في الأسابيع الأولى من زواجي زوجي ملتزم وطلب مني البس غطاء ثقيل وقفاز وشرابات عاد تخيلوا شكلي وأنا كنت متضايقه من هالشئ ماأشووووف ==> الان تعودت عليهم :)
وذاك اليوم قال فيه محاضره بعد المغرب جهزي نفسك ..
رحنا المحاضرة وطلعنا بعد صلاة العشاء عاد تخيلوا ظلام وغطاء ثقيل وقفاز يدين مدري العباية ماسكتها ولا تسحب وراي وحالتي حاله :icon33:لا وكاشخه بكعب ==> عروس بكيفي
المهم وأنا طالعه من الجامع والشارع زحمة حريم ورجال ولما قربت كان فيه رصيف وتحته حفره صغيره مانتبهت لها اصلا ماشفتها زين شفت السيارة ولما وقفت عند باب السياره وزوجي يناظر فيني وفجأة مدري وش اللي صار لكن بثواني استوعبت اني طحت :42:
حسيت بدوخه من الفشله و قمت فجأة وركبت السيارة ولا كأن صاير شي :09:
يسألني زوجي وهو ماسك الضحكة ..
فيك شي ؟
وأنا لا مافيني شي ==> انفخ تذكرت الغطوه والقفاز بغيت اقول كله منك وسكت ..
قال وريني ركبتك ؟
وأنا مااااافيني شي >> وطول الطريق ماسكه نفسي فيني ألم فضيع وصيحة ..
لما وصلت البيت إلا العباية بيضاء والركبة صايره ركبتين ورمت والدم للركب اقصد الركبة كلها دم وزوجي امشي اوديك المستشفى وأنا وراسي وألف سيف ماأروح ومصممة مافيني شي ==> مدري وش احس
المهم عقبها بفترة زوجي يعلق يقول كل اللي اذكره كنتي بتركبين وفجأه اختفيتي ==> حلوه اختفيتي
وسلامتكم
ربي يسعدكم