مرة دخلت محل وكان زحمة مرة ومالقيت طريق وفجاءة الهندي يلا برا علشان فية رجال وحرمتة يبون يمشون واقول ها وش تبي واخر شي مشيت

كمان موقف صار لنا مره اخوي جاء ياخذني من الجامعه واطالع الا كيس اسود ورى فوق السياره حق زباله وانتو بكرامه استغربت قلت لاخوي وش ذا كيس الزباله اللي فوق السياره تتمشى فيه والناس يطالعونه وهو رايح وجاي اثاريه كيس زباله نسيه فوق السياره مارماه ويتمشى فيه ..وي وي يافشيلتي وصديقاتي شافوه بعد ههههههه

هههههههههههههه

انا اول كنت مع سلفتي نمشي بناتها و بنتي وبعدين بناتها وبنتي دخلو لعبة وانا كنت واقفة عند السور حق اللعبة
وجالسة افكر و اطالع في خلق ربي و سلفتي راحت وسابتني وجات وقف جنبي حرمة و احسبها سلفتي قمت قلتلها امشي نطبع فوق ناكل والا الحرمة تطالع فيه متعجبة شكلها تقووول وش فيها هاذي هههههههههههه

رفع

مره كنت في السوق انا واختي ودخلنا محل اكسسوارات وجالسه اجرب الخواتم مانتبهت ان اختي بعدت عني شوي قمت سحبت حرمه من عبايتها  وراي اقلها هاه كيف حلو اشتريه والى لا قالت حلو عليك بالعافيه قلت اشفيك صوتك تغير والتفت الى مو اختي اقسم بالله طاح وجهي وتركت الخاتم وطلعت برى المحل واختي تضحك على تراقب الوضع من بعيد