أنا المشكلة كان شعري طويل شوي وزوجي بعد الملكة يحب الشعر الطويل في ليلة عرسنارحنا للفندق في دبي والمسافةمن بيت أهلي للفندق ساعة ونص وصلنا الفندق على أذان الفجرالكوافيرة ما قصرت مثل ماسوت قي الأخوات زادتها حبتين بدبابيس الشعر والمطاطات وزوجي يبغي يصير المساعد مل واحنا ساعة نفتح في الشعر حلف الا اني لما أصحى الصبح أقص شعري ...المشكلة الصبح طلع والشعر لحد الحين فتحنا النص فقط قال لي خلي اللي عملته لج تفتحه الزين اني مسوية شعري عند الصالون في دبي والصباحية يوم الجمعة والصالونات مغلقة لما راح الصلاة جلست بالفندق أفتح شعري شفت بسرعة خلصت خلال خمس دقايق المهم غسلته وسشورته وتمكيجت ولبست ذيك البدلة على أساس بننزل نتغدى لأن المسا طيارتنا بنسافر شهر العسل ولما خلص الصلاة ودخل قال لي ليش مسوية جذي ؟ قلت له كاشخة ومتزينة لك قال لي ما تتزيني حتى تقصين شعرج . سألته اني فتحت شعري بسرعة ليش ما قدرت تفتح شعري قال لي : أصلا ما كنت أعرف كيف يفتحون الدبابيس والمطاطات وما حبيت أخبرج علشان ما تقولين اني غشيم وغبي من أولها .. وبالفعل عالعصرية خذاني للصالون وقصيت شعري وعملت هاي لايت وايد عجبه ويطلبني دايم يقول اصبغي شعرج مثل يوم الصباحية

مشكوووره اختي (الملاك الغريب)...:26:
ماتدرين كيف حسيت اني هديت..لما قريت اللي انتي كتبتي..
الله يسعدك ويهنيك..
مشكوره مره ثانيه..:26:

الحمدلله يوم الزواج عدا على خير

بس الموقف اللي اتذكره للحين انو بايام الملكه كان يكلمني بالتليفون ونجلس نسولف للفجر وانا عندي دوام من الساعه 7الصباح وفي مره نمت وهو يسولف وحلمت وفجاه صرخت مين جاب القدر قال ايش قلت مين جاب القدر وانتبهت وعلى طول عدلت السالفه قلت جالسه اكلم اختي...بس من جد الحين كل ماتذكرتها مت من الضحك

مواقفكم مره حلوه وأنا لما اتزوج حاسه انه بيصيرلي مواقف وراح احكيها لكم خايفه من الحين............

موقف ما انساه علاقتي بخواني مرة قويه امي الله يرحمها متوفية وانا مربيه اخواني المهم اليوم
الثاني من زواجي اشتاقولي وجوني الفندق 4كبار و3صغار علي بالهم مفاجاة حلو وحنا في وضع&&
فكر زوجي الغداء فتح الباب ماعليه الا المنشفه وانصدم دخل عليا البسي اخوانك حسيت الدنيا تدور بيا
كأن الي معاية مو زوجي ارجف ماني عارفة اش البس والبس روب الحمام ماني حاسة بنفسي فانحرجوا
لمن شافوني فاتعذروا بخواني الصغار سلموا وراحو وانا زي الحلم بعد ساعة اطالع في لبسي معاد لي وجة
بعدها اقابلهم ذكري حلوه وسبحان الله قلبي مهاهم ودايم جوالي مااقفلة عشان لو دقوا يلقوني وما يدقوا الا
بوقات مهي مناسبه كانهم عارفين ينقذوني دايم بكي في المكالمات والمسكين زوجي مقهور بس يستحي مني
وانا مااصدق ذكري دايم نذكرها ونضحك