مواقف غبيه مستحيل ننساها

السلام عليكم ورحمة الله

موضوع الدوسريه يابنات ذكرني
بموقف غبي غبي غبييييي
سويته


وانا في أولى جامعه تعرفت على بنت
وعلمتني إنها تحب واحد مصري
ممرض في مركز صحي😑

وكانت تسولفلي كيف تقابله
وكيف تسوي خطط عشان
عشان تمرض وتروح للمركز
عشان تشوفه🤧

انهبلت من جرأتها وعدم
خوفها من إن تنكشف
وعدم خوفها من ربي

المهم أنا شلت هم البنت
وليتني ماشلته

قالتلي انه خطبها وعيوا أهلها
وكل ماشفت الحين مقطع
فتون علف في مسلسل الحياله
يوم يجي الصعيدي الي يبيع ببسي
يخطبها وجايب معه فزعة صعايده
أتذكرها وأضحكككك

جا يوم لين البنت معزمه تنحاش معه🤢

انهبلت
يامسلمه وش ذا
كيف كذى
حرام
فضيحه
أهلك
جدك
عمك..

مافيه فايده
البنت مصممه
وعلمتني بخطة النحشه وعرفت انها مصممه

جيت أنا أم الفزعات بساعدها
واقترحت إقتراح غبي أهبل مدري
شيبي
لكن كنت صغيره وأبي أساعد

قلتلها شرايك نتصل في الإفتاء
ونسأل الشيخ
قالت وش نقول؟
قلت بقول صديقتي تحب
واحد وبتنحاش معه
لأن أهلها رفضوا يزوجونها
يجوز ولا لا😫😫😫😫

قالت طيب
اتصلت رد الشيخ أذكر أسمه للحين
قلت ياشيخ صديقتي تحب واحد
وبتنحاش معه يجوز؟

قال وشو!؟؟
بتنحاش
قلت إيه
قال أعوذبالله منكم يا الثنتين وقفل في وجهي

😒😒😌

أنا مدري ليش مهو هي الي كلمته
ليش أنا الي كلمت!

ومدري وش كنت أتوقع بيقول!
بيقول يجوز تنحاش عادي!


عطينا موقف غبي لك🫩