نورتي اختي عاشقة الريم سيما ياحليلك اجل شايله هم هالورقه خايفه ماتشوفين الشهاده احمدي ربك ربي رحمك جابلك مدرسه قلبها طيب والا لوها وحده ثانيه كان طيرت كل المعلومات اللي في عقلك
مشكوره حبيبتي
:41: نورتي الموضوع

:26: :26: :24:

راح اذكر لكم موقف هو مو يضحك يبكي ..

اذا قاعده احل امتحان علوم و انا ما شاء الله شاطره في العلوم ..

و ليما خلصت الامتحان قاعده افكر يمين و يسار و اوزع ابتسامات و جتني الابله و تقول لا تعتمدين على غيرج ولا ترى اسحب ورقتج ..

انا في هذا الوقت انقهرت هي تحسب اني غشاشه .. قلت لها و بكل ثقة اسحبيها انا خلصت الامتحان وواثقه من نفسي .. قالت لا والله الثقه مضمونه بالغش هاه ..

اول ما طق الجرس و انا اسلم ورقتي و طلعت من الفصل و قعدت ابكي ..

رفيجاتي صاروا حوالي قالوا شفيج عادي ابله ما تعرفج انج شاطره .. للعلم انا الثانيه على الفصل ..

و في استلام الشهايد لقيتها و استلمت شهادتي و نادتني (...) قلت نعم قالت عطيني شهادتج اشوفها قلت لها و بكل ثقه قبل لا اعطيج الشهاده ترى هذا اعتمادي على نفسي اضحكت و اول ما شافت الشهاده شهقت ..

و كانت نسبتي 96.8 و كل ما تشوف ماده تقول ما شاء الله و الحين كل ما تمر و تشوفني تقول شلونج (...) اقول بخير ..

شرايكم فيني .....

حبيبتي الغاليه بنت الغالي والله كسرتي خاطري بس اكيد هالمعلمه حست بغلطتها وندمت كثييييير على اللي سوته :44:

موقفك هذا ذكرني بموقف مشابه لوحده من صديقاتي وهي بنت ماشاءالله عليها قمه في الاخلاق والشطاره محترمه مرررره المهم مره من المرات في اختبار الكيماء كانت وحده من المراقبات معها قلم وطاح قريب عند هالبنت فما كان منها الا ان قامت من كرسيها بترفع لها قلمها فخذت هالمراقبه تهزا فيها وكل ماحاولت توضح لها الموضوع تزيد هالمراقبه في التهزيء وسحبت منها ورقتها وطردتها من القاعه بدون أي تفاهم المسكينه طلعت تبكي وبكينا كلنا معها لدرجة ان وحده واحنا في قاعة الامتحان ماقدرت تمسك نفسها فجلست تتراد هي والمراقبه هذي اللي ماقدرت توقف البنت عند حدها فنادت الاداريه اللي تفهمت الموقف وحلت الاشكال ورجعت صديقتنا للقاعه لكن بعد ايه بعد ماسمعت كلام يعور قلب المهمله والبليده فما بالك بوحده جامعه الادب والشطاره

موقف طازه
سؤال مادة الفقة س- من طرق علاج التدخين

ج- الرقية الشرعية

اضحك وفي نفس الوقت افكر يمكن يفيد