آآآه اقشعر جسمي من مواقفكم
خاصه الي ماتت اختها وهي ماسكه يده دمعت عيوني وصاحبه الموضوع الي سكرت الباب في وجهك
عندي موقف صعب صار لختي واناانقذتها وربي ستر علينا

كملو

للرفع
موضوع حلو ومسلي وين المشاركات

اي حلو ومسلي الله يهداك هذي مواقف سببت لاصحابها ازمات نفسيه وانا من ضمنهم :(


صارت لي سالفه وكان عمري 7 سنوات كنت جالسه مع 2 من اخواني اصغر مني عند باب البيت

المهم جاء واحد ووقف قدام البيت وجلس يحاول يكلمني وش اسمك وكم عمرك والخ

وانا ساكته وخايفه اني اقوم ويمسكني مع انه كان بوسط سيارته بس كان قريب لو يمد يده يقدر يمسكني

وانا رحت تمسكت بايدين اخواني وابي اقوم وماقدرت من الخوف

شوي ويطلع ريال من جيبه ويمده لي ويقول خذيه وانا كنت اقول لا ماابيه وهو خذيه وانا لا

راح مده لاخوي الصغير واخوي كان تحت الاربع سنوات وبكل براءه اخذه

وراح يطلع ريال ثاني ويحاول اني اخذه وانا ارفض

مدري كيف قمت بسرعه واشد يدين اخواني وادخلهم واسكر الباب بكل قوتي وانا ارتعش من الخوف

بعد تقريبا يومين كنت طالعه مع اختي من المدرسه راجعين للبيت الا واشوفه يمشي بسيارته وانا بموووووووت من الخوف واعلم اختي كانت اكبر مني بسنتين ورحنا تخبينا وراء سياره والحمدالله انه مانتبه لنا وراح ورحنا نرررركض ركض على البيت وانا كنت ابكي من الخوف

حسبي الله ونعم الوكيل فيه

هالسالفه صار عليها اكثر من 15 سنه ومازلت اشوفها قدام عيني ماقدررت انساها :(

وفيه سالفه ثانيه


بعد شهور من سالفه راعي السياره ومحاولته خطفي
تهاوشت مع اختي اللي اكبر مني بسنتين مدري وش كان عليها خخخخخخخخخ

عاد هي اكبر مني وتقدر علي ولما تضربني توجعني وكنت انا اهرب منها وطلعت براا ع الشارع على بالي بتلحقني وبارجع ادخل اروح لماما تنقذني منها لكن للاسف ماصار اللي على بالي انا طلعت من هنا وهي قفلت الباب من هنا

طبعا انا صرت برا بالشارع لوحدي وكان وقت صلاه العشاء والشارع كان فاضي وكنت اضرب بالباب افتحي وهي تقول لا حرامي تعال خذها شوفو اللعينه وانا مصدقتها وابكي هههههههه تفكير طفله

المهم يمر هندي مدري بنقالي ويوقف وينزل بنطلونه واااااي قليل ادب تخيلوا الموقف لحالي بالشارع مع هالمتخلف العريان وانا اللي اصارخ افتحي الباب بكل قوتي وهي لا وانادي على ماما ماما وابكي وهالحيوان واقف يلعب بـ .... حسبي الله عليه

وربي رحمني الا جارنا جاي الا هالحيوان يرفع بنطلونه ع طول ويمشي كانه ماعمل شئ وعلى صراخي تجي امي وتفتح الباب وارتمي بحضنها وابكي واشتم في اختي واقول لامي السالفه امي ضربت اختي تستاهل ماجاها :mad:
بس موقفين صعبات جدا بعمر 7 سنوات

يارب تحفظنا من كل شر ومكروه