الحمد لله رب العالمين والصلاة والسلام على اشرف الانبياء والمرسلين
حبيت انو نغير من جو المنتدى شويه ونطلع برا موضوع الحزن والحرمان والاهات ونحكي عن مواقف طريفه حصلت لنا
بس طبعا فين
في اكثر مكان نتواجد فيه غير بيوتنا
7
7
7
7
7
7
7
7
7
7
7
7
7
7
7
7
7
7
7
7
7
7
7
داخل المستفيات ومراكز علاج العقم والعيادات لان احنا طبعا المتأخرين في الحمل اكثر شي نسويه غير اعمالنا المعتاده اليوميه هو التردد على العيادات والاطباء فأكيد انو حصلت مواقف طريفه بالذات اللي يعملو الكشف لاول مره
ورجاء اللي بتتحسس من الموضوع لاترد ويالله خلو روحكم رياضيه واتحفونا بمواقفكم الحلوه وببدا اول وحده فيكم
1- طبعا كان اول هم حملته لما تأخر الانجاب عندي مش زواج زوجي ولا انو العيب يكون عندي الهم الاول كان انه فيه احد بيشوفني وبيكشف عليه وكانت سلفتي دايم تحكيني عن طريقة الكشف وبالذات الفتاحه القرف هذي اللي صارت من اعز اصحابنا والهم الثاني فين احط الاندر وير وفي اول مره اروح لدكتوره بعد الزواج رحت لها والدوره عندي عشان ما تكشف وطبعا ما استفدنا شي بس عشان ارضي زوجي وقدر الله وحملت (ايش رايكم في الاسلوب بس )وحصل نزيف وطبعا اتصلت في الدكتوره على طول قالت لازم تجين عشان اشوف الرحم مفنوح والا لا طبعا ما فهمتها وكنت ساعتها عند اهلي وا سأل امي وعلمتني كيف واشيل نفسي وجري على غرفتنا اشيل منها ذيك المرايه الكبيره وامي ورايه تجري وتسألني ايش تبغين فيها وانا ولا معبره احد ابغى انقذ نفسي ولما اصرت امي قلت لها ابغى اشوف الرحم مفتوح والا لا على بالي يبان بسهوله وتعالو شوفو وجه امي كيف صار ملون وطبعا اخذت مني المرايه واصرت انو اروح للدكتوره
2- الموقف الثاني حصل مع :arb:رحنا للدكتوره وقالت له ابغى اخذ منها عينه من الافرازات لانو عندها التهابات
طبعا حاسب زوجي وراح يصلي المغرب ورجع وانا دوبني خارجه من العياده قلي خلاص نروح قلت له استنى باتوضا واصلي المغرب في استرحة النسا عشان ما يروح عليه الوقت تخيلو ايش قالي :
ليه ما يبغالك ترويش
على باله تحليلنا يالحريم زي تحليلهم الله يعينهم على القرف وبس والله قعدت اضحك مع انه انحرجت
وطبعا لسى المشوار مليء بالمواقف اذا حصل لي شي جديد باحكي لكم