رايقه لحالي :

انا بولادتي البكريه كنت توي داخله التاسع لي يومين ومتأكده من حسبتي قبلها بيوم كنت رايحه عند وحده من صديقاتي وقتها تروشت وطلعت ولمن جيتها اقلها احس بألم بضهري شكله دخلني برد لاني تروشت وركبت السياره مكيفه قالت يالله بفرك لك اياه شوي وتفرك تفرك وجابت القهوه اتقهوى وانا مو مرتاحه وشوي يخف وشوي يزيد وهدى الالم قلت بروح البيت ادهنه بشوي فكس وانام لانه دخلني على برد قالت ايش رايك بكره نسير عند وحده من صديقاتنا قلت تمام مره واحشتني من زمان عنها واروح البيت وانام اهلي كانوا مسافرين ورجعوا ليلتها كانوا بمكه وجو ومايعتبر سفر لاننا قريب من مكه قمت الساعه ٧وانا ماني مرتاحه فيه شي تاعبني ضهري واسفل بطني واقول لامي وتهزأني كيف تتروشي وتطلعي بالمكيف تجيك كحه تجننك يعني مستبعده امر الولاده وسوتلي نعناع وقالت هذا يدفيك وتلحفي قلت عندك فكس قامت قالت لا فكس مو زين للحامل بس تبخري فيه حطيه مع مويه مغليه بقدر تحت البطانيه يدفيك لاني مصره انه برد دخلني وقمت سويتها ونمت ساعه واقوم معرقه من الحر وادخل اتروش الا نزل علي مويه خضرا وكثيره لو اقولكم تعبي دبه ماتصدقون وتكب كب كأني فاتحه حنيفه مويه وانفجعت وغسلت وطلعت لامي اعلمها انفجعت وقالت هيا هيا المستشفى وانا باقي ماعبيت الشنطه قلت ايش قالت شكلها ولاده قلت لا العصر بروح لفلانه مشتاقه لها اعطيني شي بنام قالت اقول قومي فين اغراضك يالله وانا مصره ابي انام العصر بسير وكلمت امي ابويا وجاء ووعلى اقل من مهله يقولها توها البنت لاتستعجلي تقول لها يومين بالتاسع قالتله نطمن وانا خف الالم ولاعاد فيني شي ولاعاد ابي اروح وامي مصره وابويا يقولي تبغي ايس كريم ويذكر امي تذكري لمن اخذتك تولدي فيها شوفيها كبرت وبتجيب طفل ويسولف مرووق وامي تقوله استعجل ورحنا المستشفى وكشفت الدكتوره الا تصيح الجنين بيختنق وبسرعه التموا الدكاتره ويجروا فيني وركبت جهاز النبض والا النبض خفيف والدكاتره جوني يركضون والممرضه تركب القصطره قال الدكتور نلحق والا مانلحق الجنين بخطر والمويه ناشفه والطفل وزنه كبير جات بنتي٤و٩٠٠جرام وانا صدمه ولاني مو من نفس المنطقه ماعندي ملف وامي تدق على ابويا ناسي جواله وراح يدور موقف نزلنا وراح والدكتور يمسك راسه من العجله يقول لامي استعجلي وقعي الاوراق وزين ان بطاقه زوجي معايا بالمحفضه واعطيتهم اياها الدكتور يصيح على الممرضه دخلوها على مسؤليتي وانا اخيرا نطقت قلت هاتوها انا اوقعها قال الدكتور اعطوها توقع على العمليه وانا اضمن لكم انهم يكملوا الا وراق ودخلوني غرفه العمليات وامي طلعت بالمواقف تدور عليه مسكينه بالشمس والحر ومعاها السكر ولافطرت بغت تدوخ بالشارع وجايها ابويا بكل برود معاه كاسه شاهي يقولها ماقلتلك بيطلعوكم تقول امي لساني انربط ااشر له وانفجع ودخل امي الطواري وقاسواالسكر لقوه ٥٠ معاها السكر ولافطرت وانفجعت عليا هبلت فيها الممرضه تقولها هذا لوموت هنا ممنوع لازم ووقعون الاوراق واسعفوها وابويا قام يركض يضبط اوراقي وخلصت منهكه وتعبانه وخلوني بالانعاش ساعتين لانه نزفت قالوا تحت المراقبه واهلي مايدورا عني عيوا يدخلوهم بعدها جوني ٢دكاتره قالوا ربي كتب لك سلامه وعمر جديد للجنين كان بيموت المويات نزلت كلها في حاله غريبه وعاشت بنتي حول ٣ساعات بدون مويه والحمد الله ماجاها شي والحمد الله وقتها سوا لها فحوصات وتحاليل وجات سليمه بس جات معاها خلع ولادي لان الدكتور يقول اول ماشفتها سحبتها من رجلها قبل تختنق بالرحم ولاطول الخلع سبحان الله عالجتها وحده طب شعبي ملختها تمليخ ولي قصه معاها والحمد الله تعافت بنتي ورجعت رجلها مكانها قبل يسير عمرها٦اشهر

انا بولادتي البكريه كنت توي داخله التاسع لي يومين ومتأكده من حسبتي قبلها بيوم كنت رايحه عند وحده...

وردة 🌹 أمل :

ههههههه موضوع حلو ... طبعا انا جربت الطبيعي والقيصري ... القيصري كان غلط من الدكتور متابعه معه من الشهر الاول واتاريه طامع في فلوسي لانو مركز خاص وماكنت ادري لانو اول مولود لي قالي انو ماراح يجيك طلق ولازم نعطيك طلق صناعي وتولدين عمليه اعطاني ثلاثه دربات طلق صناعي وانا والله كنت رح موت من الوجع واصارخ بعدين كتر علي الوجع ماعدت اصارخ تعبت صرت اضم امي علي من الوجع المهم من 4العصر لحدي11مسا وانا اتوجع قالي خلص انتي الرحم عندك راح ينفجر وحياتك في خطر لازم عمليه مستعجله طبعا زوجي شغال بالسعوديه مو معي 😢المهم دخلني عمليه والله في ذيك الساعه تمنيت الموت من الالم ولا خفت من العمليه لاني باي طريقه بدي اخلص اعطوني البنج نصفي وبعد طلعو البنت اجاني نزيف وهبوط يعني مثل الغيبوبه الدكتور اعطاني بنجي كامل....وان شاءالله يوم كامل انا فاقده الوعي بنتي شفتها في اليوم الثاني من الولاده واهلي كانو بدهم يشتكو الدكتور بس رفضت شكيت لله بس والحمدلله انا وبنتي بخير بفضل الله

ههههههه موضوع حلو ... طبعا انا جربت الطبيعي والقيصري ... القيصري كان غلط من الدكتور متابعه معه من...

/هايدي/ :

الحمد لله الله سترها معك بس مفروض بلغتي علية لانه بيولد كثير غيرك و يمكن يضر وحدة لاسمح الله😢

الحمد لله الله سترها معك بس مفروض بلغتي علية لانه بيولد كثير غيرك و يمكن يضر وحدة لاسمح الله😢