xxxxxxxx


الحمدلله على سلامتك ... و مبرروووك ماجاك ... :)

ما شاء الله على مواقفكم صج حلووووووووووه ....

انا اذكر وانا توني ما صار لي متزوجة شهرين حملت وطرحت عااااد الدكتورة قالت لازم نعمل لها عملية تنظيف للرحم ......... وخبركم اخويتكم الله يعطينا الصحة وياكم اول مرة تدخل غرفة عمليات ولا اعرف شنهو تخدير وخلافه .... المهم بالغرفة عطوني ابرة تخدير مخففه ونزلوني للعمليات والمرافقين اللي معي زوجي واختي الله لا يخليني منهم .. زوجي يقول لاختي . .. ايه شكل فلانه راحت بسابع نومه .. كان مفتكر اني تخدرت خلاص فقمت رفعت راسي له وقلت لا يا عيوني اسمعكم عدل بس اني خايفة عشان كذا انا صاخه ... المهم دخلت العمليات ولو تحسون بالقشعريره اللي حسيتها جاني دكتور التخدير ودكتور لتخطيط القلب وممرضة وكلن يشوف شغلة ودكتور التخدير عطاني البنج الكمام الاسود ما اعرف اسمة وهو يسولف فانا من الحيا اللي جاني غمضت عيني ويا ويلي على اللي صار الممرضة المقرودة ما صدقت شافتني غمضت الا وحاطة يدها على الغطا اللي علي وترفعة من تحت ..... لكن حركتي السريعة اذهلتهم خلتها الفقيرة تتجمد في مكانها كأنها كانت تشرح ميت وفجأه رفع راسة .... الا والدكتور يقول لا دا لسه ما اتخدرتش ويحط الكمام عدل وبنرة حزم يقول خذي نفس جامد هو قال جذية وانا سمعا وطاعة ما حسيت بعمري الا بغرفة النقاهه ... بس فعلا كان احراج وموقف ما اقدر انساه .... اما مواقف الولادة فهي مواقف متعبة وماكان فيها شي يضحك فعشان كذا ما راح اذكرها ... على العموم ادعوا لي ان الله يسهل علي ولادتي المتوقع لها بداية ابريل .........

يارب يجي اليوم اللي اكتب لكم فيه قصتي
والله يسهل عليكم ويعينكم قصص صديقاتي بالولاده مره تضحك بس احس انها حقوق شخصيه لازم استشيرهم قبل اكتب لكم

الحمد لله على عطائه لنا
زين انك كنتي منتبهه لجنس الطفل
لاني مره وحده كتبت تجربتها تقول انها جابت ولد واخذوة الحظانه ووباليل جابو لها بنت وحاطين اسم الام على سوار البنت
وقالت لهم الام انها جابت ولد مو بنت وجا زوجها وراح للمساول عن الحضانه
وبالاخير طلع ان طلفها في الغرفه اللي جنبها مع ام البنت اللي جابوها لها

الله يقومك بسلامه ويرزقك بولد صالح يارب
مع ان البنات يهبلووووووووووون :icon28:

السلام عليكم ورحمة الله وبركاته
حبيباتي الله يسهل أموركم ويقومكم بالسلامة ويقر عيونكم بمواليدكم والحمدلله على السلامة يا نوران والله يحفظك ويحفظ عرايسك يا رب.
أنا الموقف اللي صار لي في بكري، ما أدري إذا هو يضحك أو لا، بس كان محرج بالنسبة لي. يوم وصل الطلق حده كانت الساعة سبعة المساء وكان تغيير شيفت الممرضات، الممرضات اللي قبل ما قصروا لبسوني وهيأوني للولادة ونيموني على السرير، تدرون النومة إياها والرجول معلقة كنا خرفان، ويجون الممرضات الجدد، توهم شايفين بعض ويسلمون على بعض ويبوسون بعض ويسولفون وفلانة وعلانة والدكتورة هذه شرت شقة جديدة لازم نروح نبارك لها، وكل هذا كلهم والله يا بنات تاركين كل الغرفة وواقفين جدامي، جدام السرير وأنا مستحية مرة والموقف بايخ ورجولي معلقة والمكان بحري خالص، ومن الحيا (بكرية الأخت) مو قادرة أقول لهم يوخرون. الله لا يحط أحد في مثل هذا الموقف أبداً.