مرحبا ياحلوات
ابدخل لكم بالموضوع على طوول
طبعا لكل وحده مخطوبه او متزوجه اقول لهــم الله يتمم عليهم ويرزقهم بالــذريه الصالحه ..آميــن..
اكيد كل وحده صار لها بيوم فرحها شي خرب زواجها ولكن مر بسلام بعد الترقيعات طبعــأّ...وموقف محرج قدام زوجها بأول ليله لها معه:hahaha:
انا من ناحيتي مرت علي اشيا ء كثيره طبعا بيوم زواجي مانمت من التفكير كيف راح تصير الترتيبات وكيف راح يكون الزواج ومن اللي بيرقص وكيف شكلي وانا انزف و...و... الخ
المهم طلعنا الظهر من البيت مع عمتي وبناتها طبعا مرصوصيين بالسياره تقول بضاعه محمله خخخ
وصلنا القاعه الساعه تقريبا 2 ونص الظهرعلى طووووول دغري ابي اشوف التزيين حق الطاولات والكوشه اول صاااععقه لي كانت الكوشه مافي كوشه اصلا ماشفت كوشه شفت اعواد شجر يابسه من اليمين والشمال بس :oوشرشف ابيض على الكرسي ....انا توقعتهم انها من القاعه ولسه ماجابوا الكوشه
واقعد الين الساعه 4 لا حظوا الى الحين الكوفيره ماجات واحنا عددنا تقريبا 10 مع البزارين مدري كم؟
هذي الصاعقه الثانيه :oدقيت على الكوفيره قالت احنا جايين..وادق على صاحب الكوشه واسأله عن الكوشه اتفاجأ:06:يقول لي هذي الكوشه اللي طلبتيها انجنيت وبكيت..ومن كثر القهر دقيت على زوجي وهو بالحلاق خخخخخ شكله يتخيل نفسي وانا محتاسه وابكي ماعاد حسيت بنفسي واهاوشه:icon33:رد علي قال هدي نفسك انتي عروس<<اي عروس اللله يرحم اهلك انا بكارثه..المهم تخيلوا الساعه 4 العصر وادق علي صاحب الكوشه بعد كلام كثير قال لي خلاص انا بجيب لك كاتلوج كوشات واختاري اي وحده فيهم وراح نسويها لك بساعه المهم جاء بعد انتظار واخترت وجاوا يسوونها والله اني قمت مع الهنود نسيت نفسي اني عروس..ويالله بعد ترقيعات ظبطناها وجات الكوفيره وكل شي تمام الى الحين وجاوا الطقاقات والحمدلله بدوا الناس يجوون واسمع الطق والزغاريد:icon28: ولما جاء وقت زفتي جاتني اللي عالديجيه وقالت لي ماراح افتح لك الزفه حقتك الا بـ2000 ريال واحنا متفقين ان الديجيه بـ1500 جات واصدمتني بغيت ابكي ماعرفت اتصرف قهرتني وعطيتها
والحمدللله عدت الزفه بسلام ..قعدت يمكن ساعتين ماجاء العشاء والناس منتظره وميته جوع كان الساعه 12 واحنا من عوايدنا الساعه 10 تعشوا الناس وخلّصوا عشان يبدون ليلتهم خخخخخ ..طبعا كان السبب ان الامير سلطان جاء ومقفلين الشوارع هذي ورطه ثالثه ...وامي مييييته من القهر ماتبي تتفشل قدام الناس:angry2: وتهاوش في ابوي هئهئهئهئه..المهم ياطويلات العمر<<<قالت لكم قصه حياتها
رحنا بعدها عالفندق واخذ زوجي المفتاح حق الغرفه ولما طلعنا عالغرفه وجاء يدخل الكرت ما انفتح له الباب حاول كذا مره وما انفتح قال لي خلاص خليك هنا وبروح اشوف اش السالفه وهذي الورطه الرابعه وانا قاعده ميييته حر من الاحراج والانوار الصفراء كان لها دور لا ولابسه فستان حق نفرين من كبره استغفر الله قعدت اس واشتم واهاوش بيني وبين نفسي:angry2:جاء زوجي بعد طول انتظار وقال غيروا غرفتنا لأن غرفتنا اخذوها لأحد الوفد اللي جايين مع الأمير<<حسبي الله عليهم مت قهر
ورحنا غرفه ثانيه وتعشيت انا وزوجي المهم الفندق اللي انا فيه كل شي مايشتغل فيه الا بالبطاقه حتى الانوار
ولما طلع زوجي عشان اخذ راحتي وابدل مدري اش صار له هذيك الحزه اخذ البطاقه من الجهاز واول ما طلع تقفلت الانوار هذي الورطه الخامسه وانا مدري ان البطاقه هي اللي تشغل الانوار يممممه بغيت انجن يابنات :o واجي احوس بالظلمه ماني عارفه ايش اسوي جاء في بالي ان احد متعمد الحركه هذي فيني ويالله اجي ادور لجوالي مدري وينه وادور جوال زوجي ولقيته بس مقفل ابي ادور مفتاح النور مالقيته تخيلوا كل هذا بفستاني واجي اخذ جوال زوجي واشغله وامشي الين تلفون الجناح وادق عاللوبي واسألهم عن اسم زو جي تخيلوا الصاعقه قال لي ماعندنا احد حاجز بهالأسم بغى يوقف قلبي قلت له هو جالس تحت عندكم روحوا نادوا عليه<<شغالين عند امك هم روحوا نادوا عليه
قال لي مافي احد باللوبي يالله لفت فيني الدنيا مليون لفه من الوضع قمت اقول له خلاص النور طافي عندي قم يقول لي ماعندك البطاقه قلت اي بطاقه قال البطاقه اللي فتحتوا فيه الباب حطيها بالجهاز اللي عندك وبيشتغل النور قلت له انا ماعندي بطاقه قال خلاص برسل لك عامل النظافه يعطيك البطاقه ...يوم قال لي عامل النظافه قلت خلاص بدأ الفلم الهندي..يااااااحبيبي..المه جاء العامل وانابيدي طفايه السجاير<<تخيلوا الشكل عروس بيدها طفايه سجاير <<داخله حرب الأخت
عطاني البطاقه وشغلت النور والحمدلله تشغل النور ولا امداني اشيل الحوسه اللي براسي الا والباب يدق قال انا ............ زوجي ....اللي جاءء بغيت انجن لا بدلت ولا غسلت شعري من الحفله اللي فيه ولا شي
دخل حضرته ...قال اشفيك ماخلصتي قلت لا ..ويوم علمته باللي صار لي ماااات ضحك:hahaha:
ادري طولت عليكم بس في اشياء ماتنسى...بالذات في مثل هالمواقف
يالله ياحلوات انا قلت لكم قصتي ابي كل وحده فيكم تقول لها عن اصعب موقف عندها بذيك الليله نبي نتذكر
الانسه سوسو @alansh_soso
محررة
يلزم عليك تسجيل الدخول أولًا لكتابة تعليق.
ههههههههههههههههههههههه الله يسعدتس يارب لا اعرست ان شاءالله بقولتسههههههههههههههههههههههه الله يسعدتس يارب لا اعرست ان شاءالله بقولتس
ههههههههههههههههههههههه
الله اكبر
الله اكبر
الصفحة الأخيرة
الله يسعدتس يارب
لا اعرست ان شاءالله بقولتس