ننة الكتكوتة :

الله يسعدنا اجمعين لكن انا موقفي محزن الله لايكتبو على اي احد لمن حسيت بالم الولادة رحت المستشفى ولمن كشفت علي الدكتورة قالتلي الجنين اتوفى (طبعا انا عارفة انو مريض ومشوه) في البداية كنت حزينة لكن قلت الحمدلله وكان الوقت ظهر وكان فاتح الرحم 4سم المهم على العشاء فتح 5 سم وحجزوني فوق ومارضيو ينزلوني عند زوجي واهلي لاني ولدت في مستشفى الولادة في جدة والسبب ان الدكاترة قالولي انو الطفل اذا اتولد يحتاج للعناية المركزة والليلة الواحدة تكلف 4200ريال ، المهم طلعوني لحالي وحطوني في كشك الولادة وانا بكرية وسامعة اللي جنبي تصيح المهم مرة خفت وبعد شوي بدأ معايا الم خيالي وحيت اني ضعيفة وحزينة ومالي الا الله وجلست ابكي بكاء خيالي لاني بالرغم من المي كان نفسي افرح بولدي زي بقية الناس لكن الحمدلله على كل حال ، بالاضافة انو الممرضات كانو غير حنونات وخياطتهم زي البلى والادهى والامر انو الحريم مساكين بيولدو ووالله الدكتورة ماكلفت نفسها انها تمر تشوفنا لكن حسبي الله ونعم الوكيل واكثر مااحزنني اننا بعد ماولدنا حطونا في غرفة مع بعض عشان حضرة الدكتورة تجي وتشوف الخياطة طيبة ولا لا طبعا كل وحدة جابولها ولدها عشان ترضعو الاانا والكل يسألني فين ولدك الحمدلله على كل حال طبعا هذا كان في يوم 13/ 4/ 1423 المهم مشيت الايام وانا اليوم الحمدلله حامل في الاسبوع 18 وادعو لي يااخواتي انو ربي يعوضني خير ويبلغني رؤية ولدي في اتم صحة وعافية واتم خلق وخُلق ويفرحني بشوفته ويجعل قرة عين لنا آمين لاتنسوني من دعواتكم

الله يسعدنا اجمعين لكن انا موقفي محزن الله لايكتبو على اي احد لمن حسيت بالم الولادة رحت المستشفى...