مواقف مرعبة ..!! شاركوووونا

السلام عليكم ،، كيف حالكم يا اخواتي ؟؟ ان شاءالله بخير
ودي تشاركوني بمواقفكم المرعبة فقط (( المرعبة )) ...!!
سواء كانت مع .... الجن .... ( الله يقاصرنا ويقاصرهم بالإحسان )
او موقف مرعب حصل لك ومازلتي تتذكرينه من الخوف ،،
المهم يكوووون مرعب لأبعد حد ،، والأخوات الخوافات يطلعون الله لايهينهم دون كتابة ردود مالها داعي ،، لأن الموضوع للتغيير فقط / مع اني اول الخوافات :hahaha: : بس ودي نغير من المواضيع المضحكه ::
اخواتي وعزيزاتي المشرفات ،، لاتنقلون الموضوع لأن هذا اكثر قسم يدخلونه عضواتنا الحلوات ،،
ابدأ أنا بمواقفي ::
(((( 1 ))))
في يوم من الأيام واذكر انه كان الأربعاء المهم كانت الساعه 1 الليل ،، نزلت أنا وبنتي للمطبخ وجلسنا نسولف
شوي الا نسمع صوت صراخ : مدااااام ،، مداااااام وقامت تنادي اسم بنتي ، أنا خفت مره على بالي الشغاله جاها شي ولا انفجر عليها المكيف قامت بنتي تركض لغرفتها فوق وطقت عليها الباب والشغاله فتحت وهي نصها نايم ومستغربه في نفس الوقت لأن ماقد طقينا عليها الباب في هالوقت أبدا ، وسألناها فيها شي ؟ قالت لا وقلنا انتي الي كنت تصارخين ؟ قالت أنا اصلا في نوم من زمان ،، بسم الله الرحمن الرحيم نفس الصوت وتنادي بأسم بنتي !!! الله يحفظنا

((( 2 )))
في يوم من الايام وكان العصر ، نزلت الشغاله من فوق وهي تركض تقول مدام انتي في نادي أنا ؟
قلت لا ، قالت والله نفس صوت انتي ،، وداااايم تقول أنا اسمع نفس اصواتكم تناديني واذا نزلت ما القى احد بسم الله :06: ،، الله يحفظنا يارب


((( 3 )))
قبل كم سنه ، كانت بنتي الثانيه عمرها سنه ونص ، المهم طلع زوجي لمشوار بعيد وماباقي في البيت الا أنا وولدي صغير في الابتدائي وبنتي 5 سنوات وبنتي الثانيه سنه ونص ,, اذكر كنا نشوف الأخبار وكانت بنتي الصغيرة تلعب على المركى شوي الا طاحت على راسها وتحت فمها انشق وقام يصب دم كثييييير وبنتي تصيح وأبوها بعيد مادري وش اسوي ؟ خفت عليها كانت تصيح والدم يصب ، فجأة الله الهمني اني البس عبايتي ورحت مع عيالي امشي للمستشفى الي جنبنا والحمدلله خيطوها والى الحين باقي الأثر بس طالعه حلوه كنها غمازه :p

يلا ياحلوين جاء دوركم ،، اتحفونا بمواقفكم ،، ورجاء ياحلوين الي ماعندها موقف ترفع الموضوع بذكر لله
انتظركم لاتخيبون ظني فيكم ،،


سبحان الله وبحمده سبحان الله العظيم