لا يمكنك مشاهدة هذا التعليق لانتهاكه شروط الاستخدام.
الله يسعدك قسم يأني ضحكت الي بيشوفني يقول مجنونه تضحك وحدها:22:
أنا بولادتي الاولى حريصه على الستر وقبل تبدأ الطلوق والسوالف كنت مهتمه بنقابي لايضيع يوم جاء وقت الجد وطلعت عيني على ما ولدت قالت لي الممرضة يالله قومي من الكشك والبسي لبس جديد وتعطيني اللبس وتوقف قدام غرفه قصدها أني ادخل وأغير فيها وانا كنت دايخه ومنسطله وانا افصخ الروب اللي علي بمكاني والباب كان مفتوح والدنيا مشرعه ما استوعبت الموقف الا يوم ودوني للغرفه عاد هاك اللحظه رحت أدور نقابي وقشي . الموقف الثاني يوم جننوني بغرفة الطلوق حسبي الله عليهن عطوني طلق صناعي وانا مااحتاج المهم جاء وقت الولاده قالت قومي روحي الكشك بسرعه بسرعه يوم وقفت من السرير رحت اهرول للكشك والموية تنكب وأقول لها يعععع خلي احد يجي ينظف قالت خليك من التنظيف انتي أبلشي بنفسك الحين . وبولادتي الثانيه رحت لخاص وكانت ارحم بكثيييير وحاطين لي كمام مخدر وهي تخيطني قمت اهذري عليها اقول لها انتم أحسن من مستشفى الملك خالد بعدين قلت انتم خطيرين والدكتورة تضحك قالت ايوه ايوه احكي ليه حنا أحسن قلت بس بكيفي لاعتبارات شخصيه خاصه فيني . ولما رحت لهم بالثاني ماعلمت أمي طلعت وخليت بنتي عندها وخفت تدري أني هجيت وانا ماولدت اول ما كشفت علي الدكتورة قالت ايه ده ولاده على طول فاتح ٨ سم قلت أنا كم يبي لي على ما أولد؟ قالت يادوب نلحق فيك لغرفة الولاده قلت اشوى اشوى يمديني أولد قبل تقوم أمي والدكتورة تناظرني بطرف عين تقول وش هالمهبولة .أنا بولادتي الاولى حريصه على الستر وقبل تبدأ الطلوق والسوالف كنت مهتمه بنقابي لايضيع يوم جاء وقت...
هههههههههههههه
انا حصل معي موقف لا احسد عليه صراحه لمن جاتني الولاده رحت المستشفى وولدت بالطواري انفصلت عندي المشيمه وعلى حظي السيئ مافيه مناوب غير دكتور سعودي مافيه دكتوره المهم جبت بنت ميته فطلب الدكتور زوجي لمن دخل زوجي صار يناظر فيني وياشر يعني تغطي وانا نفسيتي دمار ومصدمومه من الخبر وهو مو مركز مع الدكتور باله بس ليش ماتتغطين من الرجال المهم قرب مني وغطاني وبعين بدا يتكلم مع الدكتور
الصفحة الأخيرة
الموقف الثاني يوم جننوني بغرفة الطلوق حسبي الله عليهن عطوني طلق صناعي وانا مااحتاج المهم جاء وقت الولاده قالت قومي روحي الكشك بسرعه بسرعه يوم وقفت من السرير رحت اهرول للكشك والموية تنكب وأقول لها يعععع خلي احد يجي ينظف قالت خليك من التنظيف انتي أبلشي بنفسك الحين .
وبولادتي الثانيه رحت لخاص وكانت ارحم بكثيييير وحاطين لي كمام مخدر وهي تخيطني قمت اهذري عليها اقول لها انتم أحسن من مستشفى الملك خالد بعدين قلت انتم خطيرين والدكتورة تضحك قالت ايوه ايوه احكي ليه حنا أحسن قلت بس بكيفي لاعتبارات شخصيه خاصه فيني .
ولما رحت لهم بالثاني ماعلمت أمي طلعت وخليت بنتي عندها وخفت تدري أني هجيت وانا ماولدت اول ما كشفت علي الدكتورة قالت ايه ده ولاده على طول فاتح ٨ سم قلت أنا كم يبي لي على ما أولد؟ قالت يادوب نلحق فيك لغرفة الولاده قلت اشوى اشوى يمديني أولد قبل تقوم أمي والدكتورة تناظرني بطرف عين تقول وش هالمهبولة .