السلام عليكم
بحكي لكم عن موقف صار لي
اول ماجيت لامريكا وماكنت اتكلم انجليزي صح

كنت بالجامعه عشان كورسات اللغه وذاك اليوم زوجي نزلني بدري وقالي تغدي لوحدك تعرفي تطلبين قلت افا عليك اعرف ونص

وترى ماني متعوده دايم هو اللي يطلب لي

المهم كان صالة ابوفيه مليلالالانه طلاب وطالبات وانا كنت مميزه بينهم بسبب لبسي الاسلامي وطبعا النظرات اغلبها مركزه لي
وكنت جوعانه قلت ماعلي من هالامريكان بروح اطلب وبمشي حالي

المهم رحت لمطعم صوب وي sub way اكيد تعرفونه وتعرفون كيف نظامه
كنت اخر وحده بالطابور وقبلي ناس وهذي نقطه حلوه بالنسبه لي
وفيه ناس جالسين على طاولاتهم بجنبي يعني راح يسمعون لغتي المتكسررررره مررره وحتى مسميات الاكل مااعرفها

المهم وانا واقفه اصبصب عرق وارتجف لاني بموقف لاااحسد عليه مااقدر ارجع خلالاص تدبست والملاقيف يناظرون ذات اللبس الغريب
وادعي على نفسي ياليت الارض تنشق وتاكلني ويمال الحريمه ياريتني مارحت وجالسه دعاء على نفسي
المهم جااااااء دووووووووووووري


قالت لي الموظفه وايت بريد اور نو
يعني خبز ابيض ولا لا
قلت وايت بصوت حزين وبيبكي
قالت هالف
يعني نصها ولا لا
انا هنا الخمت فتحت فمي قلت نو
وتعطيني كامله وانا مااكل الا ربعها كيف كامله
قلت كيفها خليها تمشي الباقي اكله غصب ولا ارميه

المهم تحولت لموظف ثاني قالي تشيكن اور بيف اور بورك عاد بورك انا حافظه اسمه صم غيب يعني خنزير الله يعزكم
قلت نوووو نوووو تشيكن
قال اوكي
قالي اوليف قلت ايه وكل ماقلي شي قلت ايه حتى المخلل مااحبه ووافقت عليه لانه هو يحشي ويقول الاسم يعني ماتشوفين الشي الا بعد مايحشي ويخلص
المهم جتني فكره جهنميه توقعووو وش سويت
















انزلوو














اخذت جوالي وكاني اكلم فيه عشان مايسالني ويورني بس يعني يرفع الطبق ويوريني وانا اهز راسي بس بعد ايش على بالي ذكيه بس على الاقل ساعدت نفسي عن الاحراج

ويشرعلى الطماط واهز راسي وانا على بالي اني مشغوله واكلم تليفووون وكل ماياشر على شي اشوف شكله واعرفه واهزهز راسي وماادري ايش الطبخه تقول شغاله توها جايه ههههههههههه
وعدت على خيررر

وجت الطامه الكبرى
وهي الكاشير
شلون بحاسب وانا فلوسهم مااعرف كيف احسبها خخخخخخخخخخخ بقراطيسي صح بس على فكرة كنت توني جايه ومااعرف لغه ابد

قالي الوظف سقستي اند ايتي ايت انا فتحت فمي
مدري وش يقول
قال سقستي اند ايتي ايت

عاد استوعبت انه يبغى فلوسه هههههههههههههههه
وفتحت محفظتي وطلعت40دولارومعها فكه خمسات وعشرات وسنتات وكل شي وكل اللي بالمحفظه عطيتهياه
قالي نو تشينج قلت نووو
والحساب بخمسه دولار و88 سنت يعني مالي داعي الابعين والفكه اللي معها دولار


المهم عطاني كيس اكلي وعلبه بيبسي فاضيه

الخمت بزياااده
وتذكرت انه لازم اعبي لنفسي الكوك ورحت وعبيته
وحرمت بعدها اجتهد وواعرف مسميات الاكل والحاجات المهمه

واخذتها ورحت بريئه جدااا وماتكلمت ولا قلت شي
ونسيت الباقي عنده بعد ماجلست لحقني وعطاني الباقي شفتو برائتي كيف وامانتهم كيف وقالي انتي عطيتني فلوس زياده وانا اهز راسي مدري ايش السالفه لما رجعت البيت خبر زوجي ووريته الفاتورة ضحك علي ضحك وانا تفشلت تفشيله محترمه


هاه وش رايكم بالموقف

ههههههههههههه

الفتاه المتفائله اما بنتك انواع الفشيلة


الجوررررررررررررري

هههههههههههههههههه

موتيني ضحك اجل صار لك نفس تاكلين

وعبيتي كوك ولا قلتي احسن انا ما ابغى

هلا والله بالجوري من طول الغيبات جاب الغنايم
الحقيقه ان موقفك لاتحسدين عليه و سط زحمة الناس هههههههههههه عموما في ناس كثير وقفوا مواقف شينه في اللغه واعتقد مرت على الكل.


حياك الله يالغاليه وشكرا على حضورك

هلا بالغاليه دريمنق وجودك معنا كله هناء
وبالنسبة لموقف بنتي فشلتني مرة مع ابوها ومرة مع الضيوف
والجاي احلى
وانت يادريمنق ماعندك مواقف محرجة يالله خلينا نستانس ونفرفش

هههههههههههههههههههههههه... الجوررري الله يأخذ إبليسك.. عاد مواقف اللغة كلنا تحصل لنا... بس تصدقين لمن أتذكر هذا الموقف أمووووووت على نفسي ضحك:

مرة دقوا الجامعة على التليفون حقنا ورديت... المهم ما كنت أفهم ولا كلمة الا yes- no و I do not speak English... المهم كان المتصل الصيانة تبع الجامعة سألوا عن أبويه مافهمت قلت اي دونت سبيك إنقليش... وبرضوه مستمر في الكلام... بعدين قفلت السماعة في وجهه... واتبعت هذه السياسة كل ما أحد دق أقفل السماعة طوالي... المهم بعد ما قفلت... الا الباب يدق.. الصيانة وش نسوي احنا نتحجب... ماقدرت أمي وأختي يطلعوا طلعوني أنا فتحت الباب... (( طبعا بابا مش موجود في الجامعة يخلص بعض الأوراق ))... المهم استدعوا باربرا... المسؤولة عن الطلبة الدوليين... وجت سارت تكلمنا بالإشارة... وتقول لأمي وأختي أدخلوا الغرفة وفاطمة تعالي... المهم ما مشى الوضع... استدعوا واحد يمني علشان يترجم... (ههههههههههههههههههههههه)... المهم خرجت وفهمني ليش جايين الصيانة... والحمدلله انحلت...:):):):):):):):):):)


ههههههههههههه... أتمنى أكون شاركتكم بموقف حلو...ههههههههههههه


يالله يابناااااااااااااات اتفاعلوا مع الفتاة المتفائلة... حراااااااااااااااااااام... خلونا نضحك ونونس بعض... يالله عشان خاطر الفتاة المتفائلة...


والسلاااااااااااااااااااااااااااام...

فتاة موقفك يضحك وخاصة الثاني فشيييييييييييييييييله
الله يسعدها ويصلحها وينشأها منشا صدق يااارب هي واخواتها ..امين

جوووووووري
موقفك رهيييييييييييييييب ياحبي لك عاد سب وي مرة وحده!!!
يابنتي سوي بروفه بمطعم سهل بعدين طلعي مواهبك مع سب وي خخخخ ياحبي لك
عاد تصدقي انا اول مرة اشتري من عنده بعد انواع الفشايل
اول شي الخبز مدري عطاني لستة انواع يمكن سته انواع خبز كل واحد له اسم غريب عجيب وقالي اختاري اخترت نوع الوحيد اللي عرفت انطق اسمه وقتها !!
ويوم جا يحط لي الخضار ماكنت اعرف غير اوليف اروح واجي اوقوله حط اوليفز يقوله بصل اقوله اوليفز يقولي تومايتو اقوله اوليفز صارت ساندويتشه تحفه خخخخ
وبالاخير قالي احط لك (باربكيو صوص) وانا هالاشياء ماااااااحبها يعني الكاتشب ومشتقاته ابدا ابدا ماحبه بس مدري تفشلت وهو يعيد الجمله ومافهمتها ...وقلت باربكيو الشغله فيها شوي الظاهر يبي يشوي له الساندويش ولما اقوله يس
تروح سندويتشي وطيييي بالصلصه
بس الحين صرت خبيرة فيه ياحبي لسب وي يجنن


شكرا على مواقفكم الحلوة