على راسك ماتفصخيها الا ببيتك او مجلس الحريم فقط وبشرط يكون المجلس مسكر تماما ومافيه ابواب مشرعه ودرايش شمال ويمين ويسار والادرايش تعكس انتبهو على انفسكم وعلى خواتكم الله يهديكم ويهدينا ويستركم ويسترنا فوق الارض ويوم العرض

مدري يابنات هذي السوالف عيب واحسكم تستانسون لشافكم احد وتسردون السالفه بشكل مضحك واللي تقولي شكلي...