انا مره انا اختي وعمتي رحنا نستلم النتايج عاد انا بالكليه وهن بمدرسه اهليه المهم اول شي رحنا للكليه اخذت نتيجتي والحمدلله نجحت وطلعنا ورحنا لمدرستهم قلت ابنزل معكم مستانسه اني ناجحه ونزلت معهم واخذوا نتايجهم ولبسنا عباياتناومشت عمتي وبعده اختي واخر شي انا وحنا ماشين فجاءه التفت واشوف الشارع واقول غريبه نفس الباب اللي دخلنا معاه واستغربت ليش راحوا من وراء الباب قلت يمكن لها بابين وفجاءه رحت وراهم لقيتهم واقفين ينتضروني اثاريهم مضيعين الباب وجايين ورا الباب ومن الصدمه ماتحركوا وصرنا كانا بطابور عمتي ولازق وجهها بالجدار واختي لازقه فيها وانا وراء اختي بعدين انتبهن ورجعنا وصرت انا بالاول وبعدي اختي وبعدها عمتي ونطلع من وراء الباب ونطلع بالشارع والبنات مستغربين وش مدخلنا وراء الباب خاصه والمكان ضيق

اول موقف صارلي مع زوجي طبعن وقت الملكه عند الشيخ الموقف محرج له

كنت مستحيه والشيخ يسالني انتي موافقه ومن هالكلام وزوجي واقف هو واخوياه الشهود المهم قال الشيخ وين فلان (زوجي) والشيخ يقصدني انا يعني انا اعرف شكله والا لا وقام زوجي فارد عضلاته وينك يقول انا فلان ويلتفت الشيخ عليه ويقول انت وش دخلك انا اتكلم معها هي قم اطلع برا (الشيخ شكله ماتقهوى وقافله معه)

كككككككككككككككككككككككككككككككككككككككككك

الموقف الثاني ليلة زواجنا كنا بالفندق كنت مستحيه ومن هالحركات المهم ماتعشيت معه وانا مييييييييييييته جوع حاولت انام ماقدرت قرص معدتي الجوع وابو الشباب نايم المهم واتسحب زي الحراميه عالثلاجه واسحبلي كتكات واقرم فيه عاد الكتكات مصيبه يطلع صوت لا اكلتيه وماتشوفين الا ابو الشباب ناط من السرير وماسك عقاله وعيونه انواع الغمص يحسب احد داخل غرفتنا وانا هاتك ياصيحه وكل فمي شوكلاته

هاذي بعض من المواقف المضحكه

بعد شهر العسل استقرينا ببيتنا وكنت قبل الزواج ساكنة بمدينة صغيرة
ما بها بيتزا هت ولا اي نوع من البيتزا الكبيرة
كل الموجود اللي بالبقالات بس البيتزا الصغيرة ام 3 ريال اللي قد قاعدة الكاس
والبيتزا الكبيرة ام 5 ريال اللي قد راحة اليد

بعد زواجي جينا للرياض

فكان زوجي طالع العشا وسألني وهو راجع
ايش اجيب معي للعشاء؟؟؟
قلت له بيتزا
قال وسط والا كبيرة؟؟؟
قلت 6 كبار
قال 6 كبار؟؟؟

قلت ايه

قال صادقة؟؟

قلت ايه وش فيك؟؟
قال عندك ضيوف؟؟؟
قلت لا
قال شكلك ما كليتي من شهر؟؟؟
قلت وش فيك انا أشحدك شحادة؟؟؟ يا جيب يا لا تجيب!!!!

قال سميكة والا نحيفة ـرقيقة؟؟؟

قلت سميكة
قال كلهم بالخضار او مشكلين؟
قلت تششكيلة...


وجاء بعد ساعة وهو شايل بيتزا من بيزا هت الكبيرة 6 كراتين يا الله اشوف وجهه!!!!!!!!!!!!!!!!!
فمتتتتتتتتتتتتتتتت من الفشلة

أول مرررة أشوف البيتزا بهالحجم !!!!!!!!!!!!
اعترفت اني ما شفتها قبل!!!!!!!!!

قال عادي نعطي الباقي للعمال اللي يصلون بالمسجد بكره!!!!!!!



الله يسعدك وربي مت عليك من الضحك

بداية زواجنا زوجي نسي انه تزوج وله بيت وروح على بيت اهله وماتذكر الا لما وصل باب بيته اهله
فضحك ورجع على بيتنا

اختي تحكيلي عن بنت صاحبتها تقول اول يوم بزواجها راحو فندق فخم ودخلت البنت تتحمم وبعد ماخلصت شغلت اللي ينشف الجسم وماحطت منشفه على راسها المهم تمسك ملمس شعرها تمام وهو اساسا خشن بس طولت قالت ماني خارجه الا وكأني مستشورته المهم يوم خلصت بنت الحلال راحت شافت نفسها لقيت شعرها منفووووووووووووووش بشكل مخيف
وطولت وزوجها يدق عليها وهي تبكي تقول دق على امي خليها تجي ويحاول فيها اش فيك وهي ومصره على امها وخاف عليها ودق على امها وجات وهي باقي في الحمام ويم شافتها امها انفجعت من كثر شعرها مو منفوووووووش هدتها وخرجتها واستشورتلها وراحت



اما انا مره كنا رايحين المستشفى وقف السياره زوجي ومشى قبلي واحنا قاطعين الشارع إلا وذيك الطيحه قدام كل العالم والله وانا باقي في الارض جالسه اقول وجعلنا من بين ايديهم سدا ومن خلفهم سدا فأغشيناهم فهم لا يبصرون وامشي وهو مايدري عني طبعا انبسطت انه ماشافني واثاري العبايه كلها غبار يعني باين اني طحت يسألني يووووووووووه من أيش هذا
بكل براءه قلت والله العظيم ماأدري وامشي بكل ثقه