موبايلي رفع ضغطي

السلام عليكم
الموضوع باين من عنوانه صراحه موبيلي صارت معاملتهم للمشتركين سيئه للغايه
إن رحنا للفروع قالوا السستم عطلان
وإن رفعنا طلب سحبوا بنا بكرا يشتغل طلبكم بعده لا ومن زون السنع تطلبين شيئ يسوون عكسه :angry2:
وفوق هذا كله فيه تمييز بين المشتركين يعني انا اقعد يومين ادقدق عليهم ومايردون وفيه ناس قدامي اول مايدقون يردون عليهم.
كل هذا كووووم والسرقه عيني عينك كوم ثاني ،تصدقون والله اني ما كلمت وماأدري الا إذا ارسلوا رساله تقول مكالمتك الاخيره كلفتك 5 ريال وين مكالمه اخيره والله ماكلمت ، والمشكله ما أحد يرد علي وتكررت اكثر من مره وكل مره خمس ريال الله واكبر عليكم ياموبايلي
وش السوات نتركهم ونروح الاتصالات والا وش نسوي
ايه صح يرسلون قيمة المكالمه بالانجليزي وش دعوا ماترسلون بالعربي ولاعلشان تلعبون على اللي مايعرف انجليزي
والله اني منقهره موب هامني الخمسه القهر التلاعب واستغفال العالم مانقول الاحسبنا الله ونعم الوكيل.