مواقف محرجة جدا

مرحبا ام ليانه حبيبتي مشكوره على طرحك

أنا أذكر مرره كنت رايحه الدانوب وتقضيت يوم خلصت رحت أحاسب وبوكي ماكان فيه الا عشره وميتين طبعا اكيد خرابيطي اللي انا شاريتها فوق العشره بكثير يعني من المفترض اني امد للكاشير الميتين اختكم في الله فصلت عندها اسلاك الذكاء وسيطرة حاله من التتنيح ومدت العشره ومرتكزه لها عشر دقايق تحتريه يرد الباقي لها وهو متنح بوجهي وانا اتصبر اقول بكيفه بنتظره يرجع فلوسي واهاوشه ليش مبحلق مادريت الا انتبهت ليده وهو مادها الى الحين من بعد مااخذ الفلوس وهو متنح بالعشره ويوم شفت يده والعشره فيها واضيع بهدومي من الفشله والله اني بغيت اصيح من الفشله واطلع الميتين واعطيه اياها واقوله والله اني اسفه من الروعه وهو ميت ضحك علي عرف اني انسانه ميؤوس من مخها الله يخلف ؛؛

وفيه موقف ثاني الله لا يعيده

ذاك اليوم راكبة راسي عند الوالد مير ابي اروح اشتري هديه للوالده جوال ولي شهر وانا احن على راسه يوم جا ذاك اليوم ويمل مني ويقول يالله نروح نشتريلها واطير معه واركب السياره وطول ماحنا بالسياره وانا راكبة راسي ابي انا اللي اشتري الجوال وهو يقول انا اللي بشتريه لها هديه ومير اقواه واركب راسي واقول ابد مايشتريه الا انا واقوله وقفني عند الصراف يوم وقفني وانزل وادخل بطاقتي المصونه ويجيني ادخل الرقم السري وامد يدي ومير ابدخل ولا اقدر ابذكر الرقم والله ولااذكر ولا رقم واحد حتى واحاول يمين يسار فوق تحت مافيه امل انمسح من الذاكره واطلع لابوي ووجهي متقطع قلت يبه والله اني نسيت رقم بطاقتي ويضحك علي قال خلاص يالله اركبي ربي كاتب اني انا اللي اشتريه واركب وانا ضايقة بي الوسيعه ونروح ويشتري الجهاز وحنا راجعين وهو ماغير يقط علي يقول خلاص اذكري الرقم الحين مانيب ماخذ منك فلوس بس اذكريه وانا والله ودي اصيح والى يومكم هذا ماذكرت الرقم على اني كنت حافظته مثل اسمي بس ماادري وش جاني والبلا انها بطاقة الجامعه يعني بحوس بعمري صحباتي يقولون لازم تروحين للجامعه ويطلعون لك بدل فاقد بعد شهر الله يعيني يارب ويرد لي ذاكرتي ياااااارب ..

وبس

أن كنت مشتريه دولاب جديد للملابس واخترت بعناية فائقة يكون في درج من جوه بمفتاح عشان أدخل فيه أشيائي لخاصة الموهم أول ماراح العامل جبت ملابسي ووري خواتي الدولاب عجبهم قالوا أحسن شئ الدرج الصغير عشان تدخلين جوته الفوط وأمواس الحلاقة ودخلتها وماقفلت إلا وأخوي أغر مني بسنه جاي يقول الله حلو هذا الدرج يصلح للفلوس ويفتحه عاد دوريني ضعت بين ملابسي

هههههههههه قصصكم حلووه...اغلبكم زيي<<<في الاختصااار

مشكوره على الموضوع

هههههههه

مايحضرني شي ,,,,

أهلين حبيباتي:
أنا مره طالعه مشوار لما خلصت جاء أخوي ياخذني أناأمشي بركب السياره وإلا أخوي يأشرلي على وراء أنا ركبت وراء لمن ناظرت إلا معاه أخوي الثاني طبعا من العجله بي سلمت ثم قلت أهلين عبد الله أقصد الي راكب معنا على بالي إنه أخوي طبعا أخوي الي جاي ياخذني قالي هذا مو عبد الله؟؟؟والفاجعه لما نزلت من السياره وكلم أخوي ليه ماقلي إنه معاه خويه لأنه لما يكون معاه أحد يخبرن إلا ذاك اليوم ماقالي ؟؟؟؟ المهم الفجعه كااااااااان إسمه نفس أخوي (عبدالله)؟؟؟
والله يستر.............