ضحكتوني يابنات الله يقطع بليسكم......
انا في زواجي صار لي اكثر من موقف ماادري تضحك ولا تبكي.....
الموقف#1
ليلة الزواج انا والرجال قاعدين(يازعم منزفين) الا التفت علي وشاف في اسفل ذقني اثار جرح قديم صغير ماااااادري وشلون انتبه له ...تدرون وش قال: تعالي....لايكون هذا بهق.....(ابو الدفاشه)...المهم انا انصدمت وامه الله يرحمها عطته ذيك النظره....بس ماتادب عاد السؤال (وش رايك يعني لو بهق بتقوم وتخليني ):( وتقبصه امه مع رجله.....عاد فهمته الموضوع.
الموقف#2
ثاني يوم واحنا رايحين للفندق الرجال دخل من البوابه وانا على بالي جنتلمان مادريت الا طراااااااااااااااخ صقع الباب بوجهي :06:(ابوها دفااااااااشه) على بالي بيمسك لي الباب
المواقف مع زوجي كثيره اذا اعجبتكم هالمواقف كملت
الصفحة الأخيرة
ويوم زواجي بعد ما صرنا لوحدنا وبعد ما قعدنا وسولفنا وتعشينا اصر زوجي انه يدخلني حجرة النوم محمولة وقام حملني ولسة ماشي الا وانا على الارض وضرب راسي الطاولة(ما تسوى علينا بيحملنا)
والصراحة الضربة كانت قوية حتى عيني دمعت وكان خاطري ابكي بس كسر خاطري
وكان كل كم دقيقة يسالني عن راسي مسكين حاس بذنب
ولما كنت حامل اقول له تعبانة قوم احملني الى السرير اقول ان شاء الله بس لما اذكر الضربة الي حصلتها بليلة عرسي اخاف على روحي وعلى ولدي اقوم ولا اخلية يحملني
ويوم ثاني العرس كنا نايمين متأخرين وكانت التسريحة لسة ما فكيتها (كان واجد مستعجل ما عطاني فرصة افكها)
الا والجرس يضرب كان الساعه 7 الصبح ولما سمعنا الجرس تدودهنا من بجينا هل الوقت وبسرعه رحت الحمام ابدل وزوجي راح يفتح الباب الا وهي عمتي وبناتها جايبين الفطور جاة زوجي يخبرني يقول لي يلى طلعي لهم يبون يباركون ليش قلت لية مستحيل اطلع لهم روح قول لهم اي شي قال لي ليش اتوقعو ليش
رحت الحمام الا والماي مقطوع اشلون اغسل وجهي واسبح (هذي مو وقت يقطعون الماي عنا)
راح زوجي وخبرهم اني لسة نايمة مساكين رجعو بيتهم بعدين بدون ما اطلع لهم
الصراحة مستحيل انسى هذي المواقف ولها ذكرى حلوة عندي
وان شاء الله ما يصير لكم الا صار لي