مواقف فضيعه بصالونات التجميل

دايم تصير مواقف بالمشاغل
سواء من الزبائن أو الكوافيرات نفسهم
ألي تبي تأخذ دور ألي قبلها ألي ما عجبتها التسريحه


حتى لاحظت الكوافيرات نفسهم منفسات أحياناً من ضغط الاداره ويحطون حرتهم بزبونه




من المواقف ألي شفتها :
بنوته أعطيها عمر 18 سنه حابه تسوي تسريحه بضفيره ومع خصلات من الأمام وكانت جايه صوره معها توريها العامله سوتها لها وما عجبتها تقول كأنها ضفيرة مدرسه وما راح تدفع قيمتها خلوها تغسل شعرها قبل ما تطلع من المشغل !!


وحده متزوجه وحامل جت تسوي تنظيف بشره ما بقى أحد ما سألته من العاملات وهل يضر أزعجو منها لما ردت عليها وحده من الزبائن أذا كان كيميائي يضر الجنين


حرمه أربعينيه طلبت من العامله تسوي لها بدّي كير ومناكير بدون من تستخدم الحديده للتقشير ومقصات الأظافر فقط مبرد ولون وصنفره للقدمين
هي خايفه من أدواتهم وقالو لها نعقمها بالبخار والمويه الحاره وقبل ما نستخدمها للزبونه نمسحها بالمسحه الطبيه رفضت الحرمه ولما وراحت تسوي الفاتوره أستغربو عاملات البديكير وأنه ما يطلع حلو شغلها
( الأفضل تجيبين معك أدواتك الخاصه بالبدكير أذا مو مطمنه من أدواتهم )




هذي سمعت بها عروس جت للصالون تبي مكياج ماقالت لهم أنها عروس تبي مكياج سهره علشان ما تدفع أكثر سوت لها المكياج لما جتها مكالمه وفضحت نفسها بالكلام وعرفت الكوافيره أنها عروس كبت عليها مويه وخربت المكياج !






مع هالمواقف والخوف من الأمراض والقمل بس ما نقدر نستغني عن الصالونات أحياناً تحب الوحده تروح تغير جو وتستمع وتروق بعيد عن الهموم ومشاكل البيت والدوام