هلا والله بنوشه

تو ما نور المنتدى

وينك غاطسه فيه

الله يصلحج على هالذكريات الي تضيق الصدر هذا الموقف صار فيني شخصيا والي تعرفني لا تقعد تقول السالفه عند فلانه وعلانه ،،،، الله يسلمكم انا عروس ونازله من الدرج زافيني على زفه احلام اول ما طلعت وكنت مو راضيه كنت ابي انزل على كاظم الساهر امي تموت منه تكرهه كره العما قالتلي اذا حطيتيه ما اجي العرس استسلمت للامر الواقع ورضيت باحلام وانا كارهتها بس شسوي حكم القوي ،،، لا بعد زافني اخوي الله يوفقه يا رب ويصلحه وارقص بعرسه ان شاء الله ،،، عاد انا كنت متأخره بالصالون والناس راح تطلع وانا بعدني وكنت متفقه مع زوجي انه يجي اصور معاه قبل ما يزفوني وهم قالتلي امي ماكو تصوير الحين روحي نزلي قبل ما الناس تطلع وبعدين صوري ،، عاد انا عصبت وزعلت وزوجي قاعد ينطرني بصاله الرجال ويا ابوي واعمي وكل شوي يدقون على يالله متى تخلصون قمت لبست بسرعه وما رضيت احد يدخل معاي يلبسني واطلع وانا بوزي شبرين ومعصبه وعيوني حمر ،،، وطاح سواري وقعدت ادوره يمه هذاك اليوم ام التوتر فيني ،، وصلت الى المنصه اقصد اول الدرج وعبدالله ماسك ايدي ينزلني يا قليبي واحلامو تغني وانا ميته من القهر من الاغنيه الخايسه الي نازله عليها ،،،، واحس ان الجو حر بموت من الحر قمت اعرق شالسالفه احراج والا مستحى مو بالعاده انا مو من النوع الى يستحي ويخجل قطعت ثلاث ارباع الدرج والا اذكر شي بغا يوقف قلبي منه تمنيت الزمن يعود خمس دقايق والا الارض تنشق وتبلعني والا اني ارجع اصعد الدرج تذكرت اني لابسه البنطرون وناسيه افصخه عقب ما بدلت يما لو تشوفون الموقف عاد انا بالصالون لبست الكورسيه عشان اختصر على نفسي الوقت عشان من اوصل الصاله افصخ البلوز والبنطرون والبس الفستان على طول وانا لبسته بعد قبل التسريحه عشان ما تخرب ،،،،، والله لو كنت ذابحتني ما كان نزل منى نقطه دم من الاحراج طيب شاسوي يا ربي خاف يبين المصوره الله يهديها تسحب بالفستان وانا اقولها لا تسحبينه شافت البنطرون وقالتلي اي هو انت بردانه والا حاجه مالك لبسه بنطلون ناديت اختي وهذا كله انا بالزفه يعني مفروض ابتسم قلت لها الحقيني نسيت افصخ البنطرون طقت على صدرها وقالتلي مالج شغل ندبرها يوم وصلت الكوشه تحاوطوني خواتي وبنات عمي وغطوني وانزلت وحده من بنات عمي دخلت داخل الفسنتان وجفست البنطرون وصلته الين فخذي والله اني ما استانست كل الوقت وانا افكر بالبنطرون اصعب موقف مر بحياتي هذا الموقف

سبحان الله وبحمده سبحان الله العظيم

وانتي بالف خير

رفع