مواقف مضحكة أثناء ولادتي

بسم الله الرحمن الرحيم
السلام عليكم ورحمة الله وبركاته...
قصة ولادتي
أنا قصة ولادتي مضحكة .:hahaha: ..أنا ولدت في أول أسبوع في الثامن وكانت ليلة العيد وكانت محدده ولادتي 20 القعدة ..
وأنا طول فترة الحمل كان يجيني نزيف وفي الشهرالسادس صارت تنزل عليه مويات بس قليلة وبداية الشهر السابع كان
يجيني طلق ويروح وكنت أروح المستشفى وكانوا يعطوني حبوب تثبيت ويقلولي لازم الراحة التامة..ولكن أختكم في الله
تسمع من دي الإذن وتخرج من الإذن الثانيه :30: وكنت أروح وأجي وأشيل أشياء ثقيلة وأنظف البيت وأزحف الكنب والطاولات ولا كأنو
حامل.:eek:
وعلى فكره أنا ماحملت إلا بعد تسعة شهور من زواجي وكانت طول تل كالفترة علاجات ومنشطات والحمد لله....
معليش كتبت لكم قصة حياتي بس أبغا أوصف وحكي بالظبط...:biggthump
يوم 28 رمضان كان عندي ضيوف يتسحروالمهم كنت رايحه وجيه واشيل الصحون وكانت ثقيلة بس كنت أطنش أبغا
ابيض الوجه وأسوي كل شي على سواتة....وبعد ماخرجو تقريبا 3,5 الفجرقعت أنظف وأرجع كل شئ محلة:3_13_12: وأذن الفجر وصليت وبعد كدة كملت للساعة 6 تقريبا
وبعدين نمت طبعا مع التعب نمت لحد آذان المغرب أستغفرو الله العظيم راحت علية الصلاة لكن غصب عني مني قادرة أقوم من التعب وبعدين فكيت ريقي بمويه وتمر
وصليت كل الصلوات وبعدين كملت فطوري وعلى فكره فطوري سوه لي أهل زوجي هم ساكنين فوقي...وبعد الفطور جلست منسدحة على الكنبة لحد آذان العشاء
وبعد الصلاه كنا نستنا يا صلاة التراويح أوالعيد ،وطلع العيد ..طبعا فرحنا أنا وزوجي وفجأه تذكرت إني ما أشتريت هداية العيد لأخواتي الصغار فقلت لزوجي
خلينا نروح بسرعة أشتري لأخواتي قبل لا تنزحم الدنيا فقلي ياللا قومي ألبسي وفي قومتي حسيت في مويه نازله شويه فقلت لزوجي في مويه نازلة....فقي خلاص بلاشي سوق ،وعشان أبغى أروح السوق قلتله لا أمزح معاك مافي شئ :22: وبعدين ولا خطواتين إلا كأنو جالون ماء ينسكب فأنا ذيك اللحظة خفت وأتصلت على أمي
قالتلي روحي المستشفى بسرعة، وبسرعه بسرعه غيرت ولبست ورحت عل المستشفى وطبعا أنا مررررررره مو في بالي ولادة أحسب زي كل مره يقولولي أرتاحي ومن دا الكلام...وزوجي طول الطريق يقولي شوفي إمكن تكون المويه حقت الجنين نزلت وإمكن يسولك قيصري لا تخافي ....وأنا أقله لسه دوبي دخلت الثامن
مولادة ولا شئ.....ولمن وصلت المستشفى كشفت الدكتوره عليا بلجهازعلى بطني قالت المويه مررره قليلة خليني أكشف من تحت وكشفت وطلعة الصدمة الكبرى بالنسبة لية وللدكتورة الرحم مفتوح................................................................









































9سم
قالت يلا ولادة الراس حينزل..
فذلك الوقت صرت أبكي وأقو لزوجي ماأبغى أولد ودييني البيت الله يخليك ترى هما حيلعبو افية أنا لسه مو شهري وابكي وابكي........:icon33: :icon33: .
زوجي صار يقولي طيب خلاص حنروح البيت وهو بس بيسكتني قاعد يكبت إجراءات دخول غرفةالولادة...
وبعدين ماأشوف غير طالعين المصعد وبعد ماينفك بابة ألاقي مكتوب لوحة كبيرة قدامي غرفة الولادة...قعت أبكي ومني راضية أدخل وصارت الممرضات يدخلوني بالقوة..على فكرة(كنت جالسة على كرسي هم يدفوني)وبس دخلت وطبغا ممنوع احد يدخل وأمي لسةماجات وبعدين جلسوني على سرير الولادة وأنا أبكي ما أبغى
فربطو يديني ورجولي علشان ما أتحرك,أعطوني كمامة....وثواني صرت أحس بمغص شديد صرت أزههم فجات الدكتوره فقالت يلا دفي أيوه كمان كمان
والحمد لله ولت بالسلامة وكان أكتر شئ ألمني في الولادة هو خروج الراس....


جبت بنوته كان وزنها 1700غرام مرررررررره صغيرة..:04:


وقالو لي الدكاترة في الحمل الجاي لازم أربط الرحم في الشهر الثلث وأفكو في التاسع لأن رحمي ضعيف مايستحمل الجنين وهذا سبب الولادة المبكرة وسبب النزيف اللذي أستمر معايا طول فترة الحمل.والحمد لله على كل حال.
تلخيص:
كنت خايفة من الولادةوما أبغى أولد لأسباب:
كنت أحسبهم حيلعبو فيه..لأني سمعت كثير عن قصص الولادة ومافيها من رعب..
وهذا أهم سبب إني ما كنت أحس بألم إطلاقا فكنت أقول كيف ولادة وأنا مني حاسة بشي .. وبسسسسسسسسسسسسسسس
وأخير شكرا لكم لقراءت قصتي وأسفه على الإطالة ..

والحمد لله وحده أنو كانت ولادتي مرررررررررره ميسره الحمد لله.