سحايب صيف :

السلام عليكم مدري ليه احس انكم الملجأ الوحيد لي كل ما حسيت بضيق الله لا يحرمني منكم يارب اختي الغاليه رشة عطر الف سلامه عليك يالغاليه ما تشوفين شر ان شاء الله ما تتخيلين قد ايش كلامك خفف عني الله يخفف عنك كربتك يوم القيامه انا عارفه ان هذي نعمه من الله وانا اصلا في اول زواجي ما حملت الا بعد علاج وتعب ببنتي الاولى حتى زوجي البارح شافني قاعده ابكي قال يابنت الحلال نسيتي يوم انك تبكين عشان تبغين تحملين والحين قاعده تبكين عشان حملتي :( اما عن الناس اللي يقولون حرام بنتك صغيره فصدقيني في من زميلاتي عينات من هالنوع دايم يتشمتون باللي تحمل بسرعه ويقعدون يحسفونها وكنت خايفه من كلامهم بس معاي غير بالعكس والله كلهم قاموا يهدوني ويصبروني ويقولون لي عادي يمكن عشان شافوا حالتي ما تستحمل اي كلمة عتاب وآآآآآآآآآآآآآخ من احلامك انتي واخوي اخوي قبل كم يوم متصل علي في الليل يقول شفتك في حلم مو زين وحواليك 4 بنات عاد لما حملت عرفت ان البنت الرابعه هي هالحمل والله اعلم الحمد لله على كل حال رشيقه في الاحلام يا هلا والله وغلا والله العظيم مشتاقة لك من زمان ودي اشوفك بس قلت ياربي وين ادورها بهالنت الله يوسع صدرك بالعافيه يارب لو ادري ان الحمل بيجيبك تطلين علينا كان من زمان حملت شخبارك يالغاليه وشخبار البتول مشتاقة لها هي بعد كثيرر سبحان الله دايم حتى اتذكر اللي عندهم تؤأم كيف يربونهم وقاعده اصبر نفسي واقول يالله بأتخيل نفسي جايبه تؤام يااااااااااااااارب تشرح لي صدري وتيسر لي أمري ياااااااااااااارب بوسي ياقلبي انتي الله يرزقكم انتي وزوجك بالذريه الصالحه ان شاء الله شوفي حكمة ربي انتو تحاولو يكون فيه حمل وتتعنون له ولا بعد صار واحنا اللي حريصين وعلى اعصابنا لين نخلص صار حكمتك يارب اللهم لا اعتراض على حكمك والله يرزق بنت عمك ان شاء بالبنين والبنات ويعطي كل محروم وبالنسبه للشريط مااعرف اسويه انا من يومين خلصت الشهر الاول ودخلت الشهر الثاني وولادتي بأذن الله بتكون في 4/7 هجري عاشقة التصميم تسلمين يالغاليه على كلامك الحلو والله يعين انا عارفه ان هذا رزق من الله بس مو بيدي الضيقه احس اني متضايقه مره كل ماشفت بنتي الصغيره حتى والله اني اكتب لكم وانا ابكي نوف الحربي الله يسمع منك يارب ويرزقني بالولد الصالح اللي يكون سند لي ولخواته سبحان الله اذكر مره على مااظن رشيقه قالت ان صديقتها مسويه حمل ترشيح الاجنه عشان تجيب ولد وحطيتها ببالي وقلت ان شاء الله بعد خمس سنوات اذا فكرت احمل بأسأل عن هالطريقه ياسبحان الله الانسان يخطط ويرتب بس كل شئ بأرادة الله عز وجل

السلام عليكم مدري ليه احس انكم الملجأ الوحيد لي كل ما حسيت بضيق الله لا يحرمني منكم يارب...