الفتاة المتفائلة :

بنات اقولكن موقف على السريع :D كنت جالسه مع وحدة قريبه لي يصيح وبعدين جاء وكفخها كف على وجهها . وهي ساكته وماقالت له شئ ؟ المهم انا نقهرت بالحيل وقلت لها ليش تخلينه يسوي كذا حتى لوكان صغير لاتسمحين له وضيقت صدرها مرررررررررة , وانا متحمسه اتكلم جت بنتي الملقوفه الله يصلحها وتبي مني شئ انا ماعطيتها وجه وابعدتها عني ودي اكمل كلامي قامت بنتي علشان تلفت نظري كفختني كف على وجهي طبعا كانت اول مرة ولكنها الضربه القاتلة انا انصح الحرمه وطبيت في نفس الموقف , المهم اني لقطت وجهي من الارض وظفيته ورحت جلست بعيد . :icon35:

بنات اقولكن موقف على السريع :D كنت جالسه مع وحدة قريبه لي يصيح وبعدين جاء وكفخها كف على وجهها ....

ألاضواء :

اما عاد انا في الكلام بسوي لي قاموس بالحالي كنت عند اهلي وقلت لاختي يا فلانه روحي جيبي الكنوفه والبسانه <<<<<<< الشاطره الي تفك الشفره والله قاعده اكتب وانا ميته من الضحك والله اني افشل ما هنا قلب مره كنت معزومه عن صديقتي وماكان عندي جوال ولزمت علي اقعد وانا كنت قايله لابو الشباب تعال لي بدري راحت جابت جوالها قالت كلميه لا يجي قلت خلاص دقيتي عليه المره طارت عيونها تحمد ربها تقول وش ذي المهويه قالت يا الاضواء وش يدريني برقمه قلت امزح معك صدقتي تبون بعد والاغثيتكم خذو ها الموقف لولدي الكبير الله يخلي لي ويخليلكم عيالكم وجميع المسلمين لقيته يصيح ويشاهق مع الصياح انا انهبلت ما ادري وش فيه الولد سالته وش فيك تدرون وش فيه قال لي اخاف اضيع يوم القيامه وما القاك يا ماما بيكون فيه ناس كثير رحنا انا وعيالي نزور جدتي ياعمري هي مجهده سوت علئ الغدا مكرونه اسباقيتي لكن كسرتها صغار مره يعني اطول من حبة الرز بشوي قال لها ولدي الكبير يمه ليش الرز كبير عندكم يا عمري وهي ماتدري وش يقول تحسبه يقول زين رزكم قالت له كل وانا امك با العافيه وسلامتكم

اما عاد انا في الكلام بسوي لي قاموس بالحالي كنت عند اهلي وقلت لاختي يا فلانه روحي جيبي الكنوفه...